Swahili Bible2

13

1KANDI Daudi akahanura nengabwa zenkumi nezebikumi, hamu nabakuru bona. 2Daudi yagambira aba Isareri bona abayesoroize ati Obukiraba kisemire omu maiso ganyu, kandi obukiraba nikiruga hali MUKAMA Ruhanga waitu, tutume hona hona hali bene baitu abasigaireho omu nsi yona eya Isareri, banyakatagara Nabalevi ababali hamu nabo omu mbuga zabu ezinyina amalisizo, besoreleze namberetuli: 3kandi tuga’re namberetuli esanduko ya Ruhanga waitu: baitu tutagise’re omu biro bya Saulo. 4Bona abokuso’rokana bagamba ngu balikora bati: baitu ekigambo eki kikaba kiri kirungi omu maiso gabantu bona. 5Nukwo Daudi yasoroza hamu Isareri yona, okuruga Sihora akambu ka Misiri nokuhikya nambere batahira Hamasi, baga’re esanduko ya Ruhanga nibagiiha Kiryasi-yealimu. 6Daudi yatemba na Isareri yona hali Baara, niyo Kiryasi-yealimu, ekaba eri ya Yuda, okuihayo esanduko ya Ruhanga MUKAMA arukuika’ra ha bakerubi, erukwetwa Ibara. 7Bahimbira esanduko ya Ruhanga ha gali empyaka, bagiiha omu nju ya Abinadabu: kandi Uza na Ahyo nibo batwaize egali. 8Daudi na Isareri yona batera enanga omu maiso ga Ruhanga namani gabu gona: nebizina, nenanga, nendongo, nenyege, nenjogera, namakondere. 9Kandi obubahikire ha rubuga rwokuju’raho orwa Kidoni, Uza yago’ra omukonogwe okukwata esanduko; baitu ente zikesitara. 10Ekiniga kya MUKAMA kyayakira Uza, yamutema, baitu akago’ra omukonogwe ha sanduko: nuho yafire oku omu maiso ga Ruhanga. 11Daudi yabihirwa, baitu MUKAMA akacwacwana Uza, yayeta ekiikaro eki* Perezi-uza nokuhikya hati. 12Daudi akatina Ruhanga ha kiro eki nagamba ati Nyowe ndatahya nta esanduko ya Ruhanga omuka yange? 13Nukeo Daudi yaleka okuihayo esanduko nokugitwara namberali omu rubuga rwa Daudi, baitu yagitwara ha rubaju omu nju ya Obededomu Omugiti. 14Kandi esanduko ya Ruhanga yaikara nabenju ya Obededomu omu njuye amazi asatu: MUKAMA yaha omugisa enju ya Obededomu na byona ebyakabanyinabyo.