Swahili Bible2

13

1KANDI dora omusaija wa Ruhanga akaruga Yuda habwekigambo kya MUKAMA, yagenda Beseri: kandi Yeroboamu akaba ayemerire ha Kyoto okwotera emyami’ro. 2Yayamiri’ra ekyoto habwekigambo kya MUKAMA, nagamba ati Ai Kyoto, Kyoto, nukwo agambire MUKAMA ati Dora omwana aliza’rwa enju ya Daudi, Yosiya niryo ibaralye; kandi haliwe alihayo nkebyonzira banyakatagara abebiikaro ebiraihire abarukwotera emyami’ro haliwe, namagufa gabantu baligokya haliwe. 3Yaleta akokuro’raho ha kiro eki nagamba ati Akokuro’raho MUKAMA akagambire nkanu: Dora ekyoto kirayatika, niju erikiroho liraseswa. 4Kandi kyahika omukama obuyahulire ekigambo ekyomusaija wa Ruhanga, ekiyayamirire ekyoto, omu Beseri, Yerboamu yago’ra omukonogwe ali ha Kyoto nagamba ati Mukwate. Kandi omukono oguyamugorolire gwayoma, tiyasobora okuguga’ra namberali. 5Nekyoto kyayatika, niju lyaseseka ha Kyoto, nkakokuro’raho okukali omusaija wa Ruhanga akayahaire habwekigambo kya MUKAMA. 6Omukama yagarukamu nagambira omusaija wa bazi eza MUKAMA Ruhanga wawe, onsabire, omukono gwange gugaruke gukire. Omusaija wa Ruhanga yayesengereza MUKAMA, omukono gwomukama gwagaruka okukira, gwafoka nkokugwali kara. 7Omukama yagambira omusaija wa Ruhanga ati Ija otahe omuka yange, ohumule, kandi ndakuha empera. 8Omusaija wa Ruhanga yagambira omukama ati Nobworampa ekicweka kyenju yawe, tintahe naiwe, kunu tindye byokulya nobukwakuba okunywa amaizi omu kiikaro kinu: 9baitunukwo naragirwe habwekigambo kya MUKAMA ngu Otalirya ebyokulya, nobukwakuba okunywa amaizi, kandi otaligaruka omu muhanda ogwolitwarwa. 10Nikyo yagendire omu muhanda ogundi, tiyagaruka omu muhanda oguyaleserwe okuija Beseri.

11Lero hakaba haikaire omu Beseri nabi omugurusi; omu hali batabanibe yaija yamutebeza engeso zona omusaija wa Ruhanga eziyakozire omu Beseri hakiro eki: nebigambo ebiyagambire omukama, babitebeza isebo. 12Isebo yabagambira ati Atwairwe omuhanda ki? Kandi batabanibe kbakaba baboine omuhanda omusaija wa Ruhanga oguyatwairwe, ayarugire omu Yuda. 13Yagambira batabanibe ati Tandika enkaina yange, batandika enkaina: yagitemba. 14Yakuratira omusaija wa Ruhanga, yamusanga aikalire hansi yomuhomozi: yamugambira ati Niwe musaija wa Ruhanga ayarugire Yuda? Yagamba ati Ninyowogu. 15Nubwo yamugambira ati Ija otahe omuka yange, 16olye ebyokulya. Yagamba ati Tindukusobora okugaruka naiwe, nobukwakuba okutaha naiwe: kunu tindye byokulya nobukwakuba okunywa amaizi hamu naiwe omu kiikaro kinu: 17baitu nkagambirwa habwekigambo kya MUKAMA ngu Otalirya byokulya nobukwakuba okunywa amaizi oku, kandi otalihinduka okugaruka omu muhanda ogwogendamu. 18Yamugambira ati Nanyowe ndi nabi nkaiwe okwoli; kandi maraika abalize nanyowe habwekigambo kya MUKAM nagamba ati Muga’re naiwe omu nju yawe, alye ebyokulya anywe amaizi. Baitu yamubiha. 19Nikyo yagarukire hamu nauwe, yalya ebyokulya omu njuye, yanywa amaizi. 20Kandi kyahika obubakaba baikalire ha meza, ekigambo kya MUKAMA kyaija hali nabi ayamugaruire: 21yayami’ra omusaija wa Ruhanga ayarugire Yuda nagamba ati Nukwo agambire MUKAMA ati Baitu oyemire akanwa ka MUKAMA, kumu tokwasire ekiragiro MUKAMA Ruhanga wawe ekiyakuragire, 22baitu ogarukireyo enyuma, kandi olire ebyokulya, wanywa amaizi omu kiikaro ekiyakugambire ati Otalya ha byokulya, kunu otanywa ha maizi: omutumbi gwawe tigulihika omu kituro kyaba’swenkuru. 23Kandi kyahika, obuyamazire okulya ebyokulya nolunywa yamutandikira enkaina. 24habwa nabi ouyagaruire. Obuyamazire okugenda, entale yamuitirana omu muhanda, yamuita: omutumbigwe gwanagwa omu muhanda nenkaina yagwemeraho: entale nayo yayeme’ra ha mutumbi. 25Kandi dora, abantu bahinguraho, barora omutumbi gunagirwe omu muhanda, nentale eyemerire ha mutumbi: baija bakitebeza omu rubuga nabi omugurusi hakabali. 26Kandi nabi ayamugaruire namuiha omu muhanda obuyakihulire yagamba ati Nuwe musaija wa Ruhanga ayemirege akanwa ka MUKAMA: nikyo MUKAMA amuherireyo hali entale, kandi emutaguire emuisire nkekigambo kya MUKAMA okukiri, 27ekyamugambirege. Yagambira batabanibe ati Ntandikira enkaina, bagitandika. 28Yagenda yasanga omutumbigwe gunagirwe omu muhanda, nenkaina nentale zemerire ha mutumbi, nobukwakuba okutagura enkaina. 29Nabi yahimba omutumbi gwomusaija wa Ruhanga, yaguta ha nkaina, yaguga’rayo: yaija hali orubuga orwa nabi omugurusi oku’ra empamo nokumuzika. 30yata omutumbigwe omu kinakye wenka: bamuli’ra nibagamba ngu Ai bambi! 31Kandi kyahika obuyamazire okumuzika yagambira batabanibe ati Nyowe obundifa, munzika omu kituro nambere omusaija wa Ruhanga ekyazikirwemu: mubyamye amagufa gange ha rubaju rwamagufage. 32Baitu ekigambo ekiyayamirire habwekigambo kya MUKAM hali ekyoto omu beseri, na hali enju zona ezebiikaro ebiraihire ebiri omu mbuga za Samaliya, mazima kirihika.

33Hanyuma yekigambo kinu Yeroboamu atahinduke okuruga omu muhandagwe omubi, baitu yagruka okuiha omu Bantu bona abayafoire banyakatagara abebiikaro ebiraihire: wean ayagondeze yamusororamu, habeho banyakatagara abebiikaro ebiraihire. 34Ekigambo eki kyafoka ekibi hali enju ya Yeroboamu. Okugimaraho, nokugihwerekereza ha maiso gitaka.