Swahili Bible2

26

1HABWEMBU zabakumirizi: abomu Bakorahi; Meseremiya, mutabani wa Kole, owomu batabani ba Asafu. 2Kandi Meseremiya akaba anyina abana, Zekaliya omuzigaijo, Yedyaeri owakabiri, Zebadiya owa kasatu, Yasinyeri owakana; 3Eramu owakatano, Yehohanani owomukaga, Eryehoenai owo musanju. 4Kandi Obededomu akabanyina abana; Semaya omuzigaijo, Yehozabadi owakabiri, Yoha owakasatu, na Sakara owakana, na Netaneri owakatano; 5Amyeri owomukaga, Isakara owomusanju, Peyulesai owomunana: baitu Ruhanga akamuha omugisa. 6Kandi na Semaya mutabaniwe akazara abana, abalemere enju yabaisebo: baitu bakaba bali basaija bamani abobumanzi. 7Batabani ba Semaya; Osini, na Rafaeri, na Obedi, Eriabedi, bene babu abakaba bali basaija bobumanzi, Erihu, na Semakiya. 8Abo bona bakaba bali bomu batabani ba Obededomu: bona batabani babu na bene babu, abantu abamani abobusobozi habwokuhereza; aba Obededomu nkaga mu babiri. 9Kandi Meseremiya akabanyina batabani na bene babu, abasaija bobumanzi, ikumi nomunana. 10Kandi Hosa, owomu bana ba Merali, akabanyina batabani; Simiri omukuru (baitu nobwakaba atali muzigaijo, ise yamufora omukuru); 11Hirikiya owa kabiri, Tebaliya owakasatu, Zekaliya owakana: batabani bona aba Hosa na bene babu bakaba bali ikumi nabasatu. 12Hali abo hakaba haroho embu zabakumirizi, abasaija abakuru, abaragirwe omulimo nka bene babu, okuhereza omu nju ya MUKAMA. 13Kandi bakatoma, abato nabakuru, nkenju zabisebo okuzikaba ziri, habwirembo lyona. 14Ha burugaiziba okutoma kwa gwere Seremiya. Nubwo batomera Zekaliya mutabaniwe, omuhanguzi wamagezi; okutomakwe kwagwa ha bukizi bwobulyo; kandi Nubwo batomera Zekaliya mutabaniwe, omuhanuzi wamagezi; okutomakwe kwagwa ha bukizi bwe moso. 15Okwa Obededomu ha bukizi bwobulyo; kandi okwa batabanibe eryahu’ro. 16Okwa Supimu na Hosa ha bugwaizoba ha irembo erya Salekesi, ahali oburaro oburukwambuka, abalinzi barolerire abalinzi batahi babu. 17Abalevi mukaga bakaba bali ha rubaju orwoburugaizoba, ha bukizi obwemoso bukyabukya bana, ha bukizi obwobulyo bukyabukya bana, 18naberyehu’ro babiri babiri. Aba Paraba ha rubaju orwobugwaizoba, ahali oburaro, bana, kandi ha Paraba babiri. 19Ezi nizo mbu zabakumirizi; ha batabani Babakorahi, kandi abomu batabani Merali. 20Nabomu Balevi, Ahiya akaba narole’ra amahu’ro agenju ya Ruhanga, namahu’ro agebintu ebirukwera. 21Batabani ba Ladani; batabani Babageresoni aba Ladani, emitwe eyenju zabaisebo eza Ladani Omugeresoni; Yehyeri. 22Batabani ba Yehyeri; Zesamu, na Yoweri mugenziwe, okurole’ra amahu’ro agenju ya MUKAMA. 23Abomu Bamuramu, abomu Baizihali, abomu Baheburoni, abomu Bauzyeri: 24na Sebuweri mutabani wa Geresomu, mutabani wa Musa, nuwe yalemaga amahu’ro. 25Na bene babu; owa Eryezere hakaba haroho mutabaniwe Rehabiya, na mutabaniwe Zikiri, na mutabaniwe Seromosi. 26Seromosi ogu na bene babu bakaba nibarole’ra amahu’ro gona agebintu ebyasoroirwemu, Daudi omukama, nemitwe yenju zabaisebo, engabwa ezenkumi nezebikumi, nengambwa eza ihe ebi basoroiremu. 27Kandi bakasorora ha minyago eyibanyagire omu bulemu okusemeza enju ya MUKAMA. 28Na byona Samuiri omurozi, na Saulo mutabani wa Kisi, na Abuneri mutabani wa Zeruya, ebibasoroiremu; omuntu wena ayasoroiremu ekintu kyona, eki kikaba kiri omu mukono gwa Seromsi, na bene babu. 29Abomu Baizihali, Keneniya na batabanibe balemaga Isareri habwomulimo ogwa heru, okuba abasuma na bacwi bemisango. 30Abomu Baheburoni, Hasabiya na bene babu, abasaija abobumanzi, rukumi mu rusanju abobumanzi, rukumi murusanju barole’raga Isareri nseri ya Yorudani obugwaizoba; habwomulimo gwona ogwa MUKAMA, kandi habwo- 31kuhereza okwomukama. Abo mu Baheburoni, Yeriya omu kuru, owomu Baheburoni, nko buijukuru bwabu okubuli ha bwenju zabaisebo. Omu mwaka gwobusinge bwa Daudi ogwamakumi ana bakabase’ra, kandi bazora omulibo abasaija bamani abobumanzi omu Yazere eya Gireadi. 32Na bene babu, abasaija bobumanzi bahika enkumi ibiri mu rusanju, emitwe yenju zabaisebo, omukama Daudi abayafoire abarolerezi okurole’ra Abareubeni, Nabagadi, nekicweka kyoruganda orwa Manase, habwekigambo kyona ekya Ruhanga, kandi habwebigambo ebyomukama.