28
1Omuntu yeenayeena eyeesasuuliza ku mwine, Musengwa yeena alimwesasuulizaaku, yaamuvunaana n’ebibi bye byonabyona bye yakola. 228:2: Mat 6:14; Mar 11:25 Osonighanga mwino ng’akukoze ekibi, olwo weena oidha kusoniyibwanga ebibi ebibyo ng’osabye. 3Bwenebwene osobola otya okusuubira oti Musengwa aidha kukusonigha, aye nga iwe okyagha bwa baino waabeegemerera? 4Iwe mwene waaba ng’oli mwonooni era nga tosonigha mwonooni mwino, aye waasaba Musengwa akusonighe ebibi byo? 5Oba nga iwe omuntu obuntu osiba obusungu ku mwoyo otyo, memale naani alikuteeragho akabega akuleetere okusoniyibwa ebibi byo? 6Manha ng’okufa n’enkomerero y’obulamu bwo. Kale lekanga kuba muzigu wa muntu yeenayeena. Aye idhukiranga oti omubiri gwo gwa kuzikirira, era ogemenga ebiragiro. 7Ebiragiro ebyo n’ebiri mu ndagaano y’ole Ali Ghaigulu Yeene. Kale ebyo by’obe otengaku omwoyo, olobenga kusungughalira mwino olw’ebyo by’akola olw’obutamanha bwe.
Okutakanatakana
8Bwe weesamba okutakanatakana oba okendeeza ku bibi, kuba muntu wa busungu n’asiikuula entalo, 9era muntu mwonooni n’aleetera ab’omukwano okwawukana, buli muntu yaafuuka muzigu wa mwine. 10Enku ye dhikoma okuba enhingi, n’omuliro gwona ye gukoma okwokya einho. Entaka ye dhikoma okuba enhingi, n’okutakana kwona ye kukoma okweyongera. Abantu ye bakoma okuba n’amaani, n’obusungu bwona ye bukoma okwesera. Era ye bakoma okuba abakombe, n’ekiruyi kyona ye kikoma okweyongera. 11Okutakanatakana kukunaania obusungu, era obusungu obungi buvaamu kuyugha musaayi. 12Bw’ofuuwerera akasambuka k’omuliro akalala kati, okaleetera okugeedha. Ate bw’okafuudhaku amatanta, okaleetera okuzima. Aye nga byombi ebyo biva mu munwa gwo.
Endhogera embi
1328:13-26: Sir 51:2-6; Yak 3:5-12 Omuntu ow’olubono n’omuguya bagwaine bakolimirwe, kuba baleeteire abantu kamaala ababaire mu miraala okuzikirira. 14Okusalagania ebibono kuleeteire obulamu obw’abantu kamaala okwonooneka, baava mu maghanga gaibwe baasansaanira eyo mu gandi. Era kuzikiriiza ebibuga ebigumu, kwasansula n’amaka ag’abantu abakologho. 15Okughaama abakazi abeesigwa kubaleeteire okubabinga mu malya, kwabalesa ebintu ebyava mu maani gaibwe. 16Omuntu yeenayeena awulirisa olubono, talitereera waire okufuna emiraala. 17Okukubisa enkoba kulekagho okuzizimuka, aye olubono lumenha n’amagumba. 18Abantu abafiire olw’okwogerwaku olubono bali kamaala okuwula abafiire empiima. 19Wa nkabi oyo eyeekuuma, olubono ni lutamwolekeza busungu bwalwo, waire okumwesiba mu nkoto ng’oti kikoligo, oba okumwesiba ku magulu ng’oti ndhegere; 20kuba ekikoligo kyalwo kya kyuma kigumu inho, n’endhegere dhaalwo dha kyuma kya kikomo. 21Omala gafa waaja e magombe, otasigaire ng’okaali mulamu olubono lwene ni lukwita.
22Aye olubono tirulifuga bantu batya Musengwa, era tirulibookya muliro gwalwo. 23Lulifuga abo abava ku Musengwa. Omuliro gwalwo bwe gulibakunaanamu, tighalibaagho aguzikiza. Lulibatuumiraku ng’oti mpologoma, lwabakankanula kya mpala.
24Nga bw’osimba olukomera olw’amawa okwezunguluza ebibyo, n’osiba ni kuufulu ku zaabu wo ni ku feeza wo, 25otyo bw’obe weekuumenga ni mu by’oyogera, nga kiisi kibono okipima bukalamu memale. Era ng’omunwa gwo ogutaaku olwigi ni kuufulu. 26Weekuumenga, kuba tomanha munwa gwo bwe gukuleetera kudaaliima mu ndhogera, na kugwa mu ngalo dh’abazigu bo nga bakweteeze.