1
Okusaaka amagezi
11:1: Nsa 2:6 Amagezi goonagoona gava ye Musengwa,
era gaba ghalala naye ebyanda n’ebyanda.
2Naani asobola okubala amatondo ag’amaadhi agagwa, oba okubala omusenho
oguli ku mbali okw’enhandha?
Naani asobola okubala enaku edhiri mu byanda n’ebyanda?
3Naani asobola okupima obuleeyi
obuligho okuva ghansi okutuuka ku igulu, oba obugazi bw’ensi,
oba obuleeyi okwika ghansi mu lwina olutakoma, oba okupima amagezi ye gakoma.
4Amagezi n’agaasooka okutondebwa mu bintu byonabyona;
n’okutegeera kwaligho okuva eira n’eira.
5[Amagezi gava mu kibono kya Katonda Ali Ghaigulu Yeene.
Era gajiira ku biragiro eby’ebyanda n’ebyanda.1:5: Ebighandiiko ebindi byongerezaaku akanhiriri kano 5, aye mu bindi kaziramu.]
6Naani eyaali ayolekeibwaku ensimuko y’amagezi y’eri?
Era naani aidhi okuyiiya kwago?
7Naani eyaali ayolekeibwaku obumanhi bwago?
Naani eyaali agafunieku n’agategeera obukalamu? 1:7: Ebighandiiko ebindi byongerezaaku akanhiriri kano 7, aye mu bindi kaziramu.
8Omugezi ali mulala yenka, era n’ali n’okutiibwa einho;
ali agho atyaime ku kityamo kye eky’obwakyabazinga.
91:9: Nsa 8:22-31; Sir 24:9Musengwa mwene n’eyatonda amagezi.
Yabona omuganhulo ogugalimu,
yaata amagezi ago ku bye yakola byonabyona.
10Yaagaghaaku buli kiramu ng’ekirabo,
aye abo abamugonza yaabadoomoolera budoomoolere.
11Okutya Musengwa kuleetera omuntu okufuna ekitiibwa n’okusaakibwa.
Yaafuna eisanhu era yaavaazibwa okusagamba ng’engule.
12Okutya Musengwa kuleetera omuntu okuba omusangaavu mu mwoyo,
yaaba musanhufu ng’asagamba era yaaghangaala.
13Ku nkomerero, omuntu atya Musengwa ebintu birimujiira bukalamu,
ni ku lunaku lw’alifa Katonda alimugha enkabi.
14Mu kutya Musengwa n’omusookera amagezi.
Omuntu omwesigwa atondebwa nago mu nda ya inhina.
15Amagezi gabaire mu bantu okuva eira n’eira,
era gaidha kusigalagho nga gakeesigibwa ni mu baidhukulu.
16Mu kutya Musengwa n’omuli amagezi geenegeene amaidhuvu,
agaleetera abantu okwiguta ebibala byago bye gabagha.
17Ni gaidhuza n’endhu dhaibwe n’amaterekero gaibwe,
ebyo byonabyona emyoyo gyaibwe bye gyegomba.
18Okutya Musengwa n’ekimuli ky’amagezi
kye gamulisa okuleeta emiraala n’obulamu obulungi.
19[Musengwa yabona omuganhulo oguli mu magezi,]
yaadoomoolera abantu okumanha n’okutegeera,
olwo yaaleetera abo abafuna amagezi ni bageekalanguliraku, okweyongera okufuna ekitiibwa.
201:20: Nsa 3:16; 4:10Okutya Musengwa n’ekikolo okusibuka amagezi,
era ensaga dhaaku n’obughangaazi.
Okwefuga
21[Okwisa mu Musengwa ekitiisa kutoolagho ebibi,
era aghali okutya Musengwa, okutya okwo kubingagho obusungu.1:21: Ebighandiiko ebindi byongerezaaku akanhiriri kano 21, aye mu bindi kaziramu.]
22Ghazira kuwolereza muntu asungughala biziramu, kuba obusungu busobola okumuviiramu okuzikirira. 23Omuntu omuguminkiriza ateegerera ekiseera ekituufu, era bwe kituuka atimbuka yaasanhuka. 24Asirika okutuusa ng’ekiseera ekituufu eky’okwogera kituuse, olwo abantu baamwogeraku bukalamu olw’obwegendereza bwe.
Amagezi n’okutya Katonda
25Mu magezi mulimu endhogera kamaala edh’amagezi, aye aboonooni eky’okutya Katonda bakinhooma ng’oti n’ekyenhinhalwa. 26Bw’oba ng’oyenda okuba n’amagezi, tuukirizanga ebiragiro bya Musengwa memale agakudoomoolere. 27Bw’otya Musengwa, olwo oba mugezi era waagalagirwa. Musengwa asangaalira omuntu omwesigwa era omuwombeefu. 28Otyanga Musengwa aghazira kumudheemera naire, era waamusinzanga n’omwoyo mulala. 29Weegenderezanga by’oyogera mu bantu, olobe kweyeta ky’otali. 30Oteetwalanga kuba wa ghaigulu, kuba tomanha bw’oghanukayo kugwa ni weereetera kuswala. Musengwa aja kubwikula ebyama byo mu bantu be nga beesoloiza, ensoni dhikugeme olw’okuloba okujaayo n’ekigendererwa eky’okumusinza, aye n’ojaayo n’omwoyo ogwidhwire obuguya.