Swahili Bible2

18

1KANDI kikahika ebiro bingi obubyahiguireho, ekigambo kya MUKAMA kyaija hali Eriya, omu mwaka gwakasatu ngu Genda oyeyoleke Ahabu; kandi ndinaga enjura hansi. 2Eriya yagenda okweyoleka Ahabu. Nenjura ekaba eri nyingi omu Samaliya. 3Ahabu yayeta Obadiya, ayalemaga enjuye. (Kandi Obadiya yatinaga muno MUKAMA: 4baitu Yezeberi obuyamazireho banabi ba MUKAMA, Obadiya yatwara banabi kikumi, yabasereka omu buingira atano atano analisa ebyokulya namaizi). 5Ahabu yagambira Obadiya ati Raba omu nsi yona hali ensoro ezamaizi,nebyambu byona: rundi turazora obunyansi okujuna embarasi nenyumbu, tuleke okuferwa ebisoro byona. 6Nukwo babaganizamu ensi bombi okugirabamu: Ahabu yakwata wenka omuhanda gumu, na Obadiya yakwata wenka omuhanda gundi. 7kandi Obandiya obwakabali omu muhanda, dora Eriya yamuitirana yamumanyi’ra, yagwa hansi ajumaire nagamba ati Niwogu mukama wange Eriya? 8Yagarukamu ati Ninyowonu: genda ogambire mukama wawe oti Dora. Eriya ali hanu. 9yagamba ati Nsisire ki, iwe nogonza okuhayo omuiru wawe omu mukono gwa Ahabu okunyita? 10Nka MUKAMA Ruhanga wawe okwali omwomezi, busaho ihanga nobubwakuba obukama nambere mukama wange hataratuimire okukuse’ra: kandi obubagambire ngu Tali kunu, yarahiza obukama nihanga okubatarakuboine. 11Kandi hati bunu KYABAKAMA ogambire ngu Genda ogambire mukama wawe oti Dora, Eriya ali hanu. 12Kandi kirahika obundakamara okukurugaho, omwoyo gwa MUKAMA gulikutwara nambere ntarukumanya; nukwo obundaija nintebeza Ahabu, nauwe obwatakubone, aranyita: baitu nyowe omuiru wawe nintina MUKAMA okuruga omu buto bwange. 13Batakugambire mukama wange ekinakozire, Yezeberi obuyaisire banabi ba MUKAMA, okunaserekere abasaija kikumi omu buingira atano atano, nimbalisa ebyokulya namaizi? 14Kandi hati bunu nogamba oti Genda otebeze mukama wawe oti Dora Eriya ali hanu: kandi aranyita. 15Eriya yagamba ati Nka MUKAMA wamahe okwali omwomezi, oundukweme’ra omu maisoge, mazimakwo ndayeyoleka uwe ha kiro kinu. 16Nukwo obadiya yagenda okuitirana Ahabu yamutebeza: Ahabu yagenda okuitirana Eriya. 17Kandi kyahika, Ahabu obuyaboine Eriya, Ahabu yamugambira ati Niwoguarukutuntuza Isareri? 18Yagarukamu ati nyowe tintuntuize Isareri: baitu niwe, nenju ya ‘so, obumulekere ebiragiro bya MUKAMA nimukuratira Baalimu. 19Nukwo hati bunu tuma, osoroze namberendi Isareri yona ha rusozi Karameri, na banabi ba Baali bikumi bina mwatano, nabanabi ba Asera bikumi bina, abalya ha meza ya Yezeberi. 20Ahabu yatuma hali abana ba Isareri bona yasoroza ahamu banabi ha rusozi Karameri. 21Eriya yai’ra haihi abantu bona nagamba ati Mulihikya nkaha okugurukyagurukya nimutekereza habiri? YAHWE obwarabali Ruhanga, mumukuratire: baitu Baali obwarabali uwe, mukuratire ogu. Abantu batamugarukemu nekimu. 22Nubwo Eriya yagambira abantu ati Nyowe, ninyowe nyenka nsigaireho okuba nabi wa MUKAMA; baitu banabi ba Baali bali basaija bikumi bina mwatano. 23Leka batuhe enimi ibiri; bo bakomemu enimi emu habwabu bonka, bagiihe emyanya, bagite hanku, baitu batatamu omu’ro hansi: nanyowe ndasemeza enimi endi, ndagita ha nku, baitu tinte mu’ro hansi. 24Nainywe mukunge ibara lya mucwezi wanyu, nanyowe ndankunga ibara lya MUKAMA: kandi Ruhanga aragarukamu nomu’ro ogu abe Ruhanga. Abantu bona bagarukamu nibagamba ngu Agambire kurungi. 