Swahili Bible2

11

1KANDI omukama Sulemani akagonza abkazi baingi abnyaihanga, hamu nomuhara wa Faraho, abakazi Babamoabu, Abamoni, Abedomu, Abazidoni, 2Nabahiti; Abomu mahanga MUKAMA abayagambire abna ba Isareri ati Mutalitaha omulibo nabo batalitaha omulinywe:Baitu mazimakwo balihindura omutima gwanyu okukuratira abacwezi babu: Sulemani yagumira hali abo 3omu kugonza. Akaba anyina abakazi rushanju, ababito kati, nabaranga bikumi bisatu: kandi abakazibe bahindura omutima gwe. 4Baitu kyahika, Sulemani obuyakuzire, abakazibe bakahindura omutimagwe okukuratira abacwezi: nomutimagwe tigwahiki’ra ahali MUKAMA Ruhangawe, nkomutima gwa Daudi ise okugukaba guli. 5Biatu Sulemani yakuratira Asitoresi mucwezi mukazi wa Abazidoni, na Mirikomu ekinugwa kya Abamoni. 6Sulemani yakora ekibi omu maiso ga MUKAMA, tiyakurati’ra kimu MUKAMA,nka Daudi ise okoyakoraga. 7Nubwo Sulemani yayombeka ekiikaro ekiraihire habwa Kemosi ekinugwa ekya Moabu, ha rusozi oruli omu maiso ga Yerusalemu, na habwa Moleki ekinugwa eykabana ba Amoni. 8Kandi nukwo yakozire ati habwa bakazibe bona abanyaihanga, abayote’raga emyami’ro bahayo ebyonzira hali abacwezi babu abanyaihanga.

9MUKAMA yabihirwa Sulemani, baitu omutimagwe gwahinduka okuruga hali MUKAMA, Ruhanga wa Isareri, ayamubonekire emirundi ebiri, 10yamuragira ebyikigambo kinu, aleke okukuratira abcwezi: baitu atakwate eki MUKAMA ekiyaragire. 11Nikyo MUKAMA yagambirire Sulemani ati Baitu iwe okozire kinu, kunu tokwasire ekiragano kyange nebi ebinataire, ebinakuragire, mazimakwo ndikwaka obukama, ndibuha omuiru wawe. 12Baitu tindikikora omu biro byawe, habwa Daudi ‘so: baitu ndibwaka omukono gwomwana wawe. 13Baitu tindyakira kimu obukama bwona; baitu ndiha oruganda rumu hali mutabani wawe habwa daudi omuiru wange, na habwa Yerusalemu ounakomeremu.

14MUKAMA YAIMUKIZA Sulemani omunyanzigwa, Hadadi Omwedomu: uwe akabali womu ruzaro rwomukama omu Edomu.

15Kikahika, Daudi obwakabali omu Edomu, na Yoabu engabwa yihe akaba agenzire okuzika abaisirwe, kandi aisire absaija bona omu Edomu; 16(baitu Yoabu na Isareri yona bakaikarayo amezi mukaga, okuhikya obuyamazireho absaija bona omu Edomu;) 17Hadadi yairuka uwe Nabedumu abmu abomu bairu ba ise hamu nauwe, okugenda Misiri; Hadadi wenka akiri omwana omuto. 18Barugayo Midiani baija Parani: baiha abasaija Parani babatwara hamu nabo, baija Misiri, ayamuhaire enju, kandi yamuha ebyokurya kandi nobutaka. 19Hadadi yabona omugisa mwingi omu maiso ga Farawo, nukwo yamuswere’ra wanyina mukaziwe wenka, wanyina Tahapenesi omugo. 20Wanyina Tihapenesi yamuza’ra Genubasi omwanawe, kandi Tahapenesi yamucuku’ra omu nju ya Faraho: Genubasi yaba omu nju ya Faraho hamu na batabani ba Faraho. 21Kandi Hadadi obuyahurire ali Misiri ati Daudi agwijagire hamu nabaisenkuru, na Yoabu engabwa yihe afire, Hadadi yagambira Faraho ati Leka ngende, ngarukeyo omu nsi yange. 22Nubwo Faraho yamugambira ati Baitu obuzirwe ki hamu nanyowe, nokugonza nogonza okugenda omu nsi yawe wenka? Yagarukamu ati Busaho kintu: kyonka leka ngende.

