17
117:1-3: Mainh 1:26-28; 2:7Musengwa yatonda abantu ng’abatoola mu itaka,
era mu itaka lyene eryo mw’amala n’abaiza kabiri.
2Yabagerera ekiseera eky’obulamu bwaibwe nga kitono,
aye yaabagha obukumu obw’okufuganga ebintu byonabyona ku nsi.
3Yabatonda mu mboneka ye yeene,
era yaabagha amaani ng’oti n’agage geene.
4Yata mu biramu byonabyona okubatyanga,
era yaabagha obukumu okufuganga ensolo n’enhonhi.
5[Musengwa yabagha engeri edh’okutegeeramu ekirigho edh’emikuzi etaanu.
Yaamala yaabongeraku n’engeri eyomukaaga ey’amagezi,
n’engeri eyomusanvu ey’okunoonereza ensonga.17:5: Mu bighandiiko ebindi akanhiriri ako 5 kalimu, aye mu bindi kaziramu.]
6Yabagha olulimi n’amaiso,
yaabagha n’amatu, n’omwoyo ogw’okulowoozanga.
717:7: Mainh 2:17Yabagha okumanha n’okutegeera,
yaabooleka endhawulo ghagati gh’ekirungi n’ekibi.
8Yabagha okutegeera ng’okukwe,
basobole okubona ekitiisa ky’ebyo bye yakola.
9[Yaabaganha beesuutirenga ebyanda n’ebyanda
mu ebyo bye yakola ebyewuunhisa.17:9: Mu bighandiiko ebindi akanhiriri ako 9 kalimu, aye mu bindi kaziramu.]
10Baidha kusaakanga eriina lye eitukuvu,
era balangirirenga nga bye yakola bwe biri ebikologho.
11Yabagha okumanha, yaabagha n’amateeka agabaleetera obulamu.
12Yakola nabo endagaano etawaagho,
yaabooleka ebiragiro bye.
13Baabona ekitiisa eky’obukulu bwe,
baawulira amamiro ge ag’obuyinza.
14Yaabakoba ati: Mwekuumenga obutakola bibi naire.
Era yaalagira buli muntu bw’ateekwa okubisa mwine.
Katonda n’omulamuzi
15Musengwa buliidho amanha ebyo abantu bye bakola, ghazira kye basobola kumugisa naire. 16[Okuva mu buto bwaibwe okutuuka ni ye buli eno, batwalirizibwa inho okukola ebibi. Omwoyo gwaibwe guli ng’oti ibaale, era kibazibughalira okugufuula omugonvu ng’ogw’abantu.17:16: Mu bighandiiko ebindi akanhiriri ako 16 kalimu, aye mu bindi kaziramu. 17Musengwa yata mu buli ighanga omufuzi alitwala. Aye Isiraeli n’eighanga erirye ku bubwe.] 18[Era oyo n’omwana we omuberi y’akuza ng’amukangaivula, n’amwoleka okugonza kwe era n’atamulekulira bw’agho.17:18: Mu bighandiiko ebindi akanhiriri ako 18 kalimu, aye mu bindi kaziramu.] 19Musengwa alingirira ebyo abantu bye bakola ekiseera kyonakyona, era byonabyona biba nga biboneekerera ng’oti musana mu maiso ge. 20Ku bibi byaibwe kuziraku waire ekirala ekimukwekeibwaku, byonabyona abiidhi bukalamu. 21[Aye Musengwa wa kisa era aidhi ebitonde bye, kyeyava n’abasaasira n’atabalekulira agho.17:21: Mu bighandiiko ebindi akanhiriri ako 21 kalimu, aye mu bindi kaziramu.]
22Omuntu bw’agabira abaavu, ekikolwa ekyo mu maiso ga Musengwa kiba kya mughendo inho ng’oti n’empeta ekozesebwa ng’akamanhiso. Era Musengwa akuuma eby’ekisa omuntu by’akola, ng’oti n’omuntu bw’alabirira emboni y’eriiso lye. 23Ku nkomerero, alisituka yeesasuuliza ku babi, yaababonereza olw’ebyo bye baakola. 24Aye abo abeenenia alibaganha baira y’ali, era yaizaamu amaani abo abali kuwaamu eisuubi.
Abantu bakubirizibwa okwenenia
2517:25-26: Yer 3:12 Ira ye Musengwa olekeyo ebibi byo. Musabe akughe obulamu obulungi okuwula bw’obairemu ng’oli mwonooni. 26Ira ye Musengwa Ali Ghaigulu Yeene okyuke ove mu bibi, okyayire irala ebyenhinhalwa. 2717:27-28: Zab 6:5; Isa 38:18; Bar 2:17-18Abantu abalamu n’abasobola okusiima Musengwa Ali Ghaigulu Yeene, aye abafu abali e magombe basobola batya okumwembera enhembo edhimusaaka? 28Abalamu abo era abali obukalamu, n’abasobola okusaaka Musengwa. Aye abafu abatakaaligho, okusiima okwaibwe eri Musengwa kwakoma ira. 29Musengwa ng’ali n’ekisa kingi inho, ekisoniyira irala abo abakyuka ni baira y’ali! 30Abantu tibasobola kuba na buli kintu, kuba ghazira muntu atalifa. 31Ghalighooku ekintu kyonakyona ekiwula endhuba okwaka? Aye ate yoona olundi ekintu kigikingiriza yaaloba kwaka. Kale abantu obuntu batwalirizibwa mangu okuyiiya okukola ebibi. 32Musengwa afuga byonabyona ebiri ku igulu. Aye abantu boonaboona bali ng’oti nkungu bukungu na ivu buvu.