25Eriya yagambira banabi ba Baali ati Mwekomere inywenka enimi emu,inywe mubanze okugisemeza; baitu muli baingi; mukunge ibara lyomucwezi wanyu, baitu mutatamu mu’ro hansi. 26Batwara enimi eyibahairwe, bagisemeza, bankunga ibara lya Baali okuruga nyenkya okuhikya ihangwe nibagamba ngu Ai Baali otuhu’re. Baitu busaho iraka nobwakuba owokwetebuka nomu. Kandi bagaruka ha Kyoto ekyakozirwe. 27Kandi kyahika omu ihangwe yabate’ra enaku nagamba ati Mutokere haiguru: baitu ali mucwezi; rundi araba natekereza, rundi ahabire, rundi ali omu rugendo, rundi agwijagire, kihikirire okumusisimura. 28Batokera haiguru nibesara nkengeso zabu okuziri nemihyo mamacumu, okuhikya obubajwire esagama. 29Kandi nukwo kyahikire kiti, ihangwe obu lyahinguireho, babandwa okujikya akasumi akokuherayo ekyonzira ekyakairirizi; baitu busaho iraka nobwakuba owokwetebuka nomu, nobwakuba owokutaho omutima. 30Eriya yagambira abantu ati Mui’re namberendi. Abantu bona bameza ekyoto kya MUKAMA ekikaba kinagirwe hansi. 31eriya yakoma amabale ikumi nabiri, nkomuhendo gwenganda za batabani ba yakobo okuguli, nambere ekigambo kya MUKAMA kyaizire kiti Isareri niryo liriba ibara lyawe. 32Namabale ago akagakoza ekyoto omu ibara lya MUKAMA; kandi yakora omukura okwehinguliriza ekyoto, obukoto bwagwo nkogugendwamu ebirengo ebyembibo bibiri. 33Yahingika enku, yaiha enimi enyanya, yagita ha nku. Yagamba ati Muijuze amaizi amapipa ana, mugasese ha kihongwa ekyokeze na ha nku. 34yagamba ati Mukikole omurundi ogwakabiri; bakikora omurundi ogwakabiri. Yagamba ati Mukikole omurundi ogwakasatu; bakikora omurundi ogwakasatu. 35Amaizi gagera okwehinguliriza ekyoto; nomukura yagwijuza amaizi. 36Kandi kyahika akasumi akokuherayo ekyonzira ekya kairirizi Eriya nabi yai’ra haihi, yagamba ati Ai MUKAMA,Ruhanga ea Iburahimu, owa Isaka, kandi owa Isareri, kimanywe ha kiro kinu ngu niwe Ruhanga omu Isareri, nanyowe ndi muiru wawe, kandi nkozire ebigambo binu byona habwekigambo kyawe. 37Ompu’re ai MUKAMA, ompu’re abantu banui bamanye ngu Iwe MUKAMA niwe Ruhanga, kandi ngu ohinduire emitima yabu okugaruka. 38Nubwo omu’ro gwa MUKAMA gwagwa, gwayokya ekihongwa ekyokeze, nenku, namabale, necucu,gwakomba amaizi agakaba gali omu mukura. 39Abantu bona obubakiboine, bagwa hansi bajumaire: nibagamba ngu YAHWE nuwe Ruhanga: YAHWE nuwe Ruhanga. 40Eriya yabagambira ati Mukwate banabi ba Baali; mutabaleka okucwa nomu. Babakwata: Eriya yabaleta ha kyambu Kisoni, yabaitira oku. 41Eriya yagambira Ahabu ati Imuka, olye, onywe; baitu haroho okuhi’ra okwenjura nyingi. 42Nukwo Ahabu yaimuka okulya nokunywa. Eriya yatemba Karameri ha ruguru rwarwo; yainama hansi, nata amaisoge hagati yamajuge. 43yagambira omuherezawe ati temba hati bunu, olebe ha nyanja. Yatemba, yaleba nagamba ati Busaho kintu. Yagamba ati Garukayo emirundi musanju. 44Kandi kyahika ha murundi ogwomusanju yagamba ati Dora, haimukayo ekicu ha nyanja, nikiingana obuke ekiganja kyomuntu. Yagamba ati genda, ogambire Ahabu oti Tekaniza egali yawe, osirimuke, enjura ereke okukutanga. 45Kandi kyahika, akacu kake obukahinguireho, iguru lyabundabunda nebicu nomuyaga, habaho enjura nyingi. Ahabu yatemba egaliye yagenda yezereri. 46Omukono gwa MUKAMA gukaba guli ha Eriya; yayetega omunda, yairuka yayebembera Ahabu okuhikya omusongo’ro gwa Yezereri.