Swahili Bible2

23

1LERO Daudi akahwita yagurusa muno; yafora Sulemani mutabaniwe omukama wa Isareri. 2Yasoroza hamu abakuru bona aba Isareri, hamu ababanyakatagara Nabalevi. 3Abalevi bakabarwa omuhendo abakaba bahikize emyaka amakumi asatu nokukiraho: omukumi asatu: omuhenso ogwemitwe yabu, omu omu, gwahika bukumi busatu omu kanana. 4Omuli abo bukumi bubiri mwenkumi ina bakaba baragirwe okurole’ra omulimo gwenju ya MUKAMA; na kakaga bakaba bali abaduma nabacwi 5bemisango: nenkumi ina bakaba bali abakumirizi benyingi; nenkumi ina bakakugiza Ruhanga nebintu ebinakozire, nka Daudi okuyagambire, habwokukugiza MUKAMA. 6Daudi yabaganizamu omu mbu, nkabana ba Levi okubakaba bali; Geresoni, Kohasi, na Merali. 7Abomu Bageresoni; Ladani na 8Simei. Batabani ba Ladani; Yehyeri omukuru, na Zesamu, 9na Yoweri, basatu. Batabani ba Simei; Seromosi, na Haziyeri, na Harani, basatu. Nibo bakaba bali emitwe yenju za baisebo eza Ladani. 10Na batabani ba Simei; Yahasi, Zina, na Yeyusi, na Beriya. Abo bana nibo bakaba bali batabani ba Simei. 11Kandi Yahasi nuwe akabali omukuru, na Ziza owakabiri: baitu Yeyusi na Beriya bakaba batanyina batabani baingi; nikyo bafokire enju emu eyabaisebo nkokubarwa kwayo okukuli. 12Batabani ba Kohasi; Amuramu, Iziha, Heburoni, na 13Uziyeri, bana. Batabani ba Amuramu; Aroni na Musa: kandi Aroni akasororwamu, ayezege ebintu ebirukukira okwera, uwe na batabanibe okuhikya ebiro byona, okwote’raga emyami’ro omu maiso ga MUKAMA, okumuherezaga, nokusaba omugisa omu ibaralye ebiro byona. 14Baitu Musa omusaija wa Ruhanga batabanibe bakabarwa omu batabani ba Levi. 15Batabani ba Musa; Geresomu na Eryeza. 16Batabani ba Geresomu; 17Sebuweri omukuru. Kandi Eryeza akaba atanyina batabani abandi; baitu batabani ba Rehabiya bakaba bali baingi muno. 18Batabani ba Iziha; Se- 19romisi omukuru. Batabani ba Heburoni; Yeriya omukuru, Amaliya owakabiri, Yahazyeri owakasatu, na Yekameamu owakana. 20Batabani ba Uzyeri; Mika omukuru na Isiya owakabiri. 21Batabani ba Merali; Mahali na Musi. Batabani ba Mahali; Eryeza na Kisi. 22Kandi Eryeza akafa, akaba atanyina bana, baitu bahara bonka: kandi bene babu batabani ba Kisi bakabaswera. 23Batabani ba Musi; Mahali na Edere, nibo Yeremosi, basatu. 24Abo nibo batabani ba Levi nkenju zabaisebo okuziri, emitwe yenju za baisebo babo ababazirwe, omu muhendo gwamabara nkemitwe yabu okweri, abakoizire omulimo ogwokuhereza omu nju ya MUKAMA, abakaba bahikize emyaka abiri nokukiraho. 25Baitu Daudi akagamba ati MUKAMA Ruhanga wa Isareri ahaire abantube okuhumura; kandi aikaire Yerusalemu okuhikya ebiro byona: 26Kandi Abalevi tabaligaruka okutalibana nibahimba ehema nebintu byayo byona ebyokuhereza kwayo. 27Baitu habwebigambo bya Daudi ebyahanyuma Abalevi bakabarwa, abakaba bahikize emyaka abiri nokukiraho. 28Baitu omulimo gwabu kuhereza batabani ba Aroni habwokuhereza okwomunju ya MUKAMA, omu zigati, nomu bisika, nokusemeza ebintu byona ebirukwera, omulimo ogwokuhereza okwomu nju ya Ruhanga; 29habwemigati eyokwoleka, kandi habwensano enungi eyekihongwa ekyebyokulya, rundi ekyecupati ezitatumbisibwe, rundi ebi ebikarangwa omu kikarango, rundi ebi ebiibikirwe, kandi habwemiringo – 30yona nobukoto nokweme’raga obukya bukya okukugiza MUKAMA, kandi na kairirizi; 31nokuhongaga ebihongwa byona ebyokeze hali MUKAMA, ha sabiti, ha kwezi okuboneka, naha bugenyi obwatairweho, omuhendo gwabwo nkokubwaragirwe, omu maiso ga MUKAMA obutosa: 32kandi berindegeebibaragigwa ha hema yokutangatanganiramu, kandi ha kiikaro ekirukwera, kandi ha batabani ba Aroni bene babu, ha bwokuhereza okwomu nju ya MUKAMA.