11
1Omwavu bw’aba n’amagezi gamweyagaza, era yaagwanira okuba aghalala n’abantu abakologho.
Otajiiranga ku mboneka
2Otasaakanga muntu lwa kuba mulungi mu mboneka, era otanhoomanga muntu lwa kuba mubi mu mboneka. 3Bw’ogerangerania endhuki ku bitonde ebindi ebiguluka, endhuki ntono inho aye omudheenene gw’ekola ghazira kigusinga kudhuudhuula. 4Oteesuutanga lwa ngoye nungi dh’ovaire,11:4: Mu Luheburayi kikoba kiti Otasekereranga muntu ali na bizibu ng’avaire bwa nkanda. oba okwegulumizanga olw’ekitiisa abantu kye bakugha. Musengwa mwene n’akola ebyewuunhisa, era abantu obuntu tibasobola kubibona. 5Bakyabazinga kamaala baatoolebwa ku bufuzi batyama ghansi ku itaka, era engule dhaibwe dhaavaazibwa abantu abatalowoozebwangaku naire nga balidhivaala. 6Abafuzi kamaala baaswazibwa ekibitiriire, n’ab’ebitiibwa kamaala baagheebwayo mu ngalo edh’abantu abandi.
Omalanga kwetegereza memale
7Osookanga kunoonereza nsonga, memale waanenianga omuntu. 8Olekanga omuntu yaamalayo by’akoba, otamwirangamu nga tomaze kuwulirisa bukalamu. 9Otatakananga ku bintu bitakugemaku, era oteeyimbanga na boonooni nga bali ni kye bali kusalagho.
10Mwana wange, otatawukanga mu bintu kamaala, kuba bwe biribitirira obungi birikuleetera okubonerezebwa. Olwo ky’oliba oli kwenda okufuna kirikulema, ng’ate tokaasobola kubireka bw’agho olumukegho. 11Ghaligho omuntu afaabiikana okukola einho nga tiyeebalira naire, aye yaasigala ng’azira kantu k’ali nako naire. 12Ate ghaabaagho owundi omwavu aziramu maani, ng’akola ebintu kasoobo, era nga yeetaaga okuyambibwa. Aye ate Musengwa yaaba musangaavu okumukolera ebirungi, yaamutoola mu mbeera embi y’alimu, 13yaamuleetera ebintu okumujiira obukalamu. Olwo abantu kamaala beewuunhia inho.
14Ebintu byonabyona ka bibe ebirungi oba ebibi, obulamu oba okufa, obukombe oba obwavu, biva ye Musengwa. 15Amagezi, okutegeera, okumanha amateeka, okugonza, n’okukola ebirungi, byonabyona biva ye Musengwa. 16Okuviira irala mu mainhama, aboonooni batambuliza obulamu bwaibwe mu nzikiiza na mu kukola nsobi. Era abo abanhumirwa okukola ebibi, mu bibi mwe balikairiyira. 17Ebitone bya Musengwa by’agha abo abamutya, bisigala nga bikaaligho. Era ebyo by’ayenda bikolebwe bituukirizibwa bukalamu. 1811:18-19: Zab 49:10; Luk 12:16-21Ghaligho omuntu akombaghala olw’okukola einho n’okwerumya, aye by’afunamu ni bino: 19Ajanga okukoba ati: “Mpegaano ka mpuumule neeyagalireku mu bintu bye nakolerera”, aye nga taidhi kiseera ky’anaamala ng’akaali kubirekera bandi.
20Weekalangulenga ku kye weeyama okukola, era otavanga ku mulimo gwo ni mu bukaire bwo. 21Oteegombanga boonooni bweghaba nga ghaligho ekirungi kye bakoze. Iwe weesigenga bwa Musengwa era weekalangulirenga ku mulimo gwo, kuba kyangu inho Musengwa okufuula omwavu n’aba omukombe mu kaseera buseera. 22Musengwa agha abo abamutya enkabi ng’ekirabo. Asobola okudhibagha mu kaseera buseera, dheeyongera okwala. 23Otafangayo inho ku kiki kye weetaaga, oba okufaayo okumanha oba nga ye bwidha ebintu birikujiira bukalamu. 24Ate otakobanga oti: “Bye ndi nabyo bimmala, kabiri eriyo akabi akalintuukaku ye bwidha?” 25Ebintu bwe biba biri kuja bukalamu, abantu beerabira ng’ebizibu biriyo. Ate ebizibu bwe biba birigho, beerabira ng’ekiseera kituuka ebintu byaja bukalamu. 26Ate nga kyangu inho Musengwa okugha omuntu empeera emujaamu olw’ebikolwa bye, ku lunaku lw’afiiraku. 27Esaawa endala ey’ebizibu ereetera omuntu okwerabira amasanhu goonagoona agaabita, era ku nkomerero y’obulamu bw’omuntu, ebyo bye yakola byolekebwa. 28Oteesiimisanga muntu ng’akaali kufa, kuba amazima amakakafu gamanhibwa ku nkomerero ye.11:28: Kityo bwekiri mu bighandiiko by’Oluheburayi. Aye mu bighandiiko by’Olugureki kiri nti alimanhibwa baana be.
Okukola emikwano n’obwegendereza
29Otakyazanga mu ndhu yo kiisi muntu y’obona, kuba bangi bali n’obukodyo kamaala bwe bakozesa okukuguyaguya. 30Ng’ekintu omuyiizi ky’ata ku mutego bwe kisendasenda ensolo okugugwaku, n’ebidhuubo by’omuntu eyeekuluntaza byona bityo bwe bikusendasenda ogwe mu kabi. Omuntu eyeekuluntaza, era aba ng’oti n’omukeesi ateegereire okubona okugwa kwo.11:30: kityo bwekiri mu bighandiiko by’Oluheburayi. Aye mu bighandiiko by’Olugureki kiri nti anoonia buli kiseera okubona obunafu bwo. 31Aba agho nga yeeteeze, yaafuusafuusa ebirungi byaba bibi, n’ebikolwa ebigwaine okusiimibwa yaabisiiga enziro. 32Akasambuka ak’omuliro akalala kati, kasobola okusambukira ku nku enhingi dhaakunaana omuliro. N’omwonooni yeena atyo bw’aba agho nga yeeteeze asobole okutemula. 33Weekuumenga abantu ng’oti n’abo abazira kye bagasa, balobe kukusiiga nziro etalikuvaaku, kuba buli kiseera bayiiya kukola bibi. 34Bw’oleeta omuntu y’otaidhi mu maka go, akuleetera okutabukatabuka n’okukyaghagana n’ab’omu maka go.