16
1Kale kyali nga kigwaine abantu abo babonerezebwe ebitonde ng’oti n’ebyo, bibadaazedaaze nga biri kamaala inho.
2Aye iwe Musengwa, mu kifo eky’okubonereza abantu bo otyo, wabooleka ekisa. Wabagheereza obunhonhi obuli ng’oti bukologo, baalya emere enungi, waabaigusa waabawonia endhala.16:2: Kuv 16:11-13; Kub 11:31-32 3Wakola ebyo byonabyona okulemesa bale abasinza ebitali Katonda okulya, ni bwe baali ng’endhala eri kubaluma, kuba wabasindikira ebitonde ebyenhinhalwa. Aye ate abantu bo endhala yabalumaku bwa kaseera katono, baamala baalya emere ewooma einho. 4Bwenebwene abo abaatuntuzanga abantu bo ekyo n’ekyabagwanira, babe mu bwetaavu aye nga ghazira abadhuna. Olwo abantu bo babone abazigu baibwe nga bwe bali kudaazibwadaazibwa.
5Emisota egitiisa einho emikambwe bwe gyalumba abantu bo ni gitoolera okubaita n’obusagwa bwagyo, tiwasigala ng’okaabasungughaliire kumala kiseera kireeyi, kuleka bantu bo abo kuzikirira kuwaagho.16:5-7: Kub 21:6-9 6Ekizibu ekyo kyaligho kaseera katono lwa kubalabula bulabule. Waamala waabagha ekifaananie eky’omusota ekyakolebwa mu kyuma eky’ekikomo ng’akamanhiso ak’okubawonia, okubaidhusanga Amateeka go bye galagira. 7Omuntu bwe yalinganga ku kifaananie eky’omusota ekyo, ng’avumulwa omusota ogwalinga gumulumye. Ekyo kye yabonanga tineekyamuvumulanga, aye iwe mwene omulokozi ow’abantu boonaboona. 8Mu kukola ekyo, wakakasa n’abazigu baife oti niiwe otoola abantu mu buli kabi koonakoona. 9Enzige n’ensowera byaluma abazigu baife baafa, ghaaloba kufunikagho ngeri ya kubawonia; kuba kyabagwanira okubonerezebwa ebitonde ng’oti n’ebyo. 10Aye n’emisota egy’obusagwa egyo tigyamala mu bantu bo isuubi, kuba wabasaasira waabayamba, waabavumula. 11Gyabalumanga basobole okwidhukira ebiragiro byo, aye iwe waabavumulanga mangu geene, olw’obutenda kubaleka kukwerabirira irala na kwesubya kisa kyo. 12Wo Musengwa, tibaawona lwa kuba baanoga bulezi baanhwa oba baakozesa obw’okusiigagho. Aye baawona lwa kibono kyo ekiwonia abantu boonaboona. 13Niiwe oli n’obuyinza ku bulamu ni ku kufa. Osobola okutuusa omuntu ku mugo ogw’amagombe, kabiri waamwiza yaaba mulamu. 14Omukozi w’ebibi asobola okwita omuntu, aye tasobola kwiriza mufu oyo bulamu waire okutoola omwoyo gw’omufu oyo e magombe.
Kiwunga namuzisa eyakuba ensi Misiri
15Ghazira muntu asobola kulumuka buyinza bwo. 16Abantu abaaloba okukumanha era ni batakutya, iwe Katonda wababonereza n’obuyinza bwo obutaloodheka. Kiwunga ow’amaani einho yaabaidhira, yaabakuba ng’alimu amaadhi n’omugozi. N’omuliro gwaidha gwabazikiriza okubamaliriragho. 17Ekyasinga kwewuunhisa n’okuba ng’omuliro gwasinga kwakira mu maadhi, ate nga n’agatera okukozesebwa okuguzikiza. Ekyo kyali kityo lwa kuba amaani ag’obutonde goonagoona galwanirira bantu bakola bituufu. 18Ekiseera kyatuuka enimi edh’omuliro dhaazima, dhirobe kuzikiriza bitonde bire ebyasindikibwa okubonereza abatatya Katonda. Olwo abantu abo basobole okukitegeera nti baali bali kubonerezebwa olw’omusango gwe wabasalira. 19Aye ate olundi, omuliro gwayakira mu maadhi n’obukambwe obungi einho okuwula omuliro ogwabuliidho bwe gwaka. Era gwazikiriza ebisimbe ku nsi y’abantu abo abatakola bituufu.
Abaisiraeli bafuna mannu okulya
20Aye ebyo tibyatuuka ku bantu bo. Mu kifo ky’ebyo iwe wagha abantu bo emere ya bamalaika. Wabagheereza emigaati okuva mu igulu nga mifumbire irala, kulya bulye. Emere eyo ye wabagheereza yaasanhusa buli muntu, ng’empooma omuntu oyo ye yayenda bwe yali.16:20-29: Kuv 16:1-36 21Ekyo kyayoleka nga bw’ofaayo einho ku baana bo b’ogonza. Emere eyo yaigusa buli muntu eyagiryaku ng’omuntu oyo bweyeetaaganga, era yaaja ng’etuukana na buli kuwoomerwa kwa buli muntu. 22Emere eyo yandibaire esaanuuka yaawaagho ng’oti mugozi mu mbeera eyabuliidho, aye ku olwo tiyasaanuuka ni mu muliro. Ekyo kyali kityo olw’okwegeresa abantu bo nti omuliro gwene ogwo ogwazikiriza ebisimbe eby’abazigu baibwe ng’amaadhi amangi n’omugozi biri kufukumuka, 23n’ogwagemerera amaani gaagwo, abantu bo abakola ebituufu basobole okufuna emere ey’okulya.
24Ebitonde byonabyona bikuwulira iwe owabitonda, era bikozesa amaani gaabyo okubonereza abantu abatakola bituufu. Aye bisala ku maani gaabyo, byaba n’ekisa eri abo abakwesiga. 25Ebitonde kyebyava biba eby’ensambo kamaala okwoleka nti iwe tiweesuniriza bw’oba oli kugabira abo abakusaba.16:25 abakusaba oba abali mu bwetaavu. 26Wo Musengwa, ebyo byabaagho olwo abantu be wagonza beege nti tibabaagho lwa mere ye balima, aye nti ekibono kyo n’ekibeesaagho abo abakwesiga. 27Emere etaazikirizibwa muliro, yasaanuusibwa olwota obwota oluva ku ndhuba eyaakavaayo. 28Ekyo kyali kya kutwegeresa nti tuli n’okuzuukanga nga bukaali kusansaana tukwebaze, era tukusinze ng’endhuba eri kuvaayo. 29Aye eisuubi ery’omuntu atasiima lirisaanuuka ng’oti lufu, era lyakuuluula bukuuluule lyaja ng’oti n’amaadhi agatakozesebwa.