Swahili Bible2

22

1KANDI bakaikarayo emyaka esatu hatali obulemu hali Aramu na Isareri. 2Kandi kyahika omu mwaka gwakasatu Yehosafati omukama wa Yuda yasirimuka hali omukama wa isareri. 3Omukama wa Isareri yagambira abairube ati Timumanyire ngu Ramosi-gireadi yaitu, kandi tuculire kwonka, titugiiha omu mukono gwomukama wa Aramu? 4Yagambira yehosafati ati Oligenda nanyowe okuramaga Ramosi-gireadi? Yehosafati yagambira omukama wa Isareri ati Nyowe ndi nkaiwe, abantu bange bali nkabantu bawe, embarasi zange ziri nkembarasi zawe. 5Yehosafati yagambira mukama wa Isareri ati kaguza, nkwesengerize, ekigambo kya MUKAMA hati. 6kandi omukama wa isareri yasoroza hamu banabi, abasaija nkebikumi bina yabagambira ati Ndamage Ramosi- gireadi okurwana, rundi ndeke? Bagamba ngu Ramaga; baitu MUKAMA aligihayo omu mukono gwomukama. 7Baitu / Yehosafati yagamba ati Hanu tiharoho na nabi wa MUKAMA, itwe tumukaguze? 8Omukama wa isareri yagambira yehosafati ati Hasigaireho omuntu omu outusobora okukaguza MUKAMA, nuwe Mikaya mutabani wa Imura: baitu nimunoba; baitu tandagu’ra birungi rundi obubi. Yehosafati yagamba ati Omukama aleka okugamba ati 9nubwo omukama wa Isareri yayeta omuduma, yagamba ati Taba’ra bwango Mikaya mutabani wa Imura. 10kandi omukama wa Isareri na Yehosafati omukama wa Yuda bakaika’ra ha bitebe byabu, bajwaire engoye zabu, omu kiikaro ekigalihire ha irembo eryomusongo’ro gwa samaliya; banabi bona nibaragu’ra omu maiso gabu. 11Na Zedekiya mutabani wa kenaana akeko’ra amahembe gebyoma nagamba ati Nukwo MUKAMA agambire ati na ganu olicumiriza Abaramu, okuhikya obubalihwereke’ra. 12banabi bona nukwo baraguire bati ngu Ramaga Ramosi- gireadi, otunge omugisa: baitu MUKAMA aligihayo omu mukono gwomukama. 13Nomukwenda ayagenzire okweta Mikaya yamugambira ati Dora, ebigambo byabanabi nibitebeza ebirungi hali omukama nkakanwa kamu: nkwesengerize ekigambo kyawe kisisane nkekigambo kyomu halibo, nogamba ebirungi. 14Mikaya yagamba ati Nka MUKAMA okwali omwomezi, eki MUKAMA ekyagambira nikyo ndagamba. 15kandi obuyaizire hali omukama, omukama yamugambira ati Mikaya, turamage Ramosi-gireadi okurwana, rundi tuleke? Yamugarukamu ati Ramaga, otunge omugisa; MUKAMA aligaihayo omu mukono gwomukama. 16Omukama yamugambira ati Ndakurahiza emirundi ingaha, okuntatebeza na kake ekitali kyamazima omu ibara lya MUKAMA? 17Yagamba ati Nkarora Abaisareri bona bararangire ha nsozi, nkentama ezitanyina mulisa: MUKAMA yagamba ati banu tibanyina mukama; bona bagarukeyo omuntu wena omunjuye nobusinge. 18Omukama wa Isareri yagambira Yehosafati ati Tinkugambire nti Tandagu’re ebirungi, baitu obubi? 19Kandi akagamba ati Nukwo ohu’re ekigambo kya MUKAMA: nkarora MUKAMA aikalire ha kitebekye, nihe ryona eryomu iguru lyemerire namberali ha mukonogwe ogwobulyo na ha gwemoso. 20MUKAMA yagamba ati Noha arabihabiha Ahabu aramage agwe Ramosi-gireadi? Omu yagamba kundi nomu yagamba okundi. 21Kandi harugayo omwoyo gwa yeme’ra omu maiso ga MUKAMA nugugamba ngu Nyowe Ndamubihabiha. 22MUKAMA yamugambira ati Ota? Gwagamba guti Ndagenda ninfoka omwoyo ogwebisuba omu kanwa kabanabibe bona. Yagamba ati Oramubihabiha, kandi orasingura: genda, okole oti. 23Nukwo orole. MUKAMA ataire omwoyo ogwebisuba omu kanwa kabanabi bawe banu bona; kandi MUKAMA agambire kubi haliwe. 24Nubwo Zedekiya mutabani wa kenaana yai’ra haihi, yatera Mikaya ha rusaya nagamba ati Omwoyo gwa MUKAMA gukandabaho guta okubaza naiwe? 25Mikaya yagamba ati Dora, olirora ha kiro eki obwoligenda omu kisaka kyomunda okwesereka. 26Omukama wa Isareri yagamba ati Twara Mikaya, omuga’reyo hali Amoni, omukuru worubuga, na hali Yoasi omwana womukama; 27nogamba oti Nukwo omukama agambire ati Mute ekisaija kinu omu nju yenkomo, mumulise ebyokulya ebyomuhito namaizi gomuhito, okuhikya okugaruka obwoligaruka nobusinge. 28Mikaya yagamba ati Okugaruka obwoligaruka nobusinge buli MUKAMA tagambire omuli nyowe. Yagamba ati Muhu’re inywe amahanga gona.

