Swahili Bible2

17

1KANDI kikahika, Daudi obwakaba aikaire omu njuye, Daudi yagambira Nasani nabi ati Dora, nyowe nyikaire omu nju eyemikogoto, baitu esanduko eyekiragano kya MUKAMA ikaire 2omunda yenyigamo. Nasani yagambira Daudi ati Kora byona ebiri omu mutima gwawe; 3baitu Ruhanga ali naiwe. Kyahika ha kiro eki ekigambo kya Ruhanga kyaija hali Nasani 4ekiro ngu Genda agambire Daudi omuiru wange oti Nukwo agambire MUKAMA ati Iwe otalinyombekera enju eyokuikaramuga: 5baitu tinkaikaraga omu nju okurugu ha kiro obunatahize Isareri, nokuhikya hati; baitu nagendaga okuruga omu hema nokutaha omu hema, nokuruga omu rukande nokutaha omu rukande. 6Omu biikaro byona ebinagenderamuga hamu na Isareri yona, ndagambire ekigambo kyona omuntu wena owomu bacwi bemisango aba Isareri, abanaragire okulisa abantu bange, nti Kiki ekyabatangire okunyombekera enju ekyabatangire okunyombekera enju eyemikogoto? 7Nukwo hati bunu aragambira omuiru wange Daudi oti Nukwo agambire MUKAMA wamahe ati Nkakuiha omu irisizo, okaba nohondera entama, obe omukuru okulema abantu bange Isareri: 8kandi naikaraga naiwe hawagendaga hona, namaraho omu maiso gawe abanyanzigwa bawe bona; kandi ndikufora ibara erikuru, nkamabara agabakura abali omu nsi. 9Kandi nditeraho abantu bange Isareri ekiikaro, ndibabyara, baikalege omu kiikaro kyabu bonka, baleke okutabanizibwa obundi; kunana abana abobubi bataligaruka okubahwerekereza, nka kara, 10Kandi nkokuruga ha kiro eki obunaragire abacwi bemisango okulema abantu bange Isareri; kandi ndiculeza abanyanzigwa bawe bona. Kandi ninkutebeza nti MUKAMA alikwombekera enju. 11Kandi kirihika, ebiro byawe obubirihiki’ra obwoligenda okuba nabaswenkuru, nubwo ndiimukya oruzaro rwawe hanyuma yawe, owomu batabani bawe; kandi ndigumya obukamabwe. 12Nuwe alinyombekera enju, kandi ndigumya ekitebekye okuhikya ebiro byona. 13Nyowe ndiba ise, nauwe aliba mwana wange: kunu tindimuihaho okuganyira kwange, nkokunakuihire hali ogu ayakubandize: 14baitu ndimugumya omu nju yange nomubukama bwange okuhikya ebiro byona: nekitebekye kiragumahoga ebiro byona. 15Nkebigambo ebi byona okubiri, kandi nkokwolekwa oku kwona, nukwo Nasani yagambire ati Daudi. 16Nubwo Daudi omukama yatahamu, yaikara’ra omu maiso ga MUKAMA; yagamba ati Ninyowoha, ati MUKAMA Ruhanga, nenju yange kiki iwe okumpikya na hanu? 17Kandi eki kibaire ekigambo kike omu maiso gawe, ai MUKAMA; baitu obalize ha nju yomuiru wawe habwebiro bingi ebiri omu maiso, kandi ontekerize nyowe nkobukuru bwomuntu ali haiguru muno, ai MUKAMA Ruhanga. 18Daudi nasobora ki okweyongera okukugambira ha kitinisa ekikozirwe omuiru wawe? Baitu omanyire omuiru wawe. 19Ai MUKAMA, habwomuiru wawe, kandi nkomutima gwawe wenka okuguli, nukwo okozire obukuru obu bwona, okumanyisa ebigambo ebi byona ebikuru. 20Ai MUKAMA, busaho ondi okusisana iwe, kunu busaho Ruhanga, rundi iwe wenka, nka byona okubiri ebitwahulire namatu gaitu. 21Kandi ihanga ki erya ha nsi erirukusisana abantu bawe Isareri, Ruhanga abayagenzire okwecungu’ra wenka okuba ihanga, ayeko’re ibara habwebigambo ebikuru kandi ebyokutinwa, obuyabingiremu amahanga omu maiso gabantu bawe, abawacunguire omu Misiri? 22Baitu abantu bawe Isareri, okabafora abantu bawe ebiro nebiro; naiwe ai MUKAMA wafoka Ruhanga wabu. 23Kandi hati bunu ai MUKAMA, ekigambo ekyogambire ha Muiru wawe, kandi ha njuye, kigumehoga okuhikya ebiro byona, okole nkokwogambire. 24Kandi ibara lyawe ligumehoga linyumizibwege ebiro byona, ngu MUKAMA wamahe nuwe Ruhanga wa Isareri, nuwe Ruhanga habwa Isareri: kandi enju yomuiru wawe Daudi egumireho omu maiso gawe. 25Baitu iwe, ai Ruhanga wange, osukulire omuiru wawe okwolimwombekera enju: nikyo omuiru wawe akibonire omu mutimagwe okusaba omu maiso gawe. 26Kandi hati bunu, ai MUKAMA, niwe Ruhanga, kandi oraganize omuiru wawe ekigambo kinu ekirungi: 27kandi hati bunu kisemire namberoli okuha omugisa enju yomuiru wawe, ikalego ebiro byona omu maiso gawe: baitu iwe, ai MUKAMA, ogihaire omugisa, kandi ehairwe omugisa okuhikya ebiro byona.