Swahili Bible2

14

1KANDI Hiramu omukama wa Turo akatuma abakwenda hali Daudi, nemiti emikogoto, nabafundi bamabale, nababaizi, bamwombekere enju. 2Daudi yarora MUKAMA amugumize okuba omukama wa Isareri, baitu obukamabwe bukanyumizibwa haiguru, habwabantube Isareri. 3Kandi Daudi akeyongera okutwara abakazi Yerusalemu; Daudi yayeyongera okuzara abana abojo nabaisiki. 4Kandi amabara gabana abakaba anyinabo omu Yerusalemu nganu; samua, na Sobabu, Nasani, na 5Sulemani; na Ibuha, na Erisuha, 6na Eripereti; na Noga, na 7Nefegi, na Yafiya; na Erisama, na Beeryada, na Erifereti. 8Kandi Abafirisiti obubahulire Daudi bamusesereho amagita okuba omukama wa Isareri yona, Abafirisiti bona batemba okuse’ra Daudi. Daudi yaihu’ra yabaramagira. 9Lero Abafirisiti bakaba baizire okuhura omu kihanga kya Refaimu. 10Daudi yakaguza hali Ruhanga nagamba ati Ndamagire Abafirisiti? Kandi orabahayo omukono gwange? 11Nukwo baija Baaliperazimu, Daudi yabatemera oku; Daudi yagamba ati Ruhanga acwacwaine abanyanzigwa bange habwomukono gwange, nkamaizi okugacwacwana. Nikyo bayetera ibara eryekiikaro eki Baali-perezi. 12Basigayo abacwezi babu; Daudi yaragira, babokya omu mu’ro. 13Kandi Abafirisiti bakagaruka 14okuramaga omu kihanga. Daudi yagaruka okukaguza hali Ruhanga; Ruhanga yamugambira ati Otalibaramagira: hinduka okubarugaho, obahikeho nambere hali emiti emitugunda. 15Kandi kirahika obworakahu’ra nkemirindi yabantu neribatali bata omu mitugunda haiguru, nubwo oraramaga okurwana: baitu buli Ruhanga aturukire okukwebembera okutema ihe Lyabafirisiti. 16Daudi yakora nka Ruhanga okuyamuragire: batema ihe Lyabafirisiti okuruga Gibeoni okuhikya Gezere. 17Kandi okuranganwa kwa Daudi kukahikya ensi zona; kandi MUKAMA yaleta okutina uwe ha mahanga gona.