Swahili Bible2

15

1KANDI Daudi akeyombekera amaju omu rubuga rwa Daudi; yatekaniza ekiikaro ekyesanduko ya Ruhanga, yagisimbira ehema. 2Nubwo Daudi yagambire ati Busaho ahikirire okuhimba esanduko ya Ruhanga, rundi Abalevi bonka: baitu nibo MUKAMA yakomeremu okuhimbaga esanduko ya Ruhanga, nokuhereza namberali ebiro byona. 3Kandi Daudi akasoroza Isareri yona omu Yerusalemu, balete esanduko ya MUKAMA omu kiikaro kyayo, ekyekaba agitekanirize. 4Daudi yasoroza hamu batabani ba Aroni, 5Nabalevi: abomu batabani ba Kohasi; Uryeri omukuru, na bene babu kikumi mwabiri; 6abomu batabani ba Merail; Asaya omukuru, na bene babu 7bikumi bibiri mwabiri: abomu batabani ba Geresomu; Yoweri omukuru, na bene babu kikumi mwasatu: 8abomu batabani ba Erizafani; Semaya omukuru, na bene babu bikumi bibiri; 9abomu batabani ba Heburoni; Eryeri omukuru, na bene babu kinana: 10abomu batabani ba Uzyeri; Aminadabu omukuru, na bene babu kikumi mu ikumi nababiri. 11Kandi Daudi yayeta Zadoki na Abyasara banyakatagara, Nabalevi, na Uryeri, Asaya, na Yoweri, Semaya, na 12Eryeri, na Aminadabu, yabagambira ati Inywe muli mitwe eyenju zabaisebo Abalevi: mweyeze inywenka, inywe na bene banyu, mulete esanduko ya MUKAMA, Ruhanga wa Isareri, omu kiikaro ekinagitekanirize. 13Baitu inywe okutagihimba okubanza, MUKAMA Ruhanga waitu nikyo yatucwacwanire, baitu tutamuse is nkekiragiro okukiri. 14Nukwo banyakatagara Nabalevi bayeyeza balete esanduko ya MUKAMA, Ruhanga wa Isareri. 15Kandi abana Babalevi bahimba esanduko ya Ruhanga ha mabega gabu, nemigamba yayo eri eruguru, nka Musa okuyaragire, nkekigambo kya MUKAMA okukiri. 16Kandi Daudi yagambira omukuru Wabalevi ateho bene babu abazini, nebintu ebigamba, endongo nenanga, nenyege, nibagambira haiguru nibaimukya amaraka nokusemererwa. 17Nukwo Abalevi bataho Hamani mutabani wa Yoweri; kandi abomu bene babu, Asafu mutabani wa Berekiya; kandi abomu batabani ba Merali bene babu, Esani mutabani wa 18Kusiya; kandi hamu nabo bene babu abomulingo ogwakabiri, Zekaliya, Beni, na Yaazyeri, na Semiramosi, na Yehyeri, na Uni, Eryabu na Benaya, na Maasiya, na Matisiya, na Eriferehu, na Mikineya, na Obededomu, na Yeyeri, abakumirizi. 19Nukwo abazini Hemani, Asafu, na Esani, bakatebwaho nebitinisa ebyemiringa okubigambisa 20haiguru; na Zekaliya, na Azyeri, Semiramosi, na Yehyeri, na Uni, na Eryabu, na Maasiya, na Benaya, abakwasire endongo eziterirwe. 21Aramosi; na Matisiya, na Eriferehu, na Mikineya, na Obededomu, na Yeyeri, na Azaziya, bakwasire enanga eziterirwe Seminesi, okubebembera. 22Kandi Kenaniya omukuru Wabalevi nuwe yaterekerezaga ebizina: nuwe yabegesaga okuzina, baitu akabanyina amagezi. 23Kandi Berekiya na Erikana bakaba bali abakumirizi babwesanduko. 24Na Sebaniya, na Yosafati, na Nataneri, na Amasai, na Eryezere, banyakatagara, bakatera amakondere omu maiso gesanduko ya Ruhanga: na Obededomu na Yehiya bakaba bali abakumirizi habwesanduko. 25Nukwo Daudi nabakuru ba Isareri, nengabwa ezenkumi, bagenda okuleta esanduko yekiragano kya MUKAMA, nibagiiha nokusemerwa omu nju ya Obededomu: 26Kandi kyahika, Ruhanga obuyakonyire Abalevi abahimbire esanduko yekiragano kya MUKAMA, bahayo ebyonzira, enimi musanju nentama empaya musanju. 27Daudi akajwara orugoye orwekitani esemi’re, Nabalevi bona abahimbire esanduko, nabazini, na Kenaniya, omukuru webizina hamu nabazini: kandi Daudi akaba ajwaire efodi yekitani. 28Nukwo Isareri yona baleta esanduko eyekiragano kya MUKAMA nibatokera haiguru, nokugamba okwengwara, nokwamakondere, nokwenyege, nibigambira haiguru nendongo nenanga. 29Kandi kyahika, esanduko eyekiragano kya MUKAMA obuyahikirire ha rubuga rwa Daudi, Mikali omuhara wa Saulo yaleba omu dirisa, yarora omukama Daudi nazina natera enanga: yamugaya omu mutimagwe.