Swahili Bible2

21

1KANDI kyahika hanyuma yebigambo ebi, Nabosi Omuyezereri akaba anyina orugonjo orwemizabibu,orukaba ruli omu Yezereri, haihi nekikali ekya Ahabu omukama wa samaliya. 2Ahabu yabaza na Nabosi, yagamba ati Mpa orugonjo rwawe orwemizabibu, mbe narwo habwomusiri gwemikubi, baitu ruli haihi nenju yange; kandi ndikuha omu kiikaro kyarwo orugonjo rwemizabibu orurkukira oburungi: rundi, obukitaba kiri kirungi namberoli, omu rupiya. 3nabosi yagambira Ahabu ati MUKAMA akitange namaberendi, ndeke okukuha obugwetwa bwabaisenkuru nyowe. 4Ahabu yataha omu njuye atuntuire, kandi abihirwe habwekigambo Nabosi Omuyezereri ekiyamugambire: baitu akagamba ati Tindikuha obugwetwa bwabaisenkuru nyowe. Yabyama ha kitabukye, yahindurayo amaisoge, yayanga okulya. 5Baitu yezeberi mukaziwe yaija namberali, yamungambira ati Omwoyo gwawe gutuntuzibwe ki, iwe okutalya ebyokulya? 6Yamugambira ati baitu mbalize na Nabosi Omuyezereri, namugambira nti Mpa orugonjo rwawe orwenizabibu habwerupiya; rundi, obukiraba kirungi namberoli, ndakuha orugonjo rundi orwemizabibu omu kiikaro kyarwo: yagarukamu ati Tindikuha orugonjo rwange orwemizabibu. 7Yezeberi mukaziwe yamugambira ati Nolema hati obukama bwa Isareri? imuka, olye ebyokulya, omutima gwawe gusemererwe: ninyowe ndakuha orugonjo rwemizabibu orwa nabosi Omuyezereri. 8Nukwo yahandika ebaruha omu ibara lya Ahabu, yataho emanyikirizoye, yatweka ebaruha hali abanyoro abakaba bali omu rubugarwe, abaikaire hamu na nabosi. 9Yahandika omu baruha ati Mudume okusiba, muimukye Nabosi haiguru omu Bantu: 10muteho abasaija babiri, abana ba / beryali, omu maisoge, bamugambeho nkabakaiso ngu Iwe okakyena Ruhanga nomukama. Kandi mumuturukye aharu. Mumutere namabale afe. 11Abasaija aborubugarwe, abakuru nabanyoro abaikaraga omu rubugarwe, bakora nka Yezeberi okuyabatumire, nkokukyaindikirwe omu baruha 12eziyabatwekire. Baduma okusiba, baimukya Nabosi haiguru omu Bantu. 13Nabasaija ababiri abana ba beryali, batahamu baika’ra omu maisoge: abasaija ba beryali bamwomereza ebigambo, Nabosi ogu, omu maiso gabantu, nibagmba ngu nabosi akakyena Ruhanga nomukama. Nubwo bamuturukya aheru yorubuga, bamutera namabale, yafa. 14nubwo batumira Yezeberi nibagamba ngu Nabosi bamutire amabale, kandi afire. 15kayahika, Yezeberi obuyahulire Nabosi bamutire amabale kandi afire, yezeberi yagambira Ahabu ati Imuka. Olye orugonjo rwemizabibu orwa Nabosi Omuyezereri, oruyayangire okkuha habwerupiya: baitu Nabosi tali mwomezi, afire. 16Kyahika Ahabu obuyahulire nabosi afire, Ahabu yaimuka okusirimuka hali orugonjo rwa nabosi Omuyezereri arulye.

17Kandi ekigambo kya MUKAMA kyaija hali eriya Omutisibi 18ngu Imuka ogende osirimuke okuitirana Ahabu omukama wa Isareri, arukuikara Samaliya: dora ali omu rugonjo rwa nabosi, nambere asirimukire okurulya. 19kandi olimugambira oti Nukwo agambire MUKAMA ati Okaita walya? Kandi olimugambira oti Nukwo agambire MUKAMA ati Omu /kiikaro nambere embwa zakombere esagama ya nabosi, nuho embwa zirikomba esagama yawe, eyawe wenka. 20Ahabu yagambira eriya ati Wambona, iwe omunyanzigwa wange? Yagarukamu ati Nkuboine: baitu okegura wenka okukora ekibi omu maiso ga MUKAMA. 21Dora ndikuletera akabi, ndikusingo’raho kimu, ndimara ha Ahabu omwana wena omwojo, nogu aboherwe nogu alekerwe omu Isareri. 22kandi ndifora enju yawe okuba nkenju ya yeroboamu mutabani wa Nebati, kandi nkenju ya Baasa mutabani wa Ahiya, habwokwerema kwawe okwonyeremire okumbihiza, kandi wasisisa Isarei. 23nebya yezeberi nauwe MUKAMA akagamba ati Embwa Zirirya yezeberi haihi na Muhuruzi ya yezeberi. 24Owa Ahabu alifera omu rubuga embwa zirirmulya; nogu alifera omu kisaka empungu ezomu mwanya zirimulya. 25( Baitu hakaba hataroho ondi okusisana na Ahabu, aya yeguzire wenka okukora ekibi omu maiso ga MUKAMA, Yezeberi mukaziwe ouyasindikirize. 26Kandi yakoraga kubi mahano, nakuratira ebisisani, nka byona Abamoli ebibakoraga okubiri, MUKAMA abayabingire omu maiso gabana ba Isareri) 27kandi kyahika, Ahabu obuyahulire ebigambo ebi yatemura ebyokujwarabye, yajwara ebitengo ha mubirigwe yasiba, yabyanma ajwaire ebitengo, yagenda mpora. 28Ekigambo kya MUKAMA kyaija hali Eriya 29Omutisibi ngu Oboine ahabu okwayabundaize wenka omu maiso gange? Habwokwebundaza wenka omu maiso gange, tindireta akabi omu birobye: baitu omu biro byamutabaniwe nubwo ndireta akabi ha njuye.