24
Okusaaka amagezi
1Amagezi geesaaka, gaayolesa ekitiisa kyago mu bantu baago. 2Gaayogerera mu lwekobaano olw’ole Ali Ghaigulu Yeene ng’ali mu kitiisa kye eky’amaani.
Gaakoba gati:
3“Ninze ekibono ole Ali Ghaigulu Yeene kye yayogera,
era ninze naghemba ku nsi ng’oti lufu.
424:4: Kuv 33:9-10 Nakola amaka ghaigulu eyo mu igulu,
era ekityamo kyange eky’obwakyabazinga kiri ku kire ekiri ng’oti mpango.
5Nze zenka neezungulula ensalosalo ey’eigulu n’ensi,
naatambulira ghansi eyo mu lwina olutakoma.
6Nafuga ensi yoonayoona n’okwefuukuula okw’enhandha,
era naafuga 24:6: Nafuga … era naafuga mu bighandiiko ebindi mulimu nti Nafuna … era naafuna. amaghanga goonagoona n’abantu boonaboona.
7Eyo yoonayoona nali ndi kwagala ekifo mwe nsobola okuwuumulira,
ekifo mwe nnaakola amaka.
8Agho Omutonzi eyantonda yandagira,
oyo eyatonda ebintu byonabyona yampa ekifo eky’okubangamu.
Yaakoba ati, ‘Ja obenga mu Isiraeli,
baidhukulu ba Yakobo abo n’abaidha okubanga abantu bo’.
9Yantonda okuva eira n’eira, ng’ebyanda n’ebyanda bikaali kubaagho.
Era nja kubaagho ebyanda n’ebyanda.
10Nagheerezanga Katonda oyo mu weema ye entukuvu,
naagumba ku lusozi Sioni.
11Katonda oyo yampa ekifo agh’okubanga mu kibuga kye ekigonzi,
naafuuka mufuzi mu kibuga ekyo Yerusalemu.
12Naasimba emizi mu bantu ab’ebitiibwa,
Musengwa be yalondamu okuba ababe ku bubwe.
13Naakula naaleegha ng’oti mivule egy’e Lebanoni,
era ng’oti miti misipuressi egy’oku lusozi Herimoni.
14Naaleegha ng’oti miti minaazi egiri Engedi,24:14: egiri Engedi mu bighandiiko ebindi mulimu egiri ku mbali kw’enhandha.
naaba ng’oti bimuli bya roza eby’e Yeriko,
era ng’oti miti myoliva mu nimiro egiboneka obulungi einho.
Era naaleegha ng’oti miti mipulane.
15Nga nvaaku obuwoowo obuwunha obulungi:
ng’akeetebwa mirra akasinga bulungi,
n’akeetebwa galubano, n’akeetebwa onika, n’akeetebwa sitakite,
n’ak’obubbaani obw’omu weema entukuvu.
16Nayandhala ensaga enungi era edh’ekitiisa,
naaba ng’oti muti mukologho.
17Naaleeta amakaba amalungi ng’oti muzabbibu,
naamulisa ebimuli era naayama ebifaaganda kamaala eby’emizabbibu, ebirungi era ebigimu.
18[Ninze ensimuko y’okugonza okulungi,
n’okutya Katonda, n’okumanha, era n’okusuubira okutukuvu.
Era nga bwe ndigho ebyanda n’ebyanda,
ndi mu buli muntu ku baana bange Katonda be yalondamu.24:18: Mu bighandiiko ebindi akanhiriri ako 18 kalimu, aye mu bindi kaziramu.]
19Mwidhe ye ndi imwe mwenamwena abaanhenda,
mulye ku bibala byange mwigute.
20Okundidhukiranga kudhuudhuula inho okuwula omudheenene gw’endhuki,
n’okunfuna kwasingira irala inho ebisasala byagwo okudhuudhuula.
21Abo abandya basigala ng’endhala ekaabaluma, nga bakaayenda bwa kulya.
N’abo abaanhwa boona baasigala ng’endiwo ekaabagemye, nga bakaayenda
bwa kunhwa.
22Omuntu yeenayeena angondera taliswazibwa,
era ole ajiira ku bye mmukoba taja kukola kibi kyonakyona.”
Amagezi n’amateeka
23Ebyo byonabyona biri mu kitabo eky’endagaano ya Katonda Ali Ghaigulu Yeene. Ago n’Amateeka Musa ge yatugha gabenga ag’abantu ba Isiraeli. 24[Mubenga bagumu mu Musengwa era mubenga ghalala naye, olwo aidha kubaleetera okuba ab’amaani. Ezirayo Katonda wundi okutoolaku Musengwa Aghanga Ebintu Byonabyona. Era ezirayo mulokozi wundi okutoolaku oyo.24:24: Mu bighandiiko ebindi akanhiriri ako 24 kalimu, aye mu bindi kaziramu.] 25Amateeka ge gaidhwire amagezi agabanda n’okubanda, ng’oti n’emiiga Pishoni ni Tiguri mu kiseera eky’ebirime ebisooka okukungulwa. 26Amateeka ago era gaidhwire okutegeera ng’oti n’emiiga Eufurate ni Yorudani bwe giidhula mu kiseera eky’amakungula. 27Bye geegeresa bimesunkana ng’oti kimuliikirira, ate byakuuluula ng’oti n’omwiga Gihoni bwe gwidhula mu kiseera eky’okunoga emizabbibu.
28Ng’omuntu eyasooka okutondebwa bw’ataagamanha kugamalayo, n’omuntu alisembayo yeena atyo bw’atalisobola kugategeera goonagoona, 29kuba ebidhuubo byago bigazi inho okuwula n’enhanda. N’okugalaga kwago kuleeyi inho mu kwika ghansi okusinga n’olwina olutakoma.
30Nze ku lwange ndi ng’oti bwa mwala oguva ku mwiga, era ng’oti bwa mweta oguleeta amaadhi mu nimiro. 31Naakoba mule nti: “Ka nfukirire enimiro yange ey’ebirime.” Aye naja okubona, ng’omwala gufuuse nhandha. 32Kale kyenva kabiri ni mbeedera ghaigulu endhegeresa yange, emulise eyo yoonayoona eghala ng’oti n’endhuba eri kuvaayo. 33Ndidha kabiri kusansaania endhegeresa eyo ng’oti mulanzi, ab’ense edhiriiragho dhoonadhoona bagiganhulwemu. 34Nhenda mukimanhe nga nze tyafaabiikana lwa kwekolerera nze mwene zenka, aye lwa kuyamba abo boonaboona abanoonia okuba abagezi.