23Kandi Ruhanga yamuimukiza omunyanzigwa ondi,Rezoni mutabani wa Eryada akaba airukire mukamawe Hadadezere omukama wa Zoba: 24yasoroza abasaija namberali, yafoka engabwa yekihanda, Daudi obuyaisire abo aba Zoba: bagenda Damasiko baikarayo, balema omu Damasiko. 25Uwe yafoka omunyanzigwa wa Isareri ebiro byona bya Sulemani, okwongera ha bubi Hadadi obuyakozire: kandi yanuga Isareri, yalema Aramu.

26Kandi Yeroboamu mutabani wa Nebati, Omweferaimu owa Zereda, omuiru wa Sulemani, ibara lya nyina nuwe Zeruha, omukazi omufakati, nauwe akaimukiza omukama omukonogwe. 27Kandi obulyo obwokuimukiza omukama omukonogwe mbunu: Sulemani akombeka Miro, yaigara ekikiro kyorubuga ekya Daudi ise ekiyakozire. 28Kandi omusaija Yeroboamu akabali omusaija wamani emanzi: Sulemani yarora omusigazimwekambi muno, yamuragi’ra omulimo gwona ogwenju ya Yusufu. 29Kandi kikahika omu biro ebi Yeroboamu obuyarugire Yerusalemu, nabi Ahiya Omusiro yamusanga omu muhanda; kandi Ahiya ajwaire ekyokujwara ekihyaka; kandi abo bombi bakaba bali omu kisaka bonka. 30Ahiya yakwata ha kyokujwara ekihyaka ekyakaba ajwaire, yakitemura enkoba ikumi naibiri. 31Yagambira Yeroboamu ati kwata enkoba ikumi; baitu nukwo agambire MUKAMA Ruhanga wa Isareri ati Dora, ndyaka obukama omu mukono gwa Sulemani, ndikuha iwe enganda ikumi: 32(baitu uwe aliba noruganda rumu habwa Daudi omuiru wange, na habwa Yerusalemu, orubuga orunakomere omu nganda zona eza Isareri:) 33baitu bakanfuruka, baramya Asitarosi omucwezi-mukazi wa Abazidoni, Kemosi omucwezi wa Moabu, na Mirikomu omucwezi wabana ba Amoni; kunu tibagenzire omu mihanda yange, okukora ekirungi omu maiso gange, nokukwata ebi ebinataireho nebyobulyo byange, nka Daudi ise okoyakoraga. 34Baitu tindiiha obukama bwona omu mukonogwe: baitu ndimuikazaho ali omukama ebiro byona byobwomezibwe, habwa Daudi omuiru wange, ounakomere, baitu,yakwataga ebiragiro byange, nebi ebinataireho: 35baitu ndiiha obukama omu mukono gwomwanawawe, ndibuha iwe,enganda ikumi. 36Na mutabaniwe ndimuha oruganda rumu, Daudi omuiru wange atungege etabaza ebiro byona omu maiso gange omu Yerusalemu, orubuga orunakomeremu okuikazayo ibara lyange. 37Kandi ndikutwara, olirema nka byona okubiri obwomezi bwawe ebibugonza, kandi olirema Isareri. 38Kandi kirahika, obworihu’ra byona ebindakuragiraga kandi obworagenderaga omu mihanda yange, nokora ekirungi omu maiso gange,okwataga ebinataireho nebiragiro byange, nka Daudi omuiru wange okuyakozire; nyowe ndaikaraga naiwe, ndikombekera enju egumire, nkokunayombekire Daudi, kandi ndikuha Isareri. 39Kandi habweki ndibonabonesa oruzaro rwa daudi, baitu tibiri biro byona. 40Nikyo Sulemani yatekererize okuita Yeroboamu: baitu Yeroboamu yaimuka yairukira Misiri, hali Sisaki omukama wa Misiri, yaikara Misiri okuhikya okufa kwa Sulemani.

41Kandi ebigambo ebindi ebya Sulemani na byona ebiyakozire namagezige, tibihandikirwe omu kitabu kyebigambo bya Sulemani? 42Kandi ebiro Sulemani ebiyalemire Yerusalemu nalema Isareri yona byahika emyaka amakumi ana. 43Sulemani yagwijagira na baisenkuru, yazikwa omu rubuga rwa Daudi ise: Rehoboamu mutabaniwe yalema omu kiikarokye.