48
Eliya
148:1-11: 1 Bakyab 17:1-24; 18:38; 19:15-16; 2 Bakyab 1:10-16; 2:11; Mal 4:5-6 Agho ghaidhagho Eliya omulanzi nga musu ng’oti muliro, n’ebibono bye nga biriku n’obusambuka ng’oti kisiki kya muliro. 2Yaayetesa endhala yaidha yaaluma abantu, era olw’okwekalangula einho abantu kamaala baafa. 3Yayogera mu liina lya Musengwa yaalobera amaadhi okugwa, era emikuzi esatu yaayetesa omuliro okuva mu igulu gwamagalika ku nsi. 4Eliya, bwenebwene ebyewuunhio bye wakola by’oleka nga bw’oli ow’ekitiibwa! Naani owundi agwaniire okwesuuta ati yakolaku ebintu ng’oti n’ebyo? 5Mu liina ly’oyo Ali Ghaigulu Yeene wazuukiza omufu yaava mu magombe. 6Waleetera bakyabazinga n’abantu abamanhifu einho okulwala n’okufa. 7Bwe wali ku lusozi Sinai 48:7: Sinai: Olusozi olwo ku mikuzi egindi balweta Horebu. wawulira okunenia okwava ye Musengwa, era ku lusozi Horebu olwo waawulira nga bwe yali amaliriire okubonereza abazigu be. 8Wafuka omuzigo ku bakyabazinga abaali ab’okutuukiriza ekibonerezo ekyo, era waagufuka ni ku mulamuzi eyali ow’okwira mu kifo kyo. 9Empewo ey’omuliro eyeezungulula n’amaani yakutwala mu igulu, ng’oli mu kigaali eky’omu lutalo ekisikibwa embalaasi edh’omuliro. 10Ebyaghandiikibwa bikoba biti oli mwetegefu okwidha mu kiseera ekituufu Musengwa kye yategeka, okughegheeza obusungu bwa Katonda nga bukaali kutumbuka ng’oti muliro. Era bikoba biti olireetera abazaire b’abaana okwisania n’abaana baibwe, era waizaagho ebika bya Isiraeli. 11Ba nkabi abo abalibaagho ni bakubona, era ba nkabi abo abaafa nga bakugonza. N’ife twena twidha kuba balamu.
Elisha
1248:12: 2 Bakyab 2:9, 13 Empewo eyeezungulula n’amaani bwe yabuzaagho Eliya, omwoyo gwe gwaidhuzibwa ku Elisha. Ekiseera kyonakyona Elisha kye yali ku nsi tiyatengeeteraku mufuzi yeenayeena, era nga ghazira amulagira kukola kintu kyonakyona nga bw’ayenda. 1348:13: 2 Bakyab 13:20-21 Ghazira kintu kyonakyona kyaliku kikalangafu y’ali okukikola. Ni bwe yali afiire omulambo gwe gwakola ebyewuunhisa eby’obulanzi. 14Nga mulamu yakola ebyewuunhisa, ni bwe yali nga mufu ebikolwa bye nga byewuninkiriza.
1548:15: 2 Bakyab 18:11-12 Aye waire ebyo byali bityo, abantu tibaava ku kukola bibi okutuusa lwe baatoolebwa mu nsi yaibwe ni batwalibwa ng’abanhage, era ni basansaanizibwa mu nsi yoonayoona. Abantu baali batono inho abaasigalayo mu nsi yaibwe, aye era nga bafugibwa bantu abasimuka mu Daudi. 16Abandi ku abo nga bakola ebisiimya Katonda, aye ng’abandi beeyongera kukola bwa bibi.
Hezekia
1748:17: 2 Bakyab 20:20 Kyabazinga Hezekia yazimba ekimante ekigumu okwezunguluza ekibuga Yerusalemu olw’okulobera abazigu okukigema, era yaakitaamu ebifo ebibaamu amaadhi ag’okukozesa. Yaasimya omweta ogw’amaadhi mu lubaale olubbalangufu n’ekyuma ekigumu einho, yaazimba ebidiba mwe gaba. 1848:18: 2 Bakyab 18:13-17 Era mu biseera Hezekia oyo bye yafugiramu, Sennakeribu kyabazinga w’e Assiria yaategeka okulumba ekibuga Yerusalemu. Yaasindika omukungu we okuva e Lakishi, yaidha okukirumba nga bwe yeesuutiriza. 19Abantu baawaamu amaani baadhugumira olw’okutya, era baabeera irala mu bulumi ng’oti n’omukazi ali kulumwa okuzaala. 2048:20-21: 2 Bakyab 19:15-20, 35 Aye baayandhululiza emikono eri Musengwa omusaasizi nga bamusaba. Era oyo Omutukuvu yaabairamu mangu ng’ali mu igulu, yaabagheereza Isaia okubawonia. 21Musengwa yaakuba ekifo Abassiria ghe baasimba weema dhaibwe yaabaita, malaika we yaabeeyeragho irala. 22Ebyo byali bityo kuba Hezekia yakola ebyasiimya Musengwa, ng’ajiira ku nkola ya dhaadha we Daudi aghazira kugivaaku naire. Isaia omulanzi omukologho eyeesigibwa mu bye yabonekerwanga, n’eyamulagira okukola atyo. 2348:23: 2 Bakyab 20:10-11 Mu biseera bya Isaia oyo ghaligho endhuba lwe yairaku einhuma, yaaleetera kyabazinga okweyongera okughangaala. 24Yagumya abaali mu Yerusalemu nga balira, mu mwoyo gwe ogw’amaani yaabona ebiribaagho ye bwidha eyo. 25Yalanga ebiribaagho ng’enkomerero ekaali kutuuka, ebintu ebyali bikwekeibwa nga bikaali kubaagho.