Swahili Bible2

22

1KANDI Daudi yagamba ati Enu niyo enju ya MUKAMA Ruhanga, kandi nikyo Kyoto ekyekihongwa ekyokeze habwa Isareri. 2Daudi yaragira okusoroza ahamu abanyaihanga abakaba bali omu nsi ya Isareri; yataho ababaizi bamabale okubaija amabale okwombeka enju ya Ruhanga. 3Daudi yatekaniza ebyoma bingi muno habwemisomali eyenyigi zamalembo, kandi habwebiboha; nemiringa nyingi muno etalengerwe; 4nemiti emikogoto etabazirwe: baitu Abazidoni Nabaturo bakaleta emikogoto mingi muno hali Daudi. 5Daudi yagamba ati Omwana wange Sulemani akiri muto, kandi nayoroba, kandi enju eryombekerwa MUKAMA ehikirire okuba yekitinisa kingi, eyokuranganwa nokusimwa amu nsi zona: nikyo ndigitegekera ebintu. Nukwo Daudi yategeka bingi atakafire. 6Nubwo yayeta Sulemani omwanawe, yamutere’ra ayombekere MUKAMA enju, Ruhanga wa Isareri. 7Daudi yagaha ha mbira omwanawe Sulemani ati Baitu nyowe nkaba ntekerize omu mutima gwange okwombekera enju ibara lya MUKAMA 8Ruhanga wange. Baitu ekigambo kya MUKAMA kyaija namberendi ngu Iwe okasesa esagama nyingi muno, kandi okarwana obulemu bwingi: otalyombekera enju ibara lyange, baitu okasesa esagama nyingi ha nsi omu maiso gange: 9dora, olizara omwana, kandi aliba omuntu wokuhumura; kandi ndimuha okuhumura abanyanzigwabe bona ha mbaju zona: baitu ibaralye liriba Sulemani, kandi ndiha Isareri obusinge nokuhumura omu birobye: 10nuwe alyombekera enju ibara lyange; kandi aliba omwana wange, nyowe ndiba ise; kandi ndigumya ekitebe ekyobukamabwe okulema Isareri okuhikya ebiro byona. 11Nukwo mwna wange, MUKAMA aikalege naiwe; otungengege omugisa, oyombeke enju ya MUKAMA Ruhanga wawe, nkokuyakugambireho. 12Kimu kyonka MUKAMA akuhe amagezi nokwetegereza, akuragi’re ebya Isareri; nukwo okwatege oti ebiragiro bya MUKAMA Ruhanga wawe. 13Nubwo olibona omugisa, obwolyerinda okukora ebiyataireho nebyobulyo, MUKAMA ebiyaragire Musa ha Isareri: foka wamani, ogume omutima; otatina, kunu otekanga. 14Nukwo dora, omu kubundazibwa kwange nkategekera enju ya MUKAMA earanta zezabu kasirira, netaranta zefeza rukumi emirundi rukumi, nemiringa nebyoma ebitaralengerwe; baitu bingi muno: nemiti namabale nkabitegeka; naiwe nosobora okwongeraho. 15Kandi haroho hamu naiwe abakozi bemirimo baingi muno, ababaizi bamabale kandi abakozi bago, kandi abembaho, nabasaija bona abanyina amagezi 16okukora omulimo gwona; ezabu, nefeza, nemiringa, nebyoma, tibirikubarwa; imuka okole, MUKAMA aikalege naiwe. 17Kandi Daudi yaragira abakuru bona aba Isareri okukonyera omwanawe Sulemani, nagamba ati MUKAMA Ruhanga wanyu tali nainywe? 18kandi tabahaire okuhumura ha mbaju zona? Baitu akahayo abantu abomu nsi omu mukono gwange; kandi ensi eculezibwe omu maiso gabantube. 19hati bunu mugumye omutima gwanyu nobwomezi bwanyu, okuse’ra MUKAMA Ruhanga wanyu,; nukwo muimuke mwombeke ekiikaro ekiragano kya MUKAMA, nebintu ebirukwera ebya Ruhanga, omu nju eryombekerwa ibara lya MUKAMA.