Swahili Bible2

14

1OMU biro ebi Abiya mutabani wa Yeroboamu akarwara. 2Yeroboamu yagambira mukaziwe ati Imuka, nkwesengerize, oyefole okundi, baleke okumanya oli mukazi wa Yeroboamu: ogende Siro; dora nuho hali Ahiya nabi, ayagambire ebyange okundiba omukama okulema abantu banu. 3Kandi otwale naiwe emigati ikumi nobugati obwomere nembindo yobwoki, ogende namberali: uwe alikugambira omwana okwaliba. 4Mukazi wa Yeroboamu yakora ati, yaimuka, yagenda Siro, yaija ha nju ua Ahiya. Kandi Ahiya atasobole okuhweza; baitu amaisoge gakaba gahimbaire habwobugurusibwe. 5MUKAMA yagambira Ahiya ati Dora, mukazi wa Yeroboamu naija okukukaguza ebyomwanawe; baitu arwaire: nukwo oramugambire oti: baitu kirahika obwarakataha, arayefora omukazi ondi. 6kandi kyahika, Ahiya obuhulire eswaswa zebigerebye, obwakaba nataha omu mulyango yagamba ati Taha, iwe mukazi wa Yeroboamu; noyefo’ra ki omuntu ondi? Baitu ntumirwe nambaroli namakuru gobujune. 7Genda ogambire Yeroboamu oti Nukwo agambire MUKAMA Ruhanga wa Isareri ati baitu nkakukuza omu Bantu, nakufora omukuru okulema abantu bange Isareri, 8kandi nayaka enju ya Daudi obukama nabuha iwe: baitu iwe tokabaga nkomuiru wange Daudi, yankuratira nomutimagwe gwona, okukora eki kyonka ekikaba kiri kirungi omu maiso gange; 9baitu iwe okozire kubi okukira bona abakubandize, wagenda/ wayeko’ra abacwezi, nebisisani ebyagere okwerema okumbihiza, kandi wa’naga enyuma yawe: 10nukwo dor, ndireta akabi ha nju ya Yeroboamu, kandi ndimara ha Yeroboamu omwana wena omusaija, ogu aboherwe nogu alekerwe omu Isareri, kandi ndisingo’ra kimu enju ya Yeroboamu, nkomuntu okwasingora obusa, okuhikya obuhweraho kimu. 11Ogu owa Yeroboamu alifera omu rubuga embwa zirimulya; nogu alifera oku kisaka empungu ezomu mwanya zirimulya; baitu MUKAMA akigambire. 12Nukwo oimuke, oyegendere omu nju yawe: ebigere byawe obubirikataha ha rubuga, omwana alifa. 13Na Isareri yona balimuli’ra nibamuzika: baitu uwe wenka womu ba Yeroboamu alihika ha kituro: baitu omuluwe hazokeremu oburungi buke hali MUKAMA, Ruhanga wa Isareri, omu nju ya Yeroboamu. 14Kandi MUKAMA alyeyimukiza wenka omukama okulema Isareri, uwe alimaraho enju ya yeroboamu ha kiro eki: baitu ngambire ki? Nuho hati. 15Baitu MUKAMA alitama Isareri, nkengoro okwetengesebwa amaizi; kandi alisimbura Isareri omu ni enu enungi, eyiyahaire baisenkurubo, alibarahiza enseri Yekyambu; baitu bakakora Aserimu zabu nuberemera MUKAMA okumubihiza. 16Kandi alihayo Isareri habwebibi bya Yeroboamu ebiyakozire, kandi ebiyasisize Isareri. 17Mukazi wa Yeroboamu yaimuka, yagenda, yaija Tiruza: obuyahikire ha mulyango gwenju omwana yafa. 18Na Isareri yona bamuzika, bamuli’ra; nkeigambo kya MUKAMA okukikabakiri ekiyagambire habwomukono gwomuiruwe Ahiya nabi. 19Nebigambo ebindi ebya Yeroboamu, okuyarwaine, kandi okuyalemere, dora bihandikirwe omu kitabu kyomu businge bwa bakama ba Isareri. 20Kandi ebiro yeroboamu ebiyamazire nalema byahika emyaka amakumi abiri mwebiri: yagwijagira nabaisenkuru, kandi Nadabu mutabaniwe yalema omu kiikarokye.

21Kandi rehoboamu mutabani wa Sulemani akalema omu Yuda. Rehoboamu akaba ahikize emyaka amakumi ana mu gumu hayabandize okulema, yalenere Yerusalemu emyaka ikumi na musanju. Orubuga MUKAMA oruyakomere omu nganda zonz eza Isareri okuikazayo ibaralye: kandi ibara lya nyina nuwe Naama Omwamoni. 22Kandi Yuda bakakora ekibi omu maiso ga MUKAMA; bayerema okumukwas ihali nebibi byabu ebibakozire, okukira byona baisenkurubo ebibakoraga. 23Baitu bakeko’ra nebiikaro ebiraihire, na hansi yomuti gwona omubisis; 24kandi hakaba haroho / abakuhya omu nsi: bakoraga nkebinugwa MUKAMA agayabingire omu maiso gabana ba Isareri. 25Kandi kyahika omu mwaka ogwomukama rehoboamu ogwakatano Sisaki omukama wa Misisri Yaija okuramagira yerusalemu: 26yaihaho ebintu ebyomuhendo ebyomu nju ya MUKAMA, nebintu ebyomuhendo ebyomu nju yomukama: yaihaho byona: kandi yaihaho engabu zona ezezabu Sulemani ezyakozire. 27Kandi omukama rehoboamu yakora engabu ezemiringa omu kiikaro kyazo, yazahuza emikono yengabwa ezabamogora, abalindaga omulyango ogwenju yomukama. 28Kandi kyahika, omukama obuyagendaga bwona omu nju ya MUKAMA, abamogora bazihimbaga, baziga’raga omu kisika kyabamogora. 29Kandi ebigambo ebindi ebya rehoboamu, na byona ebiyakozire, tibihandikirwe omu kitabu kyebyomu businge bwabakama ba Yuda? 30Kandi obulemu bukabaho na Rehoboamu na yeroboamu obutosa. 31Rehoboamu yagwijagira nabaisenkuru, yazikwa na baisenkuru omu rubuga rwa Daudi: kandi ibara lya nyina nuwe Naama Omwamoni. Kandi Abiyamu mutabaniwe yalema omu kiikarokye.