Swahili Bible2

20

1KANDI Beni- hadadi omukama wa Aramu akasosroza iherye ryona: hakaba haroho hamu nauwe abakama amakumi asatu anabiri nembasarasi negali: yagenda yagota Samaliya yagirwanisa. 2yatuma abakwenda hali Ahabu omukama wa Isareri omu rubuga, yamugambira ati Nukwo agambire 3Beni-hadadi ati efeza zawe nezabu zawe zange; nabakazi bawe nabana bawe bona abarukukira abarungi bange. 4Omukama wa Isareri yagarukamu nagamba ati nkekigambo kyawe okukiri mukama wange omukama, nukwo kiri kiti; nyowe ndi wawe na byona ebinyinabyo. 5Abakwenda bagaruka okuija nibagamba ngu Nukwo arukugamba Beni-hadadi ati Nkakutumira mali ningamba nti Olihayo namberendi efeza zawe, nezabu bawe, na bakazi bawe, nabana bawe. 6baitu ndituma abairu bange namberoli ijo nkakasumikanu okukali, balise’ra omu nju yawe, nenju zabairu bawe; kandi kirihika ekintu kyona ekiriba kisemire omu maiso gawe, nikyo balikwata omu ngaro zabu bakitwale. 7nubwo omukama wa Isareri yayeta abakuru bona abensi, yagamba ati Muteho omutima mbesengerize, murole omusaija ogu okwarukuse’ra akabi: baitu akantumira okumutwekera bakazi bange nabana bange, befeza zange, nezabu zange; kunu ntamwange. 8Nabakuru bona nabantu bona bamugambira ngu Otahu’ra nobukwakuba okuikiriza. 9Nikyo yagambire hali abakwenda ba beni-hadadi ati Mugambire mukama wange omukama muti Byona ebiwatumire hali omuiru wawe obwokubanza ndibikora: baitu ekigambo kinu tindukusobora okukikora. Abakwenda barugaho, bamuletera ekigambo. 10beni-hadadi yamutumira yagamba ati Abacwezi bankole bati nokukiraho, ecucu ya Samaliya obwerimara okuijuza ebiganja btabantu bona abalinkuratira. 11Omukama wa Isareri yagamba ati Mumugambire muti Arukujwara ebyokurwanisabye aleke okwenyumiza nkogu arukubijura. 12Kandi kyahika Beni-hadadi obuyahurire ekigambo kinu, obwakaba natamira uwe nabakama omu buju, yagambira abairube ati Musimbe enyi’ri Basimba enyi’ri okurwanisa orubuga. 13Kandi dora, nabi yai’ra haihi hali Ahabu omukama wa Isareri, yagamba ati Nukwo agambire MUKAMA ati Oboine ekitebe kinu ekingi? Dora, ndakihayo omu mukono gwawe hakiro kinu: / naiwe oramanya nyowe ndi MUKAMA. 14Ahabu yagamba ati Habwoha? Yagamba ati Nukwo agambire MUKAMA ati Habwabasigazi ababakuru bamasaza. Nubwo yarwana? Yagarukamu ati Niwe. 15Nubwo yasoroza abasigazi ababakuru bamasaza, bahuka bikumi bibiri mwamakumi asatu mababiri: hanyuma yabo yasoroza abantu bona, abana bona aba Isareri, kasanju. 16baramaga omu ihangwe. Baitu Beni-hadadi akaba natamira muno omu buju, uwe nabakama., abakama amakumi asatu nababiri abakaba nibamukonyera. 17Abasigazi ababakuru abamasaza babanza okuramaga; Beni-hadadi yatuma, bamugambira ngu Haturukire abasaija omu Samaliya. 18Yagamba ati Baraba baturukire habwobusinge, mubahambe bali bomezi; rundi baraba baturukire okurwana, mubahambe bali bomezi. 19Nukwo abo baturuka omu rubuga, abasigazi ababakuru abamasaza, nihe eryabakuratire. 20baitu omuntu wena omusaijawe: Abaramu bairuka, Isareri yabahondera: kandi Beni-hadadi omukama wa Aramu yaki’ra ha mbarasi hamu nabaha mbarasi. 21Nomukama wa Isareri yaturuka, yatema embarasi negali, yaita Abaramu okuita kwingi. 22Kandi nabi yaira haihi hali momukama wa Isareri, yamugambira ati Genda oyeyongeraho amani, oteho omutima orole ekyorukukora: baitu omwaka obuguligaruka omukama wa Aramu alikuramagira.

23Kandi abairu abomukama wa Aramu bamugambira ngu Omucwezi wabu mucwezi wensozi; habweki bakatukira amani: baitu turwane nabo gmu kyeya, kandi mazimakwo tulibakira amani. 24Kandi mukole ekigambo kinu; muiheho abakama omuntu wena omu kiikarokye. Oga’re engabwa omu biikaro byabu: 25kandi osoroze ihe, nkihe eriwaferirwe, embarasi omu kiikaro kyembarasi, negali omu kiikaro kyegali: kandi tulirwana nabo omu kyeya, mazimakwo tulibakira amani.Yahu’ra iraka lyabu, yakora ati. 26kandi kyahika omwaka obugwagarukire, Beni-hadadi yasoroza Abaramu, yagenda Afeki, 27okurwana na Isareri. Nabana ba Isareri basorozebwa bahabwa entanda, babaramagira: abana ba Isareri batema orukande omu maiso gabo nkamagana gembuzi abiri; baitu Abaramu bakaijuza ensi. 28Kandi omusaija wa Ruhanga yai’ra haihi yabaza nomukama wa Isareri nagamba ati Nukwo agambire MUKAMA Ati Baitu Abaramu bakagamba ngu YAHWE nuwe mucwezi wensozi, baitu tali mucwezi webihanga; nikyo ndaherayo ekono gwawe, kandi mulimanya nyowe ndi MUKAMA. 29Baikara omu nkande zabu, nibarole’rabgana ebiro musanju. Kandi kyahika, ha kiro ekyomusanju bakaterana okurwana; kandi abana ba Isareri bakaita ha Baramu omu kiro kimu abasaija abagenda nebigere kasirira. 30Baitu abasigaireho bairukira Afeki, omu rubuga; muhuruzi yagwa ha basaija abasigairehobukumi bubiri mu kasanju. Beni-hadadi yairuka yataha omu rubuga, omu kisika ekyomunda. 31Abairube bamugambira ngu Dora ‘nu, tukahu’ra ngu abakama abenju ya Isareri bakama bokuganyira: tukwesengerize ikiriza tujwale ebitengo omunda zaitu, tute emiguha ha mitwe yaitu, tuturuke tugende hali omukama wa Isareri: rundi alijuna obwomezi bwawe okutafa. 32Nukwo bayetega ebitengo omunda, bata emiguha ha mitwe yabu, baija hali omukama wa Isareri, bagamba ngu Omuiru wawe beni-hadadi agambire ati Ndeka nkwesengerize, nyikale ndi mwomezi. Yagamba ati Akiri Omwomezi? Nuwe mugenzi wange. 33Lero abasaija bakatega muno amatu, bayanguha okukwata ekikaba kiri omu kutekerezakwe; bagamba ngu Mugenzi wawe Beni-hadadi. Nubwo yagamba ati Mugende, mumulete. Beni-hadadi yaturuka yaija namberali; yamutembya omu gali. 34Beni-hadadi yamugambira ati Embuga isenyowe eziyayakire ‘so ndiziga’ra; kandi iwe olyeko’ra wenka engudo omu damasiko, nka isenyowe okuyakozire omu Samaliya. Ahabu yagamba ati Nanyowe ndakulekera nekiragano kinu. Nukwo yamuraganiza ekiragano, yamulekera.

35Kandi omuntu omu owomubana ba banabi yagambira omutahiwe habwekigambo kya MUKAMA ati Ntema nkwesengerize. Omusaija yayanga okumutema. 36Nubwo yamugambira ati baitu tohulire iraka lya MUKAMA, dora obworakandugaho entale erakuita. Kandi obuyamurugireho ahonaho entale yamusanga yamuita. 37Uwe yasanga omuntu ondi, yagamba ati Ntema, nkwesengerize. Omusaija yamutema, namutema namuhutaza. 38Nukwo nabi yarugayo, yategereza omukama omu muhanda, yayefora okundi aswekere amaisoge nekitambara. 39Omukama obuyahinguireho, yakunga omukama: yagamba ati omuiru wawe aturukire yagenda omu bulemu hagati; kandi dora, omusaija yakubutuka, yaleta omuntu namberendi, yagamba ati kwata omusaija onu: rundi obwarabura, obwomezi bwawe buraba habwobwomezibwe, rundi oraliha etaranta yefeza. 40Kandi omuiru wawe obwabaire natalibana ahandi nahandi, yabura. Omukama wa Isareri yamugambira ati Nukwo omusango gwawe guraba guti; niwe ogucwire wenka. 41yayanguha, yaiha ekitambara ha maisoge; omukama wa Isareri yamukenga ali womu banabi. 42Yamugambira ati Nukwo agambire MUKAMA ati Baitu olekire omu mukono gwawe omusaija ounaterireho okuitwa, obwomezi bwawe buliba habwobwomezibwe. 43Omukama wa Isareri yagenda omu njuye atuntuire, kandi abihirwe, yaija Samaliya.