EKITABO KYA
ZEKARIA
ENHANDHULA
Ekitabo kya Zekaria kisoboka okwawulwamu ebitundu ebikulu bibiri:
Ekitundu ekisooka kirimu Enkenga 1—8, era kigema ku ebyo omulanzi Zekaria bye yalanga mu biseera eby’endhawulo, okuva mu mwaka ogwebikumi ebitaanu n’abiri (520) okutuuka mu gwebikumi ebitaanu n’eikumi n’omunaana (518) nga Kurisito akaali kwidha.Kurisito ng’akaali kwidha: Mu biseera ebyaligho nga Kurisito akaali kwidha, ebyasa baabibalanga nga baira inhuma, emyaka gyaja nga gikendeera. Ate bwe yamala okwidha, baatoolera okubibala nga baja emberi, emyaka gyaja nga gyeyongera obungi ng’oti ni bwetukola mperaano. Ebyo okusinga biri mu ngeri ya kubonekerwa, era nga bigema: ku kwiza ekibuga Yerusalemu obuyaaka, okwiramu okuzimba eisinzizo, n’okutukuza abantu ba Katonda. Era byagema ni ku biseera eby’Omulokozi ebyali biri kwidha.
Ekitundu ekyokubiri kirimu Enkenga 9—14, era kirimu obukwenda obugema ku Mulokozi abantu ye baasuubira nga wa kwidha, n’obugema ku kusala omusango okusembayo.
Ebirimu nga bwe biiraganwaku
Obukwenda obulabula n’obugha eisuubi 1:1—8:23
Katonda asalira amaghanga agaliiraine Isiraeli omusango 9:1-8
Emiraala n’ebirungi ebiriidha 9:9—14:21