46
Yoshua
146:1-6: Yosh 1:1—11:23 Yoshua46:1: Yoshua: Eriina eryo mu Luheburayi litegeeza “Musengwa alokola”. mutabane wa Nuni, yali mulwani wa ntalo aziramu ntete, era n’eyali omulanzi eyairirira Musa. Ng’eriina lye bwe likoba, Yoshua oyo yalokola abantu ba Katonda abalonde, ng’aghangula abazigu baibwe abaabalumbanga. Olwo Abaisiraeli baasobola okufuna ensi yaibwe ey’ensikirano. 2Ye nga yajiiranga mu bitiibwa ng’agemye empiima ye okuja n’eigye lye okulumba ebibuga eby’abazigu! 3Yali tebangayooku mulwani wa maani nga Yoshua, kuba entalo dhe yalwananga nga dha Musengwa mwene. 4Ghaligho ni lwe yayemerezaaku endhuba okutambula, olwandibaire olunaku olulala dhaabaamu ibiri. 5Abazigu be lwe baamuzingiza nga bamuva ku ndhuyi dhoonadhoona, yasaba Katonda ow’Amaani Ali Ghaigulu Yeene. 6Era Musengwa oyo omukologho yaamwiramu ng’asindika amabaale ag’omugozi ag’amaani. Gaakuba abazigu nga bali kuserengeta e Bethi Horoni gaabazikiriza. Olwo amaghanga gasobole okumanha Yoshua nga bw’ali ow’amaani, kuba yalwaniranga ku luuyi lwa Katonda ow’Amaani.
Kalebu
746:7-10: Kub 14:6-10; 11:21; Yosh 14:6-11 Mu biseera bya Musa, Yoshua yayoleka nga bwe yali omwesigwa einho ni Kalebu mutabane wa Yefunne, bombi bwe baalekeza abantu abaali bali kwemuluguunhia ebiziramu, ni babawonia okugwa mu kibi. 8Era ababiri abo ku bantu emitwalo enkaaga (600,000) abaabita mu irungu, ni bonka Musengwa be yalekagho ni batuuka mu nsi eyabagheebwa, engimu era erimu ebirungi kamaala. 9Musengwa yaagha Kalebu amaani, ni bwe yali akairiighe yaasigala nga wa maani era yaaja yaanhaga ekiketezo eky’oku nsozi, kyaba kikye n’abaana be n’abaidhukulu ng’obusika bwaibwe. 10Ekyo kyaligho okwoleka Abaisiraeli boonaboona nga bwekiri ekikalamu okugonderanga Musengwa.
Abalamuzi
1146:11: Balam 1:1—16:31 Ghaaligho abalamuzi, nga buli mulala mumanhifu okusinziira ku birungi bye yakola. Abalamuzi abo baaloba okusinza ebitali Katonda, waire okuva ku Musengwa oyo. 12Bagwananga baidhukirwa era bagheebwa ekitiibwa. Era bagwananga baava mu magombe baaba balamu kabiri, nga beeyolekera mu baidhukulu baibwe.
Samueli
1346:13-20: 1 Sam 3:19-20; 7:9-11; 10:1; 12:3; 16:13; 28:18-19 Samueli yali mulanzi wa Musengwa era nga mugonzi inho y’ali. Samueli oyo n’eyataagho obwakyabazinga bwa Isiraeli, era yaasiiga abo abanaafuganga abantu be omuzigo. 14Yalamulanga abantu ba Musengwa ng’ajiira ku mateeka ga Musengwa oyo. Era Musengwa yaakuuma eighanga Isiraeli. 15Olw’okuba omwesigwa, yakakasibwa okuba omulanzi omutuufu, era olw’ebyo bye yayogeranga ng’abantu bakakasa nga muboni mwenemwene. 46:15: … muboni …: Eira mu Isiraeli, omulanzi era baamwetanga Omuboni. 16Abazigu be bwe baagezaaku okumulumba nga bamuva ku ndhuyi dhoonadhoona, yasaba Musengwa oyo ow’Amaani era yaaghaayo entaama ekaayonka ng’omusengo. 17Agho Musengwa ng’ali mu igulu yaakaabuka n’amamiro ag’amaani ng’oti kutyabuka kwa lukuba. 18Era yaasaaniagho abakulembeze ab’abantu ab’e Tiro, n’abafuzi ab’abantu ab’e Filisitia. 19Samueli oyo bwe yali ali kumpi kufa, yaayeta abantu babeegho ng’akakasa mu maiso ga Musengwa ni mu ga kyabazinga wa Musengwa oyo eyasiigibwa omuzigo. Yaabakoba ati: “Ghazira kintu kya muntu kyonakyona kye neiriza, ka gube omuyimbo obuyimbo ogw’engaito.” Era ghazira muntu yamutakania. 20Ni bwe yali amaze okufa, yayogera eby’obulanzi ng’akoba ensambo kyabazinga Saulo y’alifaamu. Era Samueli oyo ng’ali eyo mu magombe, yayogera eby’obulanzi olw’okusoniyisa abantu ebibi byaibwe.