Swahili Bible2

27

1KANDI abana ba Isareri nkomuhendo gwabu okuguli, emitwe yenju zabaisebo, nengabwa ezenkumi nezebikumi, nabaduma babu abako’raga omukama, omu kigambo kyona kyembu ezatahaga nezituruka amezi namezi, okuhikya amezi gona agomwaka, abembu zona bahika bukumi bubiri mwenkumi ina. 2Yasobeamu mutabani wa Zabudyeri nuwe akabali omukuru worubu orwokubana habwokwezi okwokubanza: kandi abomu ruburwe bakaba bali bukumi bubiri mwenkumi ina. 3Akabali womu bana ba Perezi, omukuru wengabwa zona eza ihe habwokwezi kwokubanza. 4Kandi Dodai Omwahohi noruburwe nuwe akabali omukuru worubu orwokwezi okwakabiri; na Mikirosi omulemi: kandi omu ruburwe hakaba harumu bukumi bubiri mwnkumi ina. 5Benaya mutabani wa Yehoyada nyakatagara nuwe akabali engabwa eyakasatu eya ihe habwokwezi okwakasatu, omukuru: kandi omu ruburwe hakaba harumu bukumi bubiri mwenkumi ina. 6Nuwe Benaya ogu akabali omusaija wamani womu amakumi asatu, kandi akalema asatu ago: kandi omu ruburwe hakaba harumu Amizabadi mutabaniwe. 7Asaheri mugenzi wa Yoabu nuwe akabali engabwa eyakana habwokwezi okwakana, na Zebediya mutabaniwe hanyumaye: kandi omu ruburwe hakaba harumu bukumi bubiri mwenkumi ina. 8Samuhusi Omuizirahi nuwe akabali engabwa eyakatono habwokwezi okwakatano: kandi omu ruburwe hakaba harumu bukumi bubiri mwenkumi ina. 9Ira mutabani wa Ikesi Omutekoa nuwe akabali engabwa eyomukaga habwokwezi okwomukaga: kandi omu ruburwe hakaba harumu bukumi bubiri mwenkumi ina. 10Herezi Omuperoni owomu bana ba Eferaimu nuwe akabali engabwa eyomusanju habwokwezi okwomusanju: kandi omu ruburwe hakaba harumu bukumi bubiri mwenkumi ina. 11Sibecai Omuhusasi owomu Bazerahi nuwe akabali engabwa eyomunana habwokwezi okwomunana: kandi omu ruburwe hakaba harumu bukumi bubiri mwenkumi ina. 12Abyezere Omwanatosi owomu Babenyamini nuwe akabali engabwa eyomwenda habwokwezi okomwenda: kandi omu ruburwe hakaba harumu bukumi bubiri mwenkumi ina. 13Maharai Omunetofasi, owomu Bazerahi nuwe akabali engabwa eya ikumi habwokwezi okwa ikumi: kandi omu ruburwe hakaba harumu bukumi bubiri mwenkumi ina. 14Benaya Omupirasoni owomu bana ba Benyamini nuwe akabali engabwa eya ikumi nomu habwokwezi okwa ikumi na kumu: kandi omu ruburwe hakaba harumu bukumi bubiri mwenkumi ina. 15Heridai Omunetofasi owa Osinyeri nuwe akabali engabwa eya ikumi nababiri habwokwezi okwa ikumi nabiri: kandi omu ruburwe hakaba harumu bukumi bubiri mwenkumi ina. 16Kandi abokulema enganda za Isareri: owomu Bereubeni hakaba haroho Eryeza mutabani wa Zikiri omulemi: owomu Basimeoni, Safatiya mutabani wa Maaka: 17owomu Levi, Hasabiya, mutabani wa Kemuweri: 18owomu Aroni, Zadoki: owomu Yuda, Erihu omu ha bene babu Daudi: owomu Isakara, Omiri mutabani wa Mikaeri: 19owomu Zeburuni, Isimaya mutabani wa Obadiya: owomu Nafutali, Yerimosi mutabani wa Aziryeri: 20owomu bana ba Eferaimu, Hoseha mutabani wa Azaziya: owekicweka ekyoruganda rwa Manase, Yoweri mutabani wa Pedaya: 21owekicweka ekyoruganda rwa Manase omu Gireadi, Ido mutabani wa Zekaliya: owomu Benyamini, Yaasyeri mutabani wa Abuneri: 22owomu Dani, Azareli mutabani wa Yerohamu. Nibo bakaba bali engabwa ezenganda za Isareri. 23Baitu Daudi atabale omuhendo gwabo abakaba batakahikirize emyaka abiri: baitu MUKAMA akagamba ati Alikanyisa Isareri okubainganiza obwingi nenyunyuzi eza haiguru. 24Yoabu mutabani wa Zeruya akabanza okubara, baitu atamale; kandi habweki ekiniga kyahika ha Isareri; kunu omuhendo batagute omu kitabu ekyomu businge bwa Daudi omukama. 25Kandi Azimavesi mutabani wa Adyeri akaba narole’ra amahu’ro agomukama: kandi Yonasani mutabani wa Uziya akaba narole’ra amahu’ro agomubwe’re, nagomu mbuga, nagomu bika, nagomu nkomero: 26kandi Eziri mutabani wa Kerubu akaba balema abo abakoraga omulimo gwomu misiri ogwokulima iataka. 27kandi Simei Omuramasi nuwe akaba narole’ra engonjo ezemizabibu: kandi Zabudi Omusifumi nuwe akaba narole’ra ensagi ezomu ngonjo zemizabibu habwamahu’ro gamarwa: 28kandi Baali-hanani Omugedere nuwe akaba narole’ra emiti emizeituni nemiti emisukomoli ekaberi omu byeya: kandi Yoasi nuwe akaba narole’ra amahu’ro gamagita: 29kandi Sitirai Omusaroni nuwe akaba narole’ra amagana agaliraga omu Saroni: kandi Safati mutabani wa Adurai akaba narole’ra amagana agakaba gali omu bihanga: 30kandi Obiri Omuisameri akaba narole’ra engamira: kandi Yehedeya Omumeronasi nuwe akaba narole’ra enkaina: 31kandi Yazizi Omuhagiri nuwe akaba narole’ra amagana gembuzi. Abo bona balemaga ebintu ebikaba biri byomukama Daudi. 32Kandi Yonasani esento Daudi akabali omuhanguzi, omuntu owokwetegereza, kandi omuhandiki: na Yehyeri mutabani wa Hakimoni akabali hamu na batabani bomukama: 33kandi Ahitoferi nuwe akabali omuhanuzi owomukama: kandi Husai Omwaraki nuwe akabali enganjani yomukama: 34kandi Yehyoyada nuwe yakuratire Ahitoferi mutabani wa Benaya, na Abyasara: kandi Yoabu nuwe akabali engabwa yihe lyomukama.