Swahili Bible2

11

1NUBWO aba Isareri bona bayesoroza hamu hali Daudi omu Heburoni nibagamba ngu Dora, itwe tuli igufa lyawe nenyama yawe. 2Omu biro byaira, na Saulo obwakabali omukama, niwe waturukyaga notahya Isareri: kandi MUKAMA Ruhanga wawe yakugambira ati Iwe olirisa abantu makuru okulema abantu bange Isareri. 3Nukwo abakuru bona aba Isareri baija hali omukama omu Heburoni; Daudi yaragana nabo ekiragano omu Heburoni omu maiso ga MUKAMA; kandi basesa amagita ha Daudi abe omukama wa Isareri, nkekigambo kya MUKAMA okukukaba kiri habwomukono gwa Samuiri. 4Kandi Daudi na Isareri yona bagenda Yerusalemu (niyo Yebusi); kandi Abayebusi, abantu abomu nsi, bakaba baliyo. 5Kandi abomu Yebusi bagambira Daudi ngu Otalitaha hanu. Baitu Daudi akanyaga orukomero rwa Zioni; nurwo rubuga rwa Daudi. 6Daudi yagamba ati Wena arabanza okutema Abayebusi nuwe araba mukuru kandi engabwa. Kandi Yoabu mutabani wa Zeruya akabanza okutemba, yafoka omukuru. 7Daudi yaikara omu rukomero; nikyo barwetera orubuga rwa Daudi. 8Kandi akombeka orubuga ha mbaju zona, okuruga Miro nokwehinguliriza: kandi Yoabu yayombeka orubuga orwasangireho. 9Daudi yayeyongera okuba omukuru; baitu MUKAMA wamahe akabali hamu nauwe. 10Lero abakuru abomu basaija bamani Daudi abakaba anyinabo, abayeyolekere bamani omu bukamabwe hamu na Isareri yona, bamufole omukama, nkek ambo kya MUKAMA okukikaba kiri ha Isareri yona mbani: 11Kandi nomuhendo gwa basaija bamani Daudi abakaba anyinabo ngunu: Yesobeamu, mutabani Womuhakimoni, omukuru wabo amakumi asatu; akaimukiza icumulye abantu bisatu, yabaita omurundi gumu. 12Kandi hanyumaye hakaba haroho Eryeza mutabani wa Dodo, Omwahohi, akabali womu abo abasaija bamani abasatu. 13Akabali hamu na Daudi Pasidamimu, kandi nuho Abafirisiti bakaba besoroize okurwana, nambere hakaba haroho omusiri gwa sayiri; abantu bairuka omu maiso Gabafirisiti. 14Bayeme’ra hagati yomusiri, bagulinda, baita Abafirisiti; MUKAMA yabajuna nokusingura kwingi. 15Kandi basatu hali abasaija abo abakuru amakumi asatu basirimukira ibale hali Daudi, ha buingira bwa Aduramu; ihe Lyabafirisiti bakaba batemere orukande omu kihanga kya Refaimu. 16Daudi akabali omu rukomero, orukande Rwabafirisiti rukaba ruli omu Beterehemu. 17Daudi yayegomba nagamba ati Kakuba omuntu ampaire amaizi agokunywa agomu iziba lya Beterehemu, eriri haihi nirembo! 18Abasatu abo bahangura omu ihe Lyabafirisiti, baiha amaizi omu iziba lya Beterehemu, erikaba liri ha irembo, bagatwara bagaleta hali Daudi: baitu Daudi yayanga okuganywaho, baitu yaga 19sesera MUKAMA, nagamba ati Ruhanga wange antange eki, nyowe okukora kinu: nyowe nywe esagama yabasaija banu abarugire omu bwomezi bwabu? Baitu bagalesere nibaruga omu bwomezi bwabu. Nikyo ya angira okuganywa. Nibyo ebi abasaija bamani abasatu ebibakozire. 20Kandi Abisai, mugenzi wa Yoabu, nuwe akabali omukuru wabasatu: baitu akaimukiza icumulye abantu bikumi bisatu yabaita, yatunga ibara 21hamu nabasatu. Omu basatu abo akakira obukuru bali ababiri, yaforwa engabwa yabu: baitu atahike hali abasatu abokubanza. 22Banya mutabani wa Yohoyada, mutabani womusaija wobumanzi owa Kabuzyeri, ayakozire ebyobumanzi, akaita batabani babiri aba Aryeri owa Moabu: kandi akasirimuka omu kina naitira entale omu omukasumi kebirika. 23Yaita Nomumisiri, omuntu omuhango muno, okuraihakwe mikono etano; kandi omu ngaro Zomumisiri hakaba harumu icumu nkomusirimukira anyina omuigo, yasahura icumu omu mukono Gwomumisiri, yamuita nicumulye wenka. 24Nibyo Benaya mutabani wa Yehoyada yakozire, yatunga ibara hamu nabasaija bamani abasatu. 25Dora, akakira obukuru amakumi asatu, baitu atahike hali abasatu abokubanza: Daudi yamufora omukuru wabadumabe. 26Kandi nabasaija bamani abomu ihe; Asaheri mugenzi wa Yoabu, Erihanani mutabani wa 27Dodo owa Beterehemu; Samosi Omuharoriti, Herezi Omuperoni; 28Ira mutabani wa Ikesi Omutekoa, Abyezere Omwanatosi; 29Sibekai Omuhusasi, Irai 30Omwahihi; Maharai Omunetofasi, Heredi mutabani wa 31Baana Omunetofasi; Isai mutabani wa Ribai, owa Gibeha, owomu bana ba Benyamini, 32Benaya Omupirasoni; Hurai owobwambu bwa Gaasi, Abyeri 33Omwarabasi; Azimavesi Omubaharumi, Eryahaba Omusaaliboni; 34batabani ba Hasemu Omugizoni, Yonasani mutabani 35wa Sage Omuharari; Ahyamu mutabani wa Saka Omuharali, 36Erifali mutabani wa Ura; Hefere Omumekerasi, Ahiya Omu 37peroni; Hezero Omukarameri, 38Naarai mutabani wa Ezibai; Yoweri mugenzi wa Nasani, Mibu 39ha mutabani wa Hagiri; Zereki Omwamoni, Naharai Omubeerosi, ayakwataga ebyokurwanisa bya Yoabu mutabani wa Zeruya; 40Ira Omuitiri, Galebu 41Omuitiri; Uliya Omuhiti, Za 42badi mutabani wa Aharai; Adina mutabani wa Siza Omureubeni, omukuru Wabareubeni, namakumi asatu hamu nauwe; 43Hanani mutabani wa MAAKA, NA 44Yosafati Omumisini; Uziya Omuwasiterasi, Sama na Yeyeri batabani na Hosamu Omwaroere; 45Yedyayeri mutabani wa Simiri, na Yoha mugenziwe, 46Omutizi; Eryeri Omumahavi, na Yeribai, na YOSAVIYA, BATABANI BA Erinaamu, na Ituma 47Omumoabu; Eryeri na Obedi na Yaasyeri Omumezoba.