Swahili Bible2

21

1KANDI Setani akaimuka okurwana na Isareri, yayohya Daudi okubara Isareri. 2Daudi yagambira Yoabu nabakuru babantu ati Mugende mubale Isareri okuruga Beeri-seba okuhikya Dani; ondetere ebigambo, nukwo manye omuhendo gwabu. 3Yoabu yagamba ati MUKAMA akanyise abantube emirundi kikumi okukira okubali hati bunu: baitu mukama wange, bona tibali bairu ba mukama wange? Kiki ekirukuseruza mukama wange ekigambo kinu? Kiki ekirikumugondesa okuletera Isarei omusango? 4Baitu ekigambo kyomukama kikasingura Yoabu. Nukwo Yoabu yarugayo, yaraba omu Isareri yona, yahika Yerusalemu. 5Yoabu yaletera Daudi omuhendo gwabantu ogubabazire bakaba bali kakaikuru nakasirira, abasaija abasomoraga busitama: kandi aba Yuda bakaba bali basaijabusirira bunu mu bukumi musanju aba somoraga busitama. 6Baitu Levi na Benyamini atababale hamu nabo: baitu ekigambo ekyomukama kikaba kiri kibi hali Yoabu. 7Kandi Ruhanga akabihi’rwa ekigambo eki; nikyo yaterire Isareri. 8Daudi yagambira Ruhanga ati Nsisire muno obunkozire ekigambo kinu: baitu hati bunu nkwesengerize okuihaho okutahiki’ra okwomuiru wawe; baitu nkozire obudomadoma mali. 9MUKAMA yagambira Gadi, nabi wa 10Daudi, ati Genda ogambire Daudi oti Nukwo MUKAMA agambire ati Ninkuletera ebigambo bisatu; yegombozaho kimu, nkikukole. 11Nukwo Gadi yaija hali Daudi, yamugambira ati Nukwo MUKAMA agambire ati Komaho ekyoragonza; 12rundi emyaka esatu eyenjara; rundi amezi asatu okuhwerekerezebwa aba nyanzigwa bawe, busitama yahoo; rundi busitama ya MUKAMA ebiro bisatu, nurwo rufu omu nsi, maraika wa MUKAMA na hwerekereza omu nsi zona eza Isareri. Nukwo hati bunu tekereza ebindagarukamu ogu antumire. 13Daudi yagambira Gadi ati Ndemerwe muno, leka ngwe omu mukono gwa MUKAMA, baitu okuganyirakwe kwingi muno: kunu ntangwa omu mukono gwomuntu. 14Nukwo MUKAMA yaleta orufu hali Isareri; bagwa ha Isareri abasaija bukumi musanju. 15Ruhanga yatuma maraika Yerusalemu okugihwerekereza: kandi obwakaba nagenda okuruhwerekereza, MUKAMA yarora, yayeyijukya habwakabi, nagambira maraika arukuhwerekereza ati Kiramara; hati ga’ra omukono gwawe. Maraika wa MUKAMA yayeme’raho ahali orubuga orwokuhu’raho orwa Orunani Omuyebusi. 16Kandi Daudi yaimukya amaisoge, yarora maraika wa MUKAMA ayemerireho hagati yensi niguru, anyina busitama esomoirwe hali Yerusalem. Nubwo Daudi nabakuru bagwa bajumaire, bajwaire ebitengo. 17Daudi yagambira Ruhanga ati Tinyowe naragire okubara abantu? Ninyowe nyenka nsisire, kandi nkozire kubi muno; baitu entama zinu zikozire ki? Nkwesengerize, ai bambi MUKAMA Ruhanga wange, omukono gwawe gube hali nyowe na ha nju ya isenyowe, baitu gutaba ha Bantu bawe, bo okusalizibwa. 18Nukwo maraika wa MUKAMA yaragira Gadi okugambira Daudi ateha rubuga rwokuhu’raho rwa Orunani Omuyebusi. 19Daudi yatemba habwekigambo kya Gadi ekiyagambire omu ibara lya MUKAMA. 20Kandi Orunani yahinduka enyuma, yarora maraika; na batabanibe bana abakaba bali nauwe bayesereka. Baitu Orunani yahinduka enyuma, yarora maraika; na batabanibe bana abakaba bali nauwe bayesereka. Baitu Orunani akaba nahura engano. 21Daudi obuyaizire hali Orunani, Orunani yarora yabona Daudi, yarugayo ha rubuga rwokuhu’raho, yainamira 22Daudi amaisoge hansi. Kandi Daudi yagambira Orunani ati Mpa ekibanja ekyorubuga runu orwokuhu’raho, nyombekere MUKAMA ekyoto: orakimpa habwomuhendo oguhikire: orufu 23rutangwe omu Bantu. Orunani yagambira Daudi ati Okyetwa’re wenka, mukama wange omukama akole wki ekisemire omu maisoge: dora, nkuhaire ente okuba ebihongwa ebyokeze, nemiti eyokuhura okuba nku, nengano okuba ekihongwa ekyebyokulya; nkuhaire byona. 24Omukama Daudi yagambira Orunani ati Nangwa; baitu mazimakwo ndakigura omuhendo oguhikire: tintwale ebyawe habwa MUKAMA, nobukwakuba okuhonga ekihongwa ekyokeze ekitali kyomuhendo. 25Nukwo Daudi yamuha Orunani habwekiikaro eki sekeri zezabu rukaga ezalengerwe. 26Daudi yayombeka oku ekyoto hali MUKAMA, yahonga ebihongwa ebyokeze nebihongwa ebyobusinge nakunga ibara lya MUKAMA; kandi yamugarukamu nomu’ro ogwarugire haiguru, ha Kyoto ekyekihongwa ekyokeze. 27MUKAMA yaragira maraika, kandi yaga’rayo busitamaye omu kirweyo kyayo. 28Omu kasumi ako Daudi obu yaboine MUKAMA amugarukiremu ha rubuga rwokuhu’raho orwa Orunani Omuyebusi, nubwo yahaireyo oku ekyonzira. 29Baitu ehema ya MUKAMA, Musa eyiyakolire omu irungu, nekyoto ekyekihongwa ekyokeze, bikaba biri omu kiikaro ekiraihire ekya Gibeoni omu biro biri. 30Baitu Daudi atasobole okuija omu maiso gayo okukaguza Ruhanga: baitu akatina busitama ya maraika wa MUKAMA.