Swahili Bible2

4

1KANDI omukama Sulemani yalema Isareri yona. 2Kandi amabara gabakuru abakabanyinabo nganu: Azaliya mutabani wa Zadoki, nyakatagara 3Erihorefu na Ahiya batabani ba Sihisa, abahandiki; Yehosafari mitabani wa Ahirudi 4Omuijukya;na Benaya mutabani wa yehoyada, nuwe yaba omukuru wihe; na Zadoki na Abyasara bakaba bali banyakatagara; 5na Azaliya mutabani wa nasani yaba mukuru wabamogora; na zabudi mutabani wa Nasabi akabali omuhereza omukuru, enganjani yomukama; 6na Ahisara yaba mukuru wenju; na Adoniramu mutabani wa Abuda yaba omukuru okusoroza abaitu. 7Kandi Sulemani akabanyina abanyebihanda ikumi nababiri omu Isareri yona, kandi nibo baletaga ebyokulya ebyomukama nabomu njuye: omuntu wena yaletaga ebyokulya ebyokwezi kumu omwaka gunu. 8Kandi amabara gabu nganu: benihuru, omu nsi eyensozi eya Eferaimu: 9Beni-dekese, omu Makazi, nomu Saalibimu, na Besi-semesi, na Eroni-besihanani: 10Beni-hesedi omu Arubosi; Soko niyo ye, nensi yona eya Hefere: 11Benabinadabu, omu nyaruguru ya Doru; uwe akaswera Tafasi omuhara wa Sulemani: 12Baana mutabani wa Ahirudi, omu Taanaki na Megido, nomu Besi-sehani eherire salesani, hansi ya Yezereri, okuiruga Besi-sehani okuhikya Aberi-mehora, nokuhingura ha Yokimeamu; 13Beni-gebere, omu Ramosi-gireadi: embuga za yairi omwana wa Manase eziri omu Gireadi nizo ze; kandi ensi ya agobu eri omu basani nayo ye, embuga enkoto enkaga eziroho muhuruzi nebihongozo ebyemiringa: 14Ahinadabu mutabani wa Ido, omu Mahanaimu: 15Ahimaazi, omu nafutali; kandi uwe akaswera Basemasi omuhara wa Sulemani: 16Baana mutabani wa Husai, omu Asere na Bealosi: 17Yehosafati mutabani wa Paruha, 18omu Isakara: Simei mutabani wa era, omu benyamini: 19Gebere Mutabani wa Uli, omu nsi ya Gireadi, ensi ya Sihoni omukama wa Abamoli, kandi eya Ogi omukama wa basani kandi nuwe akabali omunyakihanda omu wenka omu nsi 20Aba Yuda naba Isareri bakaba bali baingi, nkomusenyi oguli ha nyanja obwingi, balyaga kandi banywaga nibasemererwa.

21Kandi Sulemani akalema abukama bwona okuruga ha Kyambu nokuhikya ha mutano gwa Misiri: baletaga ebisembo, kandi bako’raga Sulemani ebiro byona ebyobwomezibwe. 22Kandi ebiizoba limu ebibasorolezaga Sulemani bikaba biri ebirengo ebyensano enungi amakumi asatu, nebirengo byensano enkaga; 23Ente ezebisajwa ikumi, nenimi ezomu malisizo amakumi abiri, nentama kikumi, okutabara empara nenjaza nensama nenkko ezirisibwa. 24baitu akaba nalema hona hona ensi ya kunu yekyambu, okuruga Tifusa nikuhikya Gaza, nalema abakama bona ensi ya kunu yekyambu: yatunga obusinge ha mbaju zona okumwehinguliriza. 25Yuda na Isareri baikara batarukutina, omuntu wena ha muzabibugwe, kandi omuntu wena ha mutinigwe, okuruga Dani nokuhikya Beeri-seba, ebiro byona ebya Sulemani. 26Sulemani akabanyina amasibiko gembarasi zegalize bulumi buna, nabaha mbarasi kakumi mwenkumi ibiri. 27Kandi abanyebihanda abo baleteraga Sulemani ebyokulya, na bona abaijaga ha meza yomukama Sulemani omuntu omu okwezi kumu: omuntu omu okwezi kumu batabuzeho kantu. 28Kandi baletaga na sayiri, nambiba habwembarasi, nensoro ezenziriga nambere bakaba bali, omuntu wena nkomulimogwe okuguli oguyaragirwe.

29Kandi Ruhanga yaha Sulemani amagezi nokwetegereza muno muno, nomutima ogwobukuru, nkomusenyi oguli ha musa gwenyanja obwing. 30Kandi amagezi ga Sulemani gakira amagezi gabana bona aboburugaizoba, namagezi gona aga Misiri. 31Baitu akakira abantu bona amagezi, Esani Omwezerahi, na Hemani, na Kalikoli, na Dada, batabani ba Maholi: nokuranganwakwe kwaba Omu Muhanga gona agahe’raine. 32Yabaza enfumo enkumi isatu: nebizinabye byaba rukumi nebizna bitano. 33Yabaza ha miti, okubandiza ha mukogoto oguli omu Leboanoni nokuhikya ha hezobu erukumera ha muhuruzi: kandi yabaza ha bisoro, nenyonyi, nebyeku’ra, nencu. 34kandi barugaga omu Bantu bona, nibaija okuhu’rs amagezi ga Sulemani, abarugaga abakaba bahulire ha magezige.