Swahili Bible2

5

1NA batabani ba Reubeni omuzigaijo wa Isareri (baitu nuwe akabali omuzigaijo; baitu habwokusisa ekitabu kya ise omugisagwe ogwobuzigaijo buhakaba batabani ba Yusufu mutabani wa Isareri; kandi obubahandika ebyamabara tibakuratira ebyomugisa gwobuzigaijo. 2Baitu Yuda akasingura bene babu, kandi haliwe nuho harugire omulemi; baitu omugisa gwobuzigaijo bukaba 3buli bwa Yusufu): batabani ba Reubeni omuzigaijo wa Isareri; Hanoki, na Paru, Hezironi na Karami. 4Batabani ba Yoweri; mutabaniwe Semaya, mutabaniwe Gogi, mutabaniwe Simei; 5Mutabaniwe Mika, mutabaniwe Reaya, mutabaniwe Baali; 6mutabaniwe Beera, / Tigurasi-pirinese omukama wa Asura ouyasenguire: nuwe akabali omukuru Wabareabeni. 7Na bene babu nkebitabu byabu okubiri, obubahandikire amabara gobuijukuru bwabu; omukuru, Yeyeri, na Zekaliya, 8na Bera mutabani wa Azazi, mutabani wa Sema mutabani wa Yoweri, ayaikaraga omu Aroere, nokuhikya Nebo na Baali-meoli: 9kandi burugaizoba akaikarayo okuhikya nambere batahira omu irungu okuruga ha kyambu Furati: baitu ente zabu zikakanya omu nsi ya Gireadi. 10Kandi omu biro bya Saulo bakarwana Nabahagiri, bagwa habwomukono gwabu: baikara omu hema zabu omu nsi yona ha rubaju rwa Gireadi orwoburugaizoba. 11Na batabani ba Gadi bakaikaraho babarolerire, omu nsi ya 12Basani, okuhikya Saleka: Yoweri omukuru wabu. Na Safamu owakabiri, na Yani, na Safati 13omu Basani: na bene babu enju zabaisebo; Mikaeri, na Mesuramu, na Seba, na Yorai, na Yakani, na Ziya, na 14Ebere, musanju. Nibo batabani ba Abihairi mutabani wa Huli, mutabani wa Yaroa, mutabani wa Gireadi, mutabani wa Mikaeri, mutabani wa Yesisai, mutabani wa Yahido, mutabani wa Buzi; 15Ahi mutabani wa Abudyeri, mutabani wa Buni, 16abakuru abenju zabaisebo. Kandi baikaraga omu Gireadi omu Basani, nomu mbuga zayo, nomu malisizo gona aga Saroni, okuhikya emitano yabu. 17Abo bona bakabarwa nkamabara ga baisenkurubo okugali omu biro bya Yosamu omukama wa Isareri. 18Batabaniba Reubeni, Nabagadi, nekicweka ekyoruganda rwa Manase, abasaija bobumanzi, abasaija abarukusobora okukwata agagabo na busitama, nokurasa obuta, abamanyire okurwana, bahika bukumi buna mwenkumi ina mu rusanju munkaga, abakaba nibasobora okuramaga okurwana. 19Kandi bakarwana Nabahagiri, na Yetura, 20na Nafisi, na Nodabu. Kandi bakakonyerwa okurwana nabo, Abahagiri bahebwayo omu mukono gwabu, na bona abakaba bali hamu nabo: baitu bakakunga Ruhanga omu bulemu, yaikiriza okwesengerezebwa; baitu bakamwesiga. 21Kandi bakanyaga ebisoro byabu; engamira zabu bukumi butano, nentama busirira bubiri mu bukumi butano, nenkaina enkumi ibiri, nabantu kasiriria. 22Baitu baingi abagwire baisirwe, baitu obulemu bukaba buli bwa Ruhanga. Kandi baikaraho omu kiikaro kyabu okuhukya okusengurwa. 23Kandi abana abekicweka kyoruganda rwa Manase bakaikara omu nsi: bakakanya okuruga Basani nokuhikya Baali-heremoni na Seneri norusozi Heremoni. 24Kandi emitwe eyenju zabaisebo mbanu; Efere, na Isi, na Eryeri, na Aziryeri, na Yeremiya, na Hodaviya, na Yahadyeri, na absaija bamani abobumanzi, abasaija abarangainwe, emitwe yenju zabaisebo. 25Kandi bakasarira Ruhanga wabaisenkuru, nibakuratira abacwezi babantu bokerize omu maiso gabu. 26Kandi Ruhanga Isareri yahere’ra omwoyo gwa Puli omukama wa Asura, nomwoyo gwa Tirigasi pillinese omukama wa Asura, yabasengura, Abareubeni, Nabagadi, nekicweka ekyoruganda rwa Manase, yabaleta Hara, na Habora, na Hara, nekyambu kya Gozani, okuhikya hati.