1
Okusaba kwa Azaria
1Abaisuka abasatu, Hanania, Mishaeli, ni Azaria,Akanhiriri 1 Hanania, Mishaeli, ni Azaria: Ago n’amaina ag’engulikwa geenegeene ag’abaisuka abaamala ni batuumibwa Shaduraka, Meshaki ni Abedinego. Bona Dan 1:6-7 baatoolera okutambulatambula mu nnimi edh’omuliro nga bembera Katonda enhembo era nga bamusaaka nga Musengwa waibwe.1: Dan 3:23 2Agho Azaria ng’ayemereire ghagati mu muliro ogwo, yaatoolera okusaba mu mamiro ag’amaani ati: 3“Wo Katonda wa badhaadha baife ogwaine osaakibwenga, n’eriina lyo ligwaine ligheebwenga ekitiisa ebyanda n’ebyanda. 4Oli mutuufu okutubisa nga bwe tugwaine. Byonabyona by’okola bya mazima. Enkola yo ntuufu era mu nsala yo ey’emisango tosaliriza. 5Wali mutuufu okuleeta akabi ku Yerusalemu, ekibuga kya badhaadha baife ekyo ekitukuvu. Era wali mutuufu okutusalira omusango ni gutusinga olw’ebibi byaife. 6Twakudheemera era twakuviiraku irala, twakola ebibi ebya buli nsambo ebitoogerekeka. 7Titwakola ebyo bye watulagira okukola. Ngoli twagondera amateeka go, buli kintu kyanditujiiriirenga bukalamu. 8Aye buti tugwanira omusango iwe gwe watusalira ni gutusinga, twagwanira n’ekibonerezo kye watugha. 9Watughaayo eri abazigu baife ababi, abadheemu era abaidhwire obukyayi. Waatulekulira agho tutyo mu ngalo dha kyabazinga asingayo kukola bibi mu nsi yoonayoona. 10Era mpegaano ife twenatwena abakusinza ensoni dhitugema, titusobola na kwasama kwogera.
11“Aye olw’ekitiisa eky’eriina lyo otamenhagho ndagaano yo ye wakola n’ife, waire okutulekulira agho obujiiririire. 12Otalekera agho kutusaasira. Tuukiriza bye wasuubiza Aburahamu ye wagonza einho, ni Isaaka omugheereza wo, ni Yakobo dhaadha w’abantu bo abatukuvu Abaisiraeli. 13Wasuubiza okubagha abaidhukulu kamaala inho ng’oti n’emuunienie edh’oku igulu era ng’oti musenho ogw’oku mbali okw’enhandha ogutabalika. 14Aye mperaano Musengwa, niife tusembayo okuba abatono mu maghanga goonagoona. Era woonawoona ghe tuba tunhoomebwa bunhoomebwe olw’ebibi byaife. 15Tuzira kyabazinga, era tuzira balanzi, waire abakulembeze. Tighakaaligho isinzizo mwe tusobola kuja kugheerayo ebigheebwayo ebyokebwa, emisengo, ebirabo, n’obubbaani. Ghazira na kifo kye tukugheeramu bigheebwayo, iwe otugemerwe ekisa. 16Aye twidhie y’oli ng’emyoyo gyaife gyeneniiza, n’emitima gyaife nga miwombeefu. Tukweghemba oganhe okutusiima, ng’oti se twidhie na bigheebwayo ebyokebwa, ng’entaama enume, ente enume, n’enkumi n’enkumi edh’entaama ento empiite. 17Ganha okwenenia kwaife okwo kube ng’omusengo y’oli olwaleero. Olwo tugonderenga ebiragiro byo n’omwoyo mulala, kuba ghazira muntu akwesiga aja kuviiramu bw’agho atyo. 18Buti tukusuubiza okukuwuliranga, okukusinzanga n’okukusabanga n’emyoyo gyaife gyonagyona. 19Otatuleka kuswazibwa, aye tubise bukalamu ng’otuguminkiriza era ng’otusaasira. 20Wo Musengwa, tununule ng’okola ebyewuunhisa, ogheese eriina lyo ekitiisa.
21“Abo boonaboona abatukola obubi baleetere okuswazibwa, obatooleku obuyinza bwe bali nabwo, otyankirire n’amaani ge bali nago. 22Olwo bamanhe nga iwe Musengwa, niiwe Katonda wenka era nga niiwe ow’ekitiisa mu nsi yoonayoona.”
