Swahili Bible2

12

1KANDI Rehoboamu akagenda Sekemu: baitu Abaisareri bona bakaba baizire Sekemu okumufora omukama. 2Kandi kikahika Yeroboamu mutabani wa Nebati obuyakuhurire (baitu akabali omu Misiri, nambere yagenzire obuyairukire omukama Sulemani, kandi Yeroboamu yarara omu Misiri, batumayo okumweta;). 3Yeroboamu nekitebe kyona Kyabaisareri bakaija bagambira 4Rehoboamu ngu ‘So akafora ekikoligo kyaitu kyobujune: nukwo hati bunu iwe oyanguhyeyo okuhereza okwobujune okwa ‘so, nekikoligo ekirukulemera ekiyatutaireho, kandi turako’raga iwe. 5Yabagambira ati mugende mwose ebiro bisatu, nubwo muragaruka namberendi. 6Abantu bagenda.Omukama Rehoboamu yahanura nabasaija abagurusi abayeme’raga omu maiso ga sulemani ise, obwakaba akiri omwomezi, ki okugarukamu abntu bunu? 7Bamugambira ngu obworaba noyenda okuba omuiru hali abantu banu ekiro kinu, nobako’ra, nobagarukamu nobagambira ebigambo ebirungi, bo barabaga abairu bawe ebiro byona. 8Baitu akaleka amagezi agabagurusi agabamuhaire, yahanura nabasigazi abakuzire hamu nauwe, kandi abyeme’raga omu maisoge. 9Yabagambira ati inywe murampa amagezi ki tubagarukemu abantu banu, abangambire ngu Oyanguhyeho ekikoligo ‘so ekiyatutaireho? 10Kandi absigazi abakuzire nauwe bamugambira ngu Nukwo oligambira abntu banu abakugambire ngu ‘So akafora ekikoligo kyaitu kyobujune, baitu iwe okyanguhyeho namberetuli; nukwo obuligambira oti Orukumu rwange oruke nurukira obukoto ekibero kya isenyowe. 11Kandi nka isenyowe okuyabataireho ekikoligo ekirukulemera. nyowe ndyongeraho ekikoligo kyanyu: isenyowe yabateraga nenkoba, baitu nyowe ndibatera nomumya. 12Nukwo, Yroboamu nabantu bona baija hali Rehoboamu ekiro kyakasatu, nkomukama okuyaragire, nagamba ati Muliija namberendi ha kiro kyakasatu. 13Omukama yagarukamo abantu nekiniga, yaleka amgezi agabagurusi agabamuhaire; 14yabagambira nka magezi agabasigazi okugali, nagamba ati Isenyowe akafora ekikoligokyanyu kyobujune, baitu nyowe ndyongeraho ekikoligo kyanyu: isenyowe yabateraga nenkoba, baitu nyowe ndabateraga nemumya. 15Nukwo omukama yayangira ati okuhu’ra abantu; baitu kikaba kiri kigambo ekyaleserwe MUKAMA, agumye ekigambokye MUKAMA ekiyagambire omu mukono gwa Ahiya Omusiro hali Yeroboamu mutabani wa nebati. 16Kandi abisareri bona obubaboine omukama tabahurire, abantu bagarukamu omukama ngu Itwe tunyina omugabo ki omu Daudi? Kunu titunyina obugwetwa omu mutabani wa Yese: mugaruke omu hema zanyu, ai Isareri; hati bunu orole’re enju yawe wenka, Daudi.Nukwo Abaisareri bagarukayo omu hema zabu. 17Baitu ebyabana ba Isareri abaikaraga omu mbugaza Yuda. Rehoboamu yalemaga bo. 18Nubwo omukama Rehoboamu yatuma Adoramu, akabali omukuru womusoro; kandi Abaisareri bona bamutera amabale, yafa. Nomukama Rehoboamu yayangula okugya omu galiye, okuirukira Yerusalemu. 19Nukwo Isareri yayemire ati enju ya Daudi, nokuhikya hati. 20Kandi kyahika Abaisareri bona obubahulire Yeroboamu agarukire, batuma bamweta okuija hali ekitebe, bamufora omukama okulema Isareri yona: hatabeho nomu ayakuratire enju ya Daudi, rundi orugandfa rwa Yuda rwonka.

21Kandi Rehoboamu obuyaizire Yerusalemu, yasoroza hamu enju yona eya Yuda, noruganda rwa Benyamini, abasaija abakomerwemu kasirisa mu bukumi munana, abakaba bali barwani, okurwanisa enju ya Isareri, okuga’ra obukama hali Rehoboamu mutabani wa Sulemani. 22Baitu ekigambo kya Ruhanga kikaija hali Semaya omusaija wa Ruhanga kiti 23gambira Rehoboamu mutabani wa Sulemani omukama wa Yuda, nenju yona eya Yuda na Benyamini nabantu abasigaireho oti Nukwo MUKAMA 24agambire ati Mutaliramaga, kunu mutalirwanisa bagenzi bznyu abana ba Isareri: intwena mugaruke omuntu wean omu njuye; baintu ekigambo kinu kireserwe nyowe. Nukwo bahu’ra ekigambo kya MUKAMA, bagaruka bayegendera nkebigambo kya MUKAMA okukikabakiri.

25Kandi Yeroboamu akombeka Sekemu omu nsi Yensozi eya Eferaimu yaikara oku; Penueri. 26Kandi Yeroboamu akagamba omu mutimagwe ati Hati bunu obukama buligarukayo hali enju ya Daudi: 27abantu banu obubalitabara okusara ebyonzira omu nju ya MUKAMA Yerusalemu, nubwo omutima gwabantu banu guligaruka okuhindukira omukama wa Yuda; kandi balinyita, nibagarukayo hali Rehoboamu omukama wa Yuda. 28Nikyo omukama yatekererize amagezi, yakora enimi ibiri ezezabu; yabagambira ati Nikiremera inywe okutabara Yerusalemu; dora baruhanga bawe ai Isareri, abakuihire omu nsi ya Misiri. 29Yateka emu omu Beseri, nendi yagiteka omu Dani. 30Ekigambo kinu kyafoka ekibi: baitu abantu bagendaga okuramyaho emu, eyomu Dani. 31Kandi yakora enju yebiikaro ebiraihire, yafora banyakatagara omu Bantu bona abatali bomu bana ba Levi. 32Yeroboamu yataho obugenyi omu kwezi kwa munana, ha kiro kyokwezi kya ikumu nebitano obusisana nobugenyi obuli omu Yuda, yatemba hali ekyoto; nukwo yakozire ati Beseri, banyakatagara abebiikaro ebiraihire abayataireho. 33Kandi yatemba hali ekyoto ekiyakozire omu Beseri ha kiro ekya ikumi nebitano ekyomu kwezi kwa munana, omu kwezi okuyataireho habwe wenka: kandi yataho obugenyi habwabana ba Isareri, yatemba hali ekyoto okwotera emyami’ro.