Swahili Bible2

19

1KANDI Ahabu yatebeza Yezeberi byona Eriya ebiyakozire, kandi okuyaisire na busitama banabi bona. 2Nubwo Yezeberi yatuma omukwenda hali Eriya nagamba ati Nukwo abacwezi bankole bati kandi nokukiraho, obuntalifora obwomezi bwawe nkobwomezi obwomu hali aboijo nkakasumi kanu. 3Obuyaboine eki yaimuka, yagendera obwomezibwe, yaija Beeri-seba, eya Yuda, yasiga omuiruwe oku. 4baitu uwe wenka yagenda orugendo orwizoba limu omu irungu, yaija yaika’ra hansi yomuti omusasa: yayesabira wenka okufa; yagamba ati Kiramara; hati bunu, ai MUKAMA, ihaho obwomezi bwange, baitu tindukukira baisenkuru nyowe oburungi. 5yabyama yagwijagira omunda yomuti omusasa, kandi dora, maraika yamukoraho, yamugambira ati Imuka olye. 6Yarora, kandi dora, ha mutwegwe hakaba haroho omugati gwokibwe ha manda nekisisi kyamaizi. Yalya yanywa yagruka okubyama. 7Maraika wa MUKAMA yaija omurundi gwakabiri, yamukoraho nagamba ati Imuka olye; baitu orugendo rukoto, rulikulema. 8Yaimuka yalya yanywa, yagenda omu mani gebyokulya ebi ebiro amakumi ana nyamusana nekiro, hali Horebu orusozi rwa Ruhanga. 9yahikayo hali obuingira, yaikaramu; kandi dora, ekigambo kya MUKAMA kyaija namberali, yamugambira ati Nokora ki hanu Eriya? 10Yagamba ati Nkakwatwa / ihali lingi habwa MUKAMA Ruhanga wamahe; baitu abana ba Isareri bafurukire ekiragano kyawe, basesere hansi ebyoto byawe, baisire banabi bawe na busitama; kandi nyowe nyowe nyenka nsigaireho; kandi nibase’ra obwomezi bwange okubuihaho. 11Yagamba ati Turuka oyeme’re ha rusozi omu maiso ga MUKAMA. Kandi dora, MUKAMA yahinguraho, ekiyaga ekingi ekyamani kyayata ensozi, kyacwacwana amabale omu maiso ga MUKAMA; baitu MUKAMA akaba atali omu muyaga: hanyuma yomuyaga omusisa; baitu MUKAMA akaba atali omu musisa; 12hanyuma yomusisa omu’ro; baitu MUKAMA akaba atali omu mu’ro: hayuma yomu’ro iraka erike. Ericulezi. 13Kandi kyahika Eriya obuyalihulire yayesweke’ra amaisoge nomunagirogwe, yaturuka yayeme’ra omu mulyango gwobuingira. Kandi dora, iraka lyaija namberali nirigamba ngu Nokora ki hanu Eriya? 14yagamba ati Nkakwatwa ihali lingi habwa MUKAMA Ruhanga wamahe; baitu abana ba Isareri bafurukire ekiragano kyawe, basesere hansi ebyoto byawe, baisire na busitama banabi bawe; kandi nyowe nyowe nyenka nsingaireho; nibase’ra obwomezi bwange okubuihaho. 15MUKAMA yamugambira ati Genda ogaruke omu muhanda gwawe omu irungu lya damasiko: obwolikahikayo olisesa amagita ha hazaeri abe omukama wa Aramu: 16na Yehu mutabani wa Nimusi olimusesaho amagita abe omukama wa Isareri: na Erisa mutabani wa Safari owa Aberi-mehora olimusesaho amagita abe nabi omu kiikaro kyawe. 17Kandi kirihika, ogu alikira busitama ya Hazaeri Yehu alimuita:nogu alikira busitama ya Yehu Erisa alimuita. 18Baitu ndyesigira nyenka kasanju omu Isareri, amaju gona agatakainamiraga Baali, na kanwa kona akatakamunywegeraga. 19Nukwo yarugayo, yasanga Erisa muatabani wa Safati, akaba nahanga itaka, nemisorongo ikumi na ebiri eyenimi omu maisoge, kandi uwe akabali nogwa ikumi na ebiri: Eriya yahinguraho namberali, yanaga omunagirogwe haluwe. 20Yasiha enimi yairukira Eriya, yagamba ati Ndeka nkwesengerize, nywegere isenyowe na mau, nubwo ndakuratira iwe. Yamugambira ati Garukayo; baitu nyowe nkukozire ki? 21Yaleka okumukuratira yagarukayo, yatwara omusorongo gwenimi yaziita, yacumbisa enyama yazo emiti yenimi, yaha abantu balya. Nubwo yaimuka yahondera Eriya, yamuhereza.