23Ekiseera ekyo kyonakyona ng’abagheereza ba kyabazinga abaasuula abaisuka abo abasatu mu kikoomi eky’omuliro ekyo, tibali kulekeraku waire akatono kati okukirabirira. Nga bali kukyongerangamu ebintu ebiri ng’oti koolaasi, omuzigo, eisubi eikalu, n’enku enkalu. 24Omuliro gwabbeibbera, gweruupiika ghaigulu, enimi dhaagwo dhaatuuka ni mu mita edhiswika mu makumi abiri (20) okuva ku kikoomi. 25Era gwalanda, gwayokya Abababilonia abaali beemereire okumpi n’ekikoomi. 26Aye malaika wa Musengwa yaidha, yaika abaisuka bale abasatu ghe baali mu muliro. Yaasindika ere omuliro ogwali guli kubbeibbera,26: Tob 5:4 27era ghe baali ghaafuuka ng’oti n’aghali oluwewo olwinhogovu oluli kubafuuyirira. Kale omuliro gwaloba kubatuukaku, waire okubakolaku akabi koonakoona.
Olwembo olw’Abaisuka abasatu
28Agho abaisuka abo abasatu nga bali mu kikoomi eky’omuliro ekyo, baatoolera okwembera aghalala nga basaaka Katonda, bati:
29“Wo Katonda wa badhaadha baife, ogwaine osaakibwenga.
30N’eriina lyo eitukuvu lisaakibwenga
era litiibwenga ebyanda n’ebyanda.
31Ogwaine osaakibwenga mu isinzizo lyo eitukuvu omubonekera ekitiisa kyo,
era ogheebwenga ekitiisa ebyanda n’ebyanda.
32Ogwaine osaakibwenga iwe otyama ku bitonde ebiri n’amaghagha ebyetebwa bikerubi
n’olingirira ghansi ku nsi ey’abafu.
Ogwaine ogheebwenga ekitiisa ebyanda n’ebyanda.
33Ogwaine osaakibwenga ng’otyaime ku kityamo kyo eky’obwakyabazinga.
Enhembo edhikusaaka ka dhikwemberwenga ebyanda n’ebyanda.
34Ogwaine osaakibwenga ku igulu,
n’enhembo edhikusaaka dhikwemberwenga ebyanda n’ebyanda.
35Imwe ebitonde mwenamwena, musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
36Imwe ebiri ku igulu musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
37Imwe bamalaika ba Musengwa musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
38Imwe amaadhi agali ghaigulu gh’eigulu musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
39Imwe ab’obuyinza mu igulu musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
40Iwe endhuba n’iwe omwezi musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
41Imwe emuunienie edh’oku igulu musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
42Imwe amaadhi agagwa n’imwe omusulo ogugwa musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
43Imwe empewo edhikunta mwenamwena musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
44Iwe omuliro n’iwe olwota musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
45Iwe olwota olw’omu biseera eby’endoboozi n’iwe obwinhogovu obw’omu biseera eby’ekiinhogogo,
musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
46Iwe omusulo ogugwa n’iwe omugozi ogugwa musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
47Iwe omusana n’iwe obwire musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
48Iwe obutangaavu bw’endhuba n’iwe enzikiiza musaake Musengwa,
Mumwembere enhembo edhimusaaka, mumughenga n’ekitiisa ebyanda n’ebyanda.
49Iwe omugozi n’iwe obwinhogovu musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
50Imwe amabaale g’omugozi musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
51Imwe okumyansa okw’olukuba n’imwe ebire musaake musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
52Iwe ensi saaka Musengwa.
Mwembere enhembo edhimusaaka, omughenga n’ekitiisa ebyanda n’ebyanda.
53Imwe ensozi enene n’imwe obusozi obutono, musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
54Imwe ebintu mwenamwena ebimera musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
55Imwe enhandha n’imwe emiiga musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
56Imwe ensulo dh’amaadhi musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
57Imwe agasolo ag’omu nhandha n’imwe ebitonde ebindi ebiba mu maadhi, musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
58Imwe enhonhi mwenamwena musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
59Imwe ensolo dhoonadhoona edha ghaka n’edh’omu nsiko, musaake musengwa
Mumwembere enhembo edhimusaaka, mumughenga n’ekitiisa ebyanda n’ebyanda.
60Imwe abantu mwenamwena abali ku nsi, musaake musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
61Imwe Abaisiraeli musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
62Imwe bakabona ba Musengwa, musaake musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
63Imwe abagheereza ba Musengwa, musaake musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
64Imwe mwenamwena abeesigwa, musaake musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
65Imwe mwenamwena abawombeefu era abatukuvu, musaake musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
66Imwe Hanania, Azaria ni Mishaeli, musaake Musengwa.
Mumwembere enhembo edhimusaaka, mumughenga n’ekitiisa ebyanda n’ebyanda.
Kuba yatutoola e magombe yaatuwonia okufa.
Yaatutoola mu kikoomi ekyali kiri kubbeibbera omuliro,
yaagutuwonia okutwokya.
67Mwenamwena musiime Musengwa kuba mulungi,
era okusaasira kwe tikukoma, kubaagho byanda na byanda.
68Mwenamwena abasinza Musengwa mumusaake.
Mwembere Katonda oyo owa bakatonda nga mumwebaza,
kuba okusaasira kwe tikukoma, kubaagho byanda na byanda.”