Swahili Bible2

28

1KANDI Daudi akasoroza abakuru bona ba Isareri, abakuru ebenganda, nengabwa ezebitebe ebyaherezaga omukama omu mbu, nengabwa ezenkumi, nengabwa ezebikumi, nabalemaga ebintu byona, nente, nebisoro byona ebyomukama, nebya batabanibe, hamu nabaduma, nabasaija bamani, abasaija bamani abobumanzi, hali Yerusalemu. 2Daudi omukama yayeme’ra nebigerebye yagamba ati Mumpu’re inywe bene baitu nabantu bange: baitu nyowe, kikaba kiri omu mutima gwange okwombeka enju eyokuhumu’ramu habwesanduko eyekiragano kya MUKAMA, kandi okuba akatebe kebigere habwa Ruhanga waitu; kandi nategekera okwombeka. 3Baitu Ruhanga yagambira ati Iwe otalyombekera enju ibara lyange, baitu oli musaija wobulemu, okasesa esagama. 4Baitu MUKAMA, Ruhanga wa Isareri, akankoma omu nju yona eya isenyowe okuba omukama wa Isareri okuhikya ebiro byona: baitu akakoma Yuda okuba omukuru; nomu nju ya Yuda, enju ya isenyowe; kandi omu batabani ba insenyowe akasimamu nyowe okunfora omukama wa Isareri yona: 5kandi omu bana bange bona (baitu MUKAMA akampa abana baingi), akakomanu Sulemani mutabani wange, okuika’ra ha kitebe ekyobukama bwa MUKAMA okulema Isareri. 6Kandi akagambira ati Sulemani mutabani wawe, nuwe alyombeka enju yange nezigati zange: baitu nkamukomamu okuba omwana wange, nanyowe ndiba ise. 7Kandi ndigumya obukamabwe okuhikya ebiro byona, obwalyekamba okukora ebiragiro byange nebyobulyo byange, nkokukiri hati. 8Nukwo hati bunu, omu maiso ga Isareri yona, ekitebe kya MUKAMA, kandi Ruhanga waitu obwarukuhu’ra, mwerinde muse’re ebiragiro byona ebya MUKAMA Ruhanga wanyu: nukwo mutunge ensi enu enungi, mugisigire abana banyu nkobugwetwa hanyuma yanyu nokuhikya ebiro byona. 9Naiwe Sulemani omwana wange, manya Ruhanga owa ’so, omuko’rege nomutima oguhikirire, namagezi agarukugonza: baitu MUKAMA narora emitima yona, kandi amanya okucumitiriza kwona okwebitekerezo: obwo limuse’ra olimuzora; baitu obwolimufuruka, alikunaga ebiro byona. 10Werinde ’nu; baitu MUKAMA akukomere okwombeka enju habwa harukwera: foka wamani, ogikole. 11Nubwo Daudi yaha Sulemani mutabaniwe omulingo “ogwe kisasi ekyeyekaru, nogwamaju gayo nogwamahu’ro gayo, nogwebisibika byayo ebyeruguru, nogwebisibika byayo ebyomunda, nogwekiikaro ekyentebe eyo kuganyira: 12nomulingo gwa byona ebyakaba anyina omu mwoyo, habwezigati ezenju ya MUKAMA, kandi habwebisika byona ebyokwehinguliriza, habwamahu’ro agenju ya Ruhanga, kandi habwamahu’ro agebintu ebirukusororwa: 13kandi hambembu eza banyakatagara Nabalevi, kandi habwomulimo gwona ogwokuhereza okwomunju ya MUKAMA, kandi habwebintu byona ebyokuhereza omu nju ya MUKAMA: 14Ezabu erengerwe habwebintu byezabu, habwebintu byona ebyemiringo yona oyokuhereza; nefeza erengerwe habwebintu byona ebyefeza, habwebintu byona ebyemiringo yona eyokuhereza: 15kandi ezirengerwe habwebikondo byetabaza ebyezabu, kandi habwetabaza zabyo, ezazabu, ezirengerwe habwekikondo kyona ekyetabaza, kandi habwetabaza zabyo: kandi habwebikondo byetabaza ebyefeza, ezarengerwe habwekikondo kyona ekyetabaza, kandi habwetabaza zabyo, nkomulimo ogwekikondo kyona ekyetabaza okuguli: 16nezabu ezalengerwe habwemeza eyemigati eyokwoleka, habwemeza yona; nefeza habwemeza zefeza: 17nengango ezenyama, nebakuli, nebikopo, ebyezabu esemire: kandi habwebibindi ebyezabu ezabu eyalengerwe habwekibindi kyona; kandi habwebibindi ebyefeza, efeza eyalengerwe habwekibindi kyona: 18kandi habwekyoto ekyemyami’ro, ezabu esemire eyalengerwe: nezabu habwomulingo ogwegali, bakerabi, abarukwanjara emapapa gabu, nibasweke’ra esanduko eyekiragano kya MUKAMA. 19Daudi yagamba ati Ebi byona nkabisobo’rwa nekihandiko habwomukono gwa MUKAMA, emirimoyona eyomulingo gunu. 20Kandi Daudi yagambira Sulemani mutabaniwe ati Foka wamani ogumemuno omutima, ogikole: otatina, nobukwakuba okufobe’ra: baitu MUKAMA, Ruhanga, Ruhanga wange, ali hamu naiwe; talikuhemukira, nobukwakuba okukusiga, okuhikya omulimo gwona ogwokuhereza omu nju ya MUKAMA obugulihwaho. 21Kandi dora, haroho embu eza banyakatagara Nabalevi, habwokuhereza kwona okwomunju ya Ruhanga: kandi baliikara hamu naiwe omu mulimo ogwemiringo yona omusaija wena owokugonza anyakuina amagezi, habwokukora okwemiringo yona: kandu nengabwa nabantu bona barahuli’raga kimu okuragira kwawe.