6
Entaama Ento ekakampula obumanhiso
1Agho naabona Entaama Ento ng’ekakampula akalala ku bumanhiso omusanvu, era naawulira kirala ku bitonde ebiramu ebina (4), nga kyogera mu mamiro agali ng’oti kutyabuka kwa lukuba kiti: Idha! 2Naja okulinga nti, nga mbona embalaasi endheru. Eyali ali kugivuga ng’ali n’akalaso. Yaagheebwa engule aje ng’aghangula, era aghangule.6:2: Zek 1:8; 6:3, 6
3Entaama Ento bwe yakakampula akamanhiso akokubiri, naawulira ekitonde ekiramu ekyokubiri nga kikoba kiti: “Idha!” 4Yaavaayo embalaasi eyindi, nga