Swahili Bible2

16

1KANDI ekigambo kya MUKAMA kyaija hali Yehu mutabani wa Hanani na Baasa nikigamba ngu 2Baitu nkakuimukya omu cucu, nakufora omukuru wabantu bange Isareri; kandi wagendera omu muhanda gwa yeroboamu, wasisisa abantu bage Isareri okwerema okumbihiza nebibi byabu; 3dora, ndima’raho kimu Baasa nenjuye, kandi ndifora enju yawe nkenju ya Yeroboamu mutabani wa Nabati. 4Ogu owa Baasa alifera omu rubuga embwa zirimulya; nogu owe alifera omu kisaka empungu ezomu mwanya zirimulya. 5Kandi ebigambo ebindi ebya Baasa nebiyakozire namanige, tibihandikirwe omu kitabu kyebyomu businge bwabakama ba Isareri? 6Baasa yagwijagira na baisenkuru yazikwa iomu / Tiruza; Era mutabaniwe yalema omu kiikarokye. 7Kandi habwomukono gwa nabi yehu mutabani wa Hanani ekigambo kya MUKAMA kyaija ha Baasa, naha njuye, habwobubi bwona obuyakozire omu maiso ga MUKAMA okwerema okumubihiza nomulimo ogwngaroze, obuyasisaine nkenju ya yeroboamu, kandi habwokumutema

8Omu mwaka gwa Asa omukama wa Yuda ogwamakumi abiri mu mukaga, Era mutabani wa baasa yabanza okulema Isareri omu Tiruza, yalemera emyaka ebiri. 9Kandi omuiruwe Zimiri engabwa yekicweka kyegalize yamugobeza: lero uwe akabali omu Tiruza natamira muno omu nju ya Arasa ayalemaga enju omu Tiruza. 10Zimiri yatahamu yamutema yamuita omu mwaka gwa Asa omukama Yuda ogwamakumi abiri mu musnju, yalema omu kiikarokye. 11Kyahika obuyabandize okulema, obuyaikalire ha kitebekye, ahonaho yatema enju yona eya Baasa: atamusigire omwana musaija nomu, nobubakuba bene babu nobuzakuba enganjanize. 12Nukwo Zimiri yahwerekerize ati enju yona eya Baasa nkekigambo kya MUKAMA ekiyagambire ha Baasa omu Yehu nabi, 13habwebibi byona ebya Baasa nebibi bya Era mutabaniwe ebibakozire, kandi ebibasisize Isareri, okwerema okubihiza MUKAMA Ruhanga wa Isareri nebitarumu byabu. 14Kandi ebigambo ebindi ebya Era na byona ebiyakozire, tibihandikirwe omu kitabu kyebyomu businge bwabakama ba Isareri.

15Omu mwaka gwa Asa omukama wa Yuda ogwamakumi abiri mu musanju, Zimiri akalemera ebiro musanju omu Tiruza Kandi abantu bakaba batemere orukande haihi na gebesoni ekaberi yabafirisiti. 16Abantu abakaba bali omu rukande bakahu’ra nibagamba ngu Zimiri agobize, kandi. Atemere omukama: nikyo Isareri hakiro eki omu rukande. 17Omiri yarugayo Gibesoni na Isareri yona hamu nauwe, bagota Tiruza. 18Kandi zimiri obuyaboine orubuga runyagirwe, yataha omu rukomero orwenju yomukama, yayokya enju yomukama nomu’ro ha Ruguruye, yafa, 19habwebibibye ebiyakozire nakora ebibi omu maiso ga MUKAMA, nagendera omu muhanda gwa yeroboamu nomu kibikye ekiyakozire okusisisa Isareri. 20Kandi ebigambo ebindi ebya Zimiri, nokwemakwe okuyayemere tibihandikirwe omu kitabu kyebyomu businge bwabakama ba Isareri?

21Nubwo abantu ba Isareri babaganizibwanu omu bitebe bibiri: ekicweka kyabantu bakauratira Tibuni mutabani wa Ginasi bamufole omukama; nekicweka byabu bakuratira Omiri. 22Baitu abantu abakuratire omiri bakasingura abantu abahondire Tibuni mutabani wa Ginasi: nukwo Tibuni yafa, omiri yalema. 23Omu mwaka gwa Asa omukama wa Yuda ogwamakuni asatu mu gumu, Omiri yabanza okulema Isareri, yalemera emyaka ikumi nebiri: yalemera emyaka mukaga omu Tiruza. 24Yagura orusozi Samaliya ha Semere netaranta zefeza ibiri; yayombeka ha rusozi, yaruka orubuga oruyayombekere ibara lyarwo Samaliya nkibara lya Semere mukama worusozi okuliri. 25Kandi Omiri akakora ekibi omu maiso ga MUKAMA yakora kubi okukira bona abamubandize. 26baitu akagendera omu muhanda gwona ogwa Yeroboamu mutabani wa Nebati, nomu bibibye ebiyasisize. Isareri, okweremera MUKAMA Ruhanga wa Isareri okumubihiza nebitarumu byabu. 27Kandi ebigambo ebindi ebya Omiri ebiyakozire, namanige agayayolekere, tibihandikirwe omu kitanu kyebyomu businge bwabakama ba Isareri? 28Nukwo Omiri yagwijagira nabaisenkuru, yazikwa omu Samaliya: Ahabu mutabaniwe yalema omu kiikarokye.

29Kandi omu mwaka gwa Asa omukama wa Yuda ogwamakumi asatu mu munana Ahabu mutabani wa Omiri yalemera Isareri omu samaliya emyaka amakumi abiri mwebiri. 30Ahabu mutabani wa Omiri akakora ekibi omu maiso ga MUKAMA okukira bona abamubandize. 31Kandi kyahika yakitekereza okuba ekigambo kike okugenderaho yaswera Yezeberi omuhara wa Esibaali omukama Wabazidoni, yagenda yako’ra Baali, yamuramya. 32Yaimukiza Baali ekyoto omu nju ya Baali, eyakaba ayombekere omu Samaliya. 33Kandi Ahabu yakora Asera; Ahabu yayeyongere okukora nayeremera MUKAMA Ruhanga wa Isareri okumubihiza, okukira abakama bona aba Isareri abamubandize. 34Omu birobye Hiyeri Omubeseri akombeka Yeriko: akasimba emiganda yarwo abiramu omwanawe omuzigaijo yafa; akaimukye amalembo garwo Segubu omwana nawe macura yafa; nkekigambo kya MUKAMA okukiri ekiyagambire habwomukono gwa Yosuha mutabani wa Nuli.