2
Obwesigwa eri Katonda
1Mwana wange, bw’oba nga weeghaireyo okugheereza Musengwa, weetegeke okulebwa. 2Kolanga n’omwoyo mulala ng’oli mumalirivu, era obenga mwikaikamu ng’oli mu biseera ebizibu. 3Gumiranga ku Musengwa obutamuvaaku naire, memale ebintu bikujiire bukalamu ku nkomerero y’obulamu bwo. 4Ganhanga ebintu byonabyona ebikwidhira, obenga muguminkiriza ni mu ebyo ebikuleetera okwisibwa ghansi; 52:5: Mag 3:5-6; 1 Pet 1:7kuba zaabu bamala kumukenenula mu muliro memale baamwekakasa, era n’abantu Katonda b’asiima boona baisibwa ghansi baalebwa nga babisibwa mu muliro. 6Weesigenga Musengwa, aidha kukuyambanga. Banga mwesimbu mu by’okola, era otenga eisuubiryo mu oyo. 7Imwe mwenamwena abatya Musengwa, mumuteegerere aidha kubooleka okusaasira. Mutamuvaaku kudaaliima, kuba tomanha bwe mugwa. 8Imwe mwenamwena abatya Musengwa mumwesige, taliroba kubagha mpeera. 9Imwe mwenamwena abatya Musengwa musuubire okufuna ebirungi, n’okusaasirwa, n’okuba mu isanhu ebyanda n’ebyanda. 10Mulowooze ku bantu ab’ense edhaaligho eira: Ghalighooku omuntu yeenayeena eyeesiga Musengwa aye n’aswazibwa obuswazibwe? Oba omuntu yeenayeena eyagumira ku kutya Musengwa, aye Musengwa oyo n’amulekulira agho? Oba okubaaghooku omuntu yeenayeena eyasaba Musengwa, aye Musengwa oyo n’atamufaaku? 11Bwenebwene Musengwa wa kisa era musaasizi. Atusonigha ebibi byaife era yaatulokola mu biseera eby’okudaazibwadaazibwa. 12Aye bakagwireku abo abati abatagumira ku kintu ni bakikola na mwoyo mulala, n’abo aboonooni abenda okukola ebintu nga bakuba eno n’ere. 13Bakagwireku abo abatya ni bawaamu n’amaani olw’obuteesiga Katonda, kuba Katonda oyo talibakuuma. 14Bakagwireku abo abatagumira ku Musengwa. Balikola batya nga Musengwa oyo aidhie okubasalira omusango?
152:15-16: Mag 6:18; Yoa 14:15, 21, 23 Abatya Musengwa tibadheemera by’alagira, era abamugonza bajiira ku by’ayenda. 16Abatya Musengwa bafuba inho okukola ebimusiimya, era abamugonza bajiira inho ku mateeka ge. 17Abatya Musengwa baba beetegefu okumugheereza ekiseera kyonakyona, era baba bawombeefu mu maiso ge, baakoba bati: 18“Ka tute obulamu bwaife mu ngalo dha Musengwa, aye ti mu ngalo dha bantu buntu; kuba y’akoma okuba omukologho, y’akoma n’okuba omusaasizi.”