12
112:1: Mat 7:6Bw’okolanga ekikolwa eky’ekisa omanhanga oyo y’oli kukikolera, olwo osobolenga okusiimibwa olw’ebirungi by’okola. 2Okoleranga omuntu atya Katonda ebirungi, kuba omuntu oyo ni bw’atalikusasula, Katonda Ali Ghaigulu Yeene alikusasula. 3Omuntu atalekayo kukola bibi azira kalungi k’alifuna, era n’ekirala n’oyo aloba okugabira abaavu. 4Ogabiranga abatya Katonda, aye aboonooni tobayambanga. 5Okoleranga abawombeefu ebirungi, aye otagabiranga abatatya Katonda. N’emere gibaimenga olobe kugibaghanga, kuba esobola okubaleetera amaani baakughangula. Olwo nga buli kirungi ky’obakolera, ofunamu ebibi bya mikuzi ebiri okuva ye bali. 6Ni Katonda mwene Ali Ghaigulu Yeene tayenda boonooni naire, era alibabonereza abatatya Katonda abo. 7Ogabiranga abantu abalungi, aye otayambanga boonooni.
8Ebintu bwe biba biri kuja bukalamu, tosobola kumanha mukagwa wo mwene naani. Aye ebizibu nga birigho, omuzigu wo takulema kumanha. 9Omuntu bw’aba ng’ebintu biri kumujiira bukalamu, abazigu be banakughala.12:9: Kityo bwekiri mu bighandiiko by’Oluheburayi. Aye mu bighandiiko by’Olugureki kiri nti, abazigu be beekoza ng’oti bakagwa be. Ate bw’aba mu buzibu, ni bakagwa be bamweyawulaku. 10Oteesiganga muzigu wo naire, kuba mubi inho ng’oti n’okutalaiga kw’ekyuma. 11Ni bwe yeewoombekanga n’akukubira amakiryaivu, omwegenderezanga era waamwekuumanga. Waabanga ng’oti n’azigula embonerwamu, ng’oidhi bukalamu oti tosobola kugitoolamu butalaivu nga togizigwire. 12Otamwereeterezangaku agho kumpi, kuba asobola okukutoolaku ekifo kyo yaakitwala. Era otamutyamyanga ku luuyi lwo olw’omukono omusaadha, kuba asobola okulwanira ekityamo kyo eky’ekitiisa akityameku, olwo waamanha nga bye nkoba bya mazima era waabiidhukira ng’oli kweidhusa n’okweidhusa. 13Naani asaasira abazaanhisa emisota bwe giba gibamoodhie, era naani asaasira abo abeeseetereza y’ensolo enkambwe? 14Kale ni mu nsambo n’endala eyo, ghazira alikusaasira ng’obise n’aboonooni, ni weeyimba nabo mu kukola ebibi byaibwe.
15Omuzigu abaaku ghalala n’iwe kaseera buseera, aye bw’oliba mu buzibu talikwiruukirira. 16Ayogera ebibono ebiwooma okuwulirisa, aye nga mu mwoyo ali kutegeka kukusuula mu kiina. Yeekoza ng’oti ali kukulirisaaku ku nnaku yo, aye ng’aidhwire zigiri era bw’afuna akaghagaanhia akwita. 17Akabi bwe kakwidhira omwagaana ng’akuteeze, yeekoza ng’oti ali kukuyamba aye nga yeetegeike kukutega y’obukongoivule ogwe. 18Akwefuulaku, yaaghangalaza omutwe, yaakuba mu ngalo, era yaakwogeraku eby’obuguya.