Swahili Bible2

12

1LERO banu nibo baizire hali Daudi omu Zikiragi, obwakaba akyeserekere habwa Saulo mutabani wa Kisi: kandi bakaba bali hamu nabasaija bamani, abamukonyeraga okurwana. 2Bakwataga amata, kandi bakamanya okususa amabale nokurasa obuta nengobe nomukono gwobulyo kandi nomukono gwemoso; bakaba bali bomu bene babu Saulo abomu Benyamini. 3Omukuru wabu nuwe Ahyezere, kandi Yoasi, batabani ba Semaha Omugibeasi; na Yezyeri, na Pereti, batabani ba Azimavesi; na Beraka, na Yehu Omwanatosi; 4na Isimaya Omugibeoni, omusaija wamani omu makumi asatu, ayalemaga amakumi asatu; na Yeremiya, na Yahazyeri, na gederasi; 5Eruzai, na Yeremosi, 6Sefatiya Omuharufi; Erikana, na Isihiya, na Azareli, na Yoezere, na Yasobeamu, Arikana, na Isihiya, na Yasobeamu, Abakora 7hi; na Yowera, na Zebadiya, batabani ba Yerohamu owa Gedora. 8Kandi Abagadi abamu bakesoroleza Daudi hali obuingira obwomu irungu, abasaija bamani abobumanzi, abasaija abayegesibwe okurwana, abamanyire okukwata engabo nicumu; amaiso gabu gakaba gali nkamaiso gentale, kandi bakaba bali benziriga okuingana 9enjaza eziri ha nsozi; Ezere omukuru, Obadiya owakabiri. 10Eryabu owakasatu; Misimana owakana, Yeremiya owakatano; 11Ata owomukaga, Eryeri owomusanju; 12Yohanani owomunana, Erizabadi owomwenda; 13Yeremiya owa ikumi, Maki banai owa ikumi nomu. 14Abo abomu batabani ba Gadi bakaba bali engabwa zihe: ayakizire obuke akaingana kikumi, kandi ayakizire obukuru akaingana rukumi. 15Nibo abo abayambukire Yorudani omu kwezi okwokubanza obukyabogere ha migoma yakyo yona; kandi babinga abo bona abomubihanga, hali oburugaizoba na hali obugwaizoba. 16Kandi ababa ba Benyamini naba Yuda abamu bakaija hali Daudi omu rukomero. 17Daudi yaturuka okubatangi;ra yagarukamu nabagambira ati Obumuraba muizire namberendi nobusinge okunkonyera, omutima gwange gurateranizibwa nainywe: baitu obumuraba mauizire okungobeza hali abanyanzigwa bange, kunu tiharumu itima omu ngaro zange, Ruhanga wabaisenkuru itwe akirole’re akihane. 18Nubwo omwoyo gwaija hali Amasai, akabali omukuru wamakumi asatu, yagamba ati Tuli bawe Daudi, kandi ha rubaju rwawe, iwe mutabani wa Yese; businge bube nabakonyezi bawe; baitu Ruhanga wawe nakukonyera. Nubwo Daudi yabaikiriza, yabafora engabwa ezekihanda. 19Nabamanase abamu bakafuruka nibehongera Daudi, obuyaizire hamu Nabafirisit okuramagira Saulo, baitu batabakonyere: baitu abanyoro Babafirisiti obubahabuirwe bakamusindika agende, nibakira omukawe Saulo naletera emitwe yaitu akabi. 20Obuyagenzire Zikiragi, abomu Manase bakafuruka nibamwehongera, Adina, na Yozabadi, na Yedyayeri, na Mekaeri, na Yozabadi, na Erihu, na Ziresai, engabwa ezenkumi ezomu Manase. 21Kandi bakakakonyera Daudi okurwana nebihanda byabanyagi: baitu bona bakabna bali basaija bamani abobumanzi, kandi engabwa eza ihe. 22Baitu obukyakya abantu baijaga hali Daudi okumukonyera, okuhikya obulyafokere ihe erikoto, nka ihe erya Ruhanga. 23Kandi guna nugwo muhendo ogwemitwe yabo abahagatire ebyokurwanisa byobulemu, abaizire hali Daudi omu Heburoni, okuhindura namberali obukya MUKAMA okukikaba kiri. 24Abana ba Yuda abakwasire engabo nicumu bakahika kakaga mu runana, abanyina 25ebyokurwanisa byobulemu. Habana ba Simeoni, abasaija bamani abobumanzi habwobulemu, 26kasanju mu kikumi. Habana ba Levi enkumi ina mu rukaga. 27Kandi Yehoyada nuwe akabali omwebembezi owenju ya Aroni, kandi hamu nauwe hakaba haroho enkumi isatu mu rusanju; 28Na Zadoki omusigazi wamani owobumanzi, nabomu nju ya ise engabwa abiri na ibiri. 29Nabomu bana ba Benyamini, bene babu Saulo, enkumi isatu: baitu okuhikya aho abaingi omulibo bakaba bagunire ha nju ya Saulo. 30Nabomu bana ba Eferaimu bukumi bubiri mu runana, abasaija bamani abobumanzi, abantu abarangainwe omu nju zabaisebo. 31Nabomu kicweka ekyoruganda rwa Manase kakumi mu kanana, abogambirwe amabara gabu, baija okufora Daudi omukama. 32Nabomu bana ba Isakara, abasaija abayetegerize ebyebiro biri, okumanya ekihikirire Isaeri okukora; emitwe yabu bali bikumi bibiri; kandi bene babu bona bakaba nibahu’ra ekiragiro kyabu. 33Abomu Zeburuni, abasoboire okuramaga omu ihe, abamanyire okusimba enka’ra ezobulemu, nebintu byona ebyokurwanisa, basaija bukumi bitano; abamanyire okusimba enka’ra, kunu tibanyina emitima eyobugobya. 34Nabomu Nafutali engabwa rukumi, kandi hamu nabo bukumi busatu mukasanju abakaba banyina engabo namacumu. 35Nabomu Badani abamanyire okusimba enka’ra, bukumi bubiri mu kanana mu nkaga. 36Nabomu Asere, abo abasoboire okuramaga omu ihe, abamanyire okusimba enka’ra bukumi buna. 37Kandi nseri ya Yorudani, abomu Bareubeni, Nabagadi, nekicweka ekyoruganda rwa manase, nebintu byona ebyokurwanisa ebyokulemu, kasirira mu bukumi bubiri. 38Abo bona, abasaija bokurwana, abamanyire okusimba enka’ra bakaija Heburoni nomutima oguhikirire, bafole Daudi omukama okulema Isareri yona: Neba Isareri bona abasangireho bakaba banyina omutima gumu okufora Daudi omukama. 39Kandi bakaikarayo hamu na Daudi ebiro bisatu, nibalya nibanywa: baitu bene babu bakaba babatekanirize. 40Kandi abo abakaba babali haihi, nokuhikya Isakara na Zeburuni na Nafutali, bakaleta ebyokulya ha nkaina, na ha ngamira, na ha nyumbu, na ha mimi, ebyokulya ebyensano, ebitonge ebyamatini, nemigimba eyemizabibu, namarwa, namagita, nente, nentama nyingi muno: baitu hakabaho okusemererwa omu Isareri.