29Nukwo omukama wa Isareri na yehosafati omukama wa Yuda baramaga Ramosi-gireadi. 30Omukama wa Isareri yagambira Yehosafati ati Nyowe ndayefora okundi nigenda okurwana, baitu iwe ojwale ebyokujwara byawe. Omukama wa Isareri yayefora okundi, yagenda okurwana. 31Kandi omukama wa Aramu akaragira engabwa ezegalize amakumi asatu nababiri ati Mutarwana nabato nobubakuba abakuru, baitu nomukama wa Isareri wenka. 32Kandi kyahika, engabwa ezegali obubaboine yehosafati, bagamba ngu Ogu nuwe mukama wa Isareri; bakubuka okurwana nauwe: Yehosafati yayami’ra. 33Kandi kyahika, engabwa ezegali obubaboine tali mukama wa Isareri bagarukayo enyuma nibaleka okumuhondera. 34Kandi omuntu omu yafora obuta narasa omu rusaro, yarasa omukama wa Isareri nambere ebijwarobye ebyebyoma biteranira: nikyo yagambiririre omutwazi wegaliye ati Hindura omukono gwawe onyihe omu ihe; baitu mputaire muno. 35Okurwana kwayeyongera ha kiro kiri: omukama bamusagika omu galiye okurwana nabaramu, yafa akairirizi: esagama yajwa omu mputa omunda yegali. 36Kandi izoba obulyasisaine okugwa, bayami’ra omu ihe lyona ngu Omuntu wena agenda omu rubuga rwowabu, omuntu wena omu nsi yowabu. 37Nukwo omukama yafire ati, kandi bamuleta Samaliya; 38Kandi bakogya egali ha kijongo ekya Samaliya; nembwa zakomba esagamaye; (kandi nuho bamalini bayogeraga oku) nkekigambo kya MUKAMA ekiyagambire okukikaba kiri. 39Nengeso ezindi eza Ahabu na Byona ebiyayombekere, nembuga zona eziyayombekere, tinizo zihandilirwe omu kitabu ekyebyomu businge bwa bakama ba Isareri. 40Nukwo ahabu yagwijagira hamu nabaisekuru; na Ahaziya mutabaniwe yalema omu kiikarokye.

41Kandi Yahosafati mutabani wa Asa akabanza okulema Yuda omu mwaka gwakana ogwa Ahabu omukama wa Isareri. 42Yehosafati akaba ahikize emyaka amakumi abiri netano omu Yerusalemu. Ibara lya nyina nuwe Azuba, omuhara wa Sirihi. 43Yagendaga omu muhanda gwona ogwa Asa ise; atagurugemu baitu yakoraga ebirungi omu maiso ga MUKAMA: kyonka ebiikaro ebiraihire bitaihweho; abantu bakaikara nibahayo ebyonzira, nibotera emyami’ro omu biikaro ebiraihire. 44kandi yehosafati akaragana ebyobusinge nomukama wa Isareri. 45kandi engeso ezindi eza Yehosafati, namanige agayayolekere, kandi okuyaraaine, tizihandikirwe omu kitabu kyebyomu businge obwabakama ba Yuda? 46kandi nabasodomu abasigaireho, abasigaireho omu biro bya Asa ise, 47yabaiha omu nsi. Kandi / kakaba hatarumu omukama omu Edomu: omusigwa nuwe akabali omukama. 48Yehosafati akakora ebyombo bya Tarasisis, bigende Ofiri okutaba’rayo ezabu: baitu bitagende; baitu ebyombo bikacwekara Ezionigebere. 49Nubwo ahaziya mutabani wa Ahabu yagambira Yehosafati ati leka abairu bange bagende nabairu bawe omu byombo. Baitu Yehosafati yayanga. 50kandi Yehosafati yagwijagira hamu nabaisenkuru, yazikwa hamu nabaisebo omu rubuga rwa Daudi isenkuru: Yehoramu mutabaniwe yalema omu kiikarokye.

51Ahaziya mutabani wa Ahabu akabanza okulema Isareri omu Samaliya omu mwaka gwa ikumi na Musanju ogwa Yehosafati omukama wa Yuda, Yalemera emyaka ebiri Isareri. 52Akakora ekibi omu maiso ga MUKAMA, yagendera omu muhanda gwa nyina, nomu muhanda gwa yeroboamu mutabani wa Nebati, nkokuyasisize Isareri. 53kandi akako’ra Baali, namuramya, nayeremera MUKAMA Ruhanga wa Isareri okumubihiza, nka byona ise ebiyakoraga okubikaba biri.