4
Okubonekerwa ekikondo eky’entaala
1Agho malaika eyali ali kwogeranga ninze yaidha kabiri, yanzuusa ng’oti mbairenga ntendwike. 2Yambuuza ati: “Kiki ky’oli kubona?”
Naamwiramu nti: “Ndi kubona ekikondo eky’entaala ekyakolebwa mu zaabu, nga ku ngulu kwakyo kuliku akadoome akabaamu amafuta. Ku kikondo ekyo kuliku entaala musanvu, nga buli ntaala eriku entambi musanvu musanvu. 34:3: Kwol 11:4 Era nga ku mbali kw’ekikondo ekyo kuliku emiti emyoliva ebiri, ogundi ku luuyi olw’omukono omusaadha n’ogundi ku luuyi olw’omugooda.” 4Agho naabuuza malaika eyali ali kwogeranga ninze nti: “Musengwa Katonda wange, ebyo bitegeeza ki?”
5Malaika yambuuza ati: “Toidhi ebyo kye bitegeeza?”
Naamwiramu nti: “Musengwa Katonda wange, tiidhi.”
Katonda asuubiza Zerubbabeli obughanguzi
6Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow’obuyinza, aye lwa Musengwa Katonda Afuga Amagye okukugha omwoyo gwe. 7Ebizibu ebiri ng’oti nsozi ndeeyiriri birivaagho ghaaba ng’oti museetwe. Oliiramu okuzimba obuyaaka eisinzizo, era bw’oliba otaaku eibaale erisembayo, abantu balyasiikana bati, ‘Liboneka bulungi, obulungi bwenebwene!’ ”
8Era Musengwa Katonda yaayogera ninze, yankoba ati: 9“Zerubbabeli atairegho omusingi ogw’eisinzizo lino, era mwene oyo n’aidha okumaliriza okulizimba. Olwo abantu bange balimanha nga nze Musengwa Katonda Afuga Amagye, ninze eyakutuma ye bali. 104:10b: Kwol 5:6Abo boonaboona ababaire bawoiremu amaani olw’okubona ng’ebintu biri kuja kasoobo, baja kusangaala nga baboine Zerubbabeli bw’ali kuja mu maiso n’okuzimba eisinzizo.”
10b4:10b-14: Mu Baibuli edhindi, obunhiriri obwo babutoola ghano ghe buli baabwizaayo einhuma ku kanhiriri 5, olw’okusobozesa amakulu okutegeerekeka obukalamu. Malaika era yankoba ati: “Entaala omusanvu dh’oboine, ago n’amaiso ga Musengwa Katonda agabona woonawoona ku nsi.”
114:11: Kwol 11:4 Agho naamubuuza nti: “Ate emiti emyoliva ebiri egiri ku mbali kw’ekikondo ekyo, ogundi ku luuyi olw’omukono omusaadha n’ogundi ku luuyi olw’omugooda, gitegeeza ki?” 12Era naamubuuza nti: “Ensaga eibiri edh’omuti omwoliva edhiri ku mbali okw’emikonda ebiri egya zaabu egikozesebwa okwitulula amafuta ag’entaala, dhitegeeza ki?”
13Malaika yambuuza ati: “Toidhi ebyo kye bitegeeza?”
Naamwiramu nti: “Musengwa Katonda wange, tiidhi.”
14Agho yankobera ati: “Abo n’abantu ababiri Musengwa Katonda ow’ensi yoonayoona be yalonda, era yaabasiiga omuzigo bamugheerezenga.”