9
Musengwa Katonda asalira amaghanga ag’oku muliiraano omusango
19:1: Isa 17:1-3; Yer 49:23-27; Amo 1:3-5 9:1-4: Isa 23:1-18; Ezek 26:1—28:26; Yoe 3:4-8; Amo 1:9-10; Mat 11:21-22; Luk 10:13-14 Buno n’obukwenda bwa Musengwa Katonda:
Musengwa Katonda asazeegho okubonereza ensi Haduraki n’ekibuga ky’e Damasiko. Era ekibuga kya Siria ekikulu kya Musengwa Katonda oyo, n’ebika byonabyona eby’omu Isiraeli byona bibye. 2Hamathi ekigabana ensalosalo ni Haduraki kya Musengwa Katonda oyo, ni Tiro ni Sidoni ebirimu abantu abagezi einho byona bibye. 3Tiro kyamala okwezimbaku ekimante ekigumu okukyezungulula, kyabunga feeza omungi ng’oti nkungu, ni zaabu omungi ng’oti bityanka bya mu nguudo. 4Aye bona eno, Musengwa Katonda alikitoolaku ebintu byakyo byonabyona, yaawoloba obukombe bwakyo mu nhandha. Era omuliro gulyokya ekibuga ekyo gwakisaaniagho.
59:5-7: Isa 14:29-31; Yer 47:1-7; Ezek 25:15-17; Yoe 3:4-8; Amo 1:6-8; Zef 2:4-7Ekibuga Ashikeloni kiribona ebyo, kyatya. Gaza kiritengera olw’obulumi, ni Ekuroni kyona kyalumwa okubona ng’eisuubi lyakyo liwoiregho. Gaza kirifiirwa kyabazinga waakyo, ni Ashikeloni kyasigala agho kityo nga kiziramu bantu. 6Mu Ashidodi mulibaamu abantu ab’omusaayi omutabike. Era Musengwa Katonda akoba ati: “Ndireetera Abafilisiti abo abeetwala okuba aba ghaigulu, okwewombeeka. 7Ndibalekeza okuliira omusaayi mu mamba, n’okulya ebintu ebindi byonabyona ebyenhinhalwa. Abaliwonagho boona balitwalibwa ng’abantu bange, baaba ng’oti n’ekindi ku bika kya Yuda. Abantu ab’e Ekuroni boona balifuuka bantu bange, ng’Abayebusi9:7: Abayebusi: Abo n’abantu abaayagaanibwa mu Yerusalemu nga batyamye baamu, abaamala ni bagondera kyabazinga Daudi ng’aghangwire ekibuga ekyo. bwe baafuuka. 8Olwo ndibanga mu nsi yange eyo ng’omukuumi waayo, ndobere abazigu okugibitamu. Tija kuganha mufuzi mubi kabiri kutuntuza bantu bange, kuba mpegaano nze mwene mboine n’amaiso gange, abantu bange nga bwe badaazibwadaazibwa.
Kyabazinga aja okubaagho ye bwidha eyo
99:9: Mat 21:5; Yoa 12:15 Musagambe, musagambe imwe abantu b’e Sioni!
Mukube emizira imwe abantu b’e Yerusalemu!
Mubone, Kyabazinga waimwe ali kwidha ye muli.
Ali kwidhira mu kitiibwa n’obughanguzi.
Muwombeefu era ali kwidhira ku ndogoyi;
atyaime ku ndogoyi ento.”
109:10: Zab 72:8 Musengwa Katonda akoba ati:
“Nditoola mu Isiraeli ebigaali eby’omu lutalo,
naatoola ni mu Yerusalemu embalaasi.
Obulaso obukozesebwa mu lutalo bulizikirizibwa.
Kyabazinga oyo alireetagho emiraala mu maghanga.
Alifuga ekiketezo ekiva ku nhandha okutuuka ku nhandha,
n’okuva ku mwiga Eufurate okutuusa ensi y’ekanga.”
Okwizaagho abantu ba Katonda
119:11: Kuv 24:8 Musengwa Katonda akoba ati:
“Olw’endagaano ye nakola n’imwe,
n’eteebwaku n’akamanhiso ak’omusaayi ogw’ensolo edh’emisengo,
ndirekula abantu baimwe baaba ba idembe,
naabatoola mu biina ebitaalingamu maadhi, mwe baabasibiranga nga bali
mu bunhage.
12Imwe abali mu bunhage, mwire mu kifo kyaimwe eky’okwewogomamu.
Mwire kuba mpegaano muli n’eisuubi.
Olwaleero ndi kubakakasa nti ebyaimwe byonabyona ebyayonoonebwa mu kudaazibwadaazibwa
kwaimwe,
ndibibairizaagho naasinzaagho emikuzi ebiri.
13Ndikozesa Buyudaaya ng’oti kalaso ka mulwani,
era naakozesa Isiraeli ng’oti n’obusaale bwaku.
Ndikozesa ab’e Sioni ng’oti mpiima,
naalwanisa Abagureki.”
14Agho Musengwa Katonda alibonekera ghaigulu gh’abantu be,
era yaalasa obusaale bwe bwaja ng’oti kumyansa kwa lukuba.
Musengwa Katonda oyo alifuuwa eigwala,
memale yaakumbira mu mpewo eyeezungulula n’amaani, eva ku luuyi
olw’omukono omusaadha olw’e buvandhuba.
15Musengwa Katonda oyo Afuga Amagye alikuumanga abantu be,
yaabaleetera okuzikiriza abazigu baibwe, baabatyankirira.
Balitamiira okuyugha omusaayi gw’abazigu, baaba ng’oti n’abatamiire omwenge.
Era omusaayi ogwo guliba mungi ng’oti n’ogw’emisengo,
gwe bayugha n’ekibya ku alutaari ni gutoonherera ku nsonda dhaayo.
16Ku lunaku olwo, Musengwa Katonda wa Isiraeli aliwonia abantu be abo,
ng’oti n’omwayi bw’awonia ebyayo bye obutatuukibwaku kabi.
Balimesunkanira mu nsi ye
ng’oti n’amabaale ag’omughendo bwe gamesunkanira ku ngule.
17Bwenebwene ensi eriba nungi era ng’esikiriza!
Abalenzi n’abaghala tibalibulirirwa ngaano ya kulya,
waire okubulirirwa omwenge ogw’emizabbibu ogw’okunhwa, basobole okuba obukalamu.