Swahili Bible2

2

1LERO ebiro bya Daudi ebyokufa byai’ra haihi: yatere’ra Sulemani mutabaniwe nagamba ati Nyowe 2nigenda orugendo orwensi yona: foka wamani, 3oyeyoleke oli musaija; okwatege ebyoragirwa MUKAMA Ruhanga wawe, okugendaga omu mihandaye, okukwataga ebyataireho nebiragirobye nkebi okubiri, ehandikirwe omu biragiro bya musa, nukwo otungege omugisa omu byona ebyorakoraga, kandi horahindukiraga hona: 4Nukwo MUKAMA agumye ekigambokye ekiyangambireho ati Abana bawe obubalyerinda omuhanda gwabu, okugenderaga omu maiso gange omu mazima nomutima gwabu gwona nobwomezi bwabu bwona, toliburwa (nukwo agambire ati) omuntu ha kitebe kya Isareri. 5Kandi omanyire Yoabu mutabani wa zeruya ebiyankozire, ebiyakozire engabwa ibiri ezamahe ga Isareri, Abuneri mutabani wa neri, na Amasamutabani wa yesere, abayaisire, yasesa esagama bulemu omu biro byobusdinge yata esagama yobulemu hamwekogwe ogwakaba ayetegere omunda, nomu nkaitoze ezikaba ziri ha bigerebye. 6Nukwo orakora nkamagezi gawe okugali, otaleka omutwegwe ogumezere enju okusirimuka okuzimu nobusinge. 7baitu olyeyoleka embabazi hali batabani ba bazilai Omugireadi, babe omuli abo abarukulya ha meza yawe: baitu bakaija namberendi obunairukire Abusalomu mugezi wawe. 8Kandi dora, haroho namberoli Simei mutabani wa Gera, Omubenyamini owa bahurimu, ayankyenere nokukyena kwingi ha kiro obunagenzire Mahanaimu: baitu akaija okuntangi’ra Yorudani, kandi namurahi’ra MUKAMA ningamba nti Tindiuita na busitama. 9Nukwo hati bunu otalimubara nkatanyina musango, baitu oli musaija wamagezi: kandi olimanya ekirikuhiki’ra okumukora, kandi olisirimura omutwegwe ogumezere enju hali okuzimu nesagama. 10Daudi yagwijagira na baisenkurubo yazikwa omu rubuga rwa Daudi. 11Kandi ebiro Daudi ebiyalemere Isareri bikaba biri emyaka amakumi ana: emyaka musanju akalemera heburoni, namyaka amakuni asatu nesatu akalemera Yerusalemu.

12Sulemani yaika’ra ha kitebe kya Daudi ise; obukamabwe bwagumwaho muno. 13Kandi Adoniya omwana wa Hagisi yaija hali basiseba nyina Sulemani. Yagamba ati Noija nobusige? Yagamba ati Nobusinge 14Kandi yagamba ati nyina ekigambo okukugambira. 15Yagamba ati Gamba. Yagamba ati Iwe omayire obukama bukaba buli bwange, kandi Isareri yona bakangumyaho amaiso gabu ndeme: baitu obukama buhindukire before bwa mugenzi wange, baitu bukaba buli bwe okuruga ha MUKAMA. 16Kandi hati bunu ninkusaba ekigambo kimu, otanyanga. yamugambira ati Gamba. 17tagamba ati Nkwesengerize ogambire Sulemani omukama (baitu talikwanga Iwe), ampe Abisagi 18Omusunamumuswere. Basiseba yagamba ait Nukwo ndigambira omukama habwawe. 19Basiseba yagenda hali omukama Sulemani abze nauwe habwa Adoniya. Omukama yaimuka okumutangi’ra, yamuinamira yaika’ra ja kitebekye, yaragira baletere ekitebe nyinomukama: yaika’ra ha mukonogwe ogwobulyo. 20Nubwo yagamba ati Ninkusaba ekigambo kimu ekike; otanyanga. Omukama yamugambira ati Nsaba, nyina nyowe: baitu tinkwange. 21Yagamba ati Ikiriza Abisagi Omusunamu ahabwe hali Adoniya mugenzi wawe omuswere. 22Omukama Sulemani yagarukamu nagambira Abisagi Omusunamu habwa Adoniya? Musabire nobukama baitu nuwe mukuru wange; uwe na Abyasara nyakatagara na Yoabu Mutabani wa Zeruya. 23Kandi omukama Sulemani yarahi’ra MUKAMA nagamba ati Ruhanga ankole ati nokukiraho, Adoniya obwatagambire ekigambo kinu ha bwomezibwe wenka. 24Nukwo hati bunu nka MUKAMA okwali omwomezi, ayangumizeho yenta ha kitebe kya Daudi Isenyowe, kandi yanfora enju nkokuyaragaine, mazimakwo Adoniya araitwa ha kiro kinu. 25Omukama Sulemani yatuma habwomukono gwa benaya mutabani wa Yehoyada; yamugwera yafa. 26kandi Abyasaranyakatagara omukama yamugambira ati Iwe genda Anatosi hali obutaka bwawe wenka; baitu tinkuite hati, baitu okahimba esanduko ya Mukama RUHANGA omu maiso ga Daudi Isenyowe, kandi baitu okabonabonesebwa omu byona Isenyowe ebiyabonabonesibwemu. 27Nukwo Sulemani yabinga Abyasara aleke okuba nyakatagara hali MUKAMA; ahikirize ekigambo kya MUKAMA ekiyagambire ha nju ya Eri omu Siro. 28Kandi baleta amakuru hali Yoabu; baitu Yoabu akaba ahindukire okukuratira Adoniya, nobwatarahindukire okukuratira Abusalomu. Yoabu yairukira hali Ehema ya MUKAMA yakwata ha magembe gekyoto. 29Kandi bagambira omukama Sulemani ngu Yoabu airukire hali Ehema ya MUKAMA, kandi dora, Ali ha Kyoto. Sulemani yatuma Benaya matabani wa Yehoyada nagamba ati Genda omugwere. 30Benaya yaija hali Ehema ya MUKAMA yamugambira ati Nukwo agambire omukama ati Rugayo. Yagamba ati Nangwa; baitu ndafera hanu. Benaya yagaru’ra omukama ebigambo, nagamba ati Nukwo agambire Yoabu, kandi nukwo angarukiremu ati. 31Omukama yamugambira ati Kora nkokwagambire, omugwere omuzika: oiheho esagama Yoabu eyiyasesire busa, hali nyowe na hali enju ya Isenyowe. 32kandi MUKAMA araga’ra esagamaye ha mutwegwe wenka, baitu akagwera abasaija babiri abamukizire oburungi nokuhiki’ra, yabaita na busitama, kandi isenyowe Daudi atakimanye, Abuneri mutabani wa Neri engabwa yihe lya Yuda. 33Nukwo esagama yabu erigaruka ha mutwe gwa Yoabu, na ha mutwe gworuzarorwe ebiro byona: baitu hali Daudi na hali oruzarorwe, na hali enjuye, nahali ekitebekye,haliba obusinge ebiro byona oburuga hali MUKAMA 34Nubwo Benaya mutabani wa Yehoyada yatemba, yamugwera, yamuita; yazikwa omu njuye wenka omu irungu. 35Omukama yata benaya mutabani wa Yehoyada omu kiikarokye okulema ihe: zadoki nyakatagara omukama yamuta omukiikaro kya Abyasara. 36Omukama yatuma yayeta Simei, yamugambira ati Yombeka enju yawe omu yerusalemu, oikalemu, baitu otalirugayo okugenda hona. 37Baitu ha kiro eki ekyoliturukiramu noyambuka ekyambu Kidironi, manyira kimukinu ngu Mazimakwo olifa:esagama yawe eriba ha mutwe gwawe wenka. 38Simei yagambira omukama ati Ekigambo eki kirungi: nka mukama wange omukama okwaambire, nukwo omuiru wawe alikora ati. Simei yaikara omu Yerusalemu ebiro bingi. 39Kandi kikahika emyaka esatu obuyahinguireho abairu babiri aba simei bairuka bagenda Akisi, mutabani wa maaka, omukama wa Gasi. Bagambira Simei ngu Dora, abairu bawe bali omu Gasi. 40Simei yaimuka yatandika enkainaye yagenda Gasi hali Akisi, ase’re abairube: Simei yagenda yaihayo abairube Gasi. 41Bagambira Sulemani ngu Simei arugire Yerusalemu yaganda gasi, kandi Yagaruka. 42Omukama yatuma yayeta Simei yamugambira ati Ntakurahize MUKAMA nakugambira mali nti Manyira kimu ngu ha kiro eki ekyoliturukiramu nogenda hona mazimakwo olifa? Naiwe wangambira oti ekigambo ekimpulire kirungi. 43Mara kiki ekikutangire okukwata ekirahiro ekya MUKAMA, nekiragiro ekinakuragire? 44Kandi omukama yagambira Simei ati Omanyire obubi bwona obuli omu bihwa ebyomutima gwawe, obuwakozire Daudi Isenyowe: nikyo MUKAMA aragaru’ra obubi bwawe ha mutwe gwawe wenka. 45baitu omukama Sulemani arahabwaga omugisa, nekitebe kya daudi kiragumahoga omu maiso ga MUKAMA ebiro byona. 46Nukwo omukama yaragira Benaya mutabani wa Yehoyada; yaturuka yamugwera, yafa. Kandi obukama bwagumibwa omu mukono gwa Sulemani.