Swahili Bible2

10

1KANDI Abafirisit bakarwana Isareri: abasaija ba Isareri bairuka omu maiso Gabafirisiti, bagwa baisirwe omu rusozi Giriboa. 2Abafirisiti bakakuratira haihi Saulo na batabanibe; Abafirisiti baita Yonasani, na Abinadabu, na Maliki- suha, batabani ba Saulo. 3Kandi obulemu bwamuloho kubi Saulo, abarasi bobuta bamuhika haihi; yatuntuzibwa abarasi bobuta. 4Nubwo Saulo yagambire ogu ayakwasire ebyokurwanisabye ati Somora busitama yawe, oncumite nayo; abasaija abo abatasazirwe baleke okuija nokunswaza. Baitu ayakwasire ebyokurwanisabye yayanga; baitu akatina muno. Nikyo Saulo yakwatire busitamaye, yagigwaho. 5Kandi ayakwasire ebyokurwanisabye obuyaboine Saulo afire, nauwe yagwa ha busitamaye, yafa. 6Nukwo Saulo yafire ati, na batabanibe bonsatu; na bona abenjuye bakafera hamu. 7Kandi abasaija bona ba Isareri abakaba bali omu kihanga, obubababoine nibairuka, kandi Saulo na batabanibe bafire, basiga embuga Zabu, bairuka; Abafirisiti baija baziikaramu. 8Kandi kikahika obubwakire nyenkya, Abafirisiti obubaizire okujujura abafu, basanga Saulo na batabanibe bagwire omu rusozi Giriboa. 9Bamujujura, batwara omutwegwe, nebyokurwanisabye, batuma omu nsi Yabafirisiti eyhe’raine okutwara amakuru hali ebisisani byabu, kandi hali hali abantu. 10Bata ebyokurwanisabye omu nju yabacwezi babu, bagumya omutwegwe omu nju ya Dagon. 11Kandi aba Yabesi-gireadi bona obubahulire byona Abafirisiti 12ebibakozire Saulo, abasaija bona abobumanzi baimuka, baihaho omutumbi gwa Saulo, nemitumbi ya batabanibe, bagireta Yabosi, bazika amagufa gabu hansi yomuhomozi omu Yabesi, basiba ebiro musanju. 13Nukwo Saulo yafa habwekibikye ekiyasisire MUKAMA, habwekigambo kya MUKAMA ekyataralinzire; kandi habwokukaguliriza omuntu arukubandwa emizimu, 14okumuraguza, Kunu atakaguze hali MUKAMA: nikyo yamuitire, yahindura obukama hali Daudi mutabani wa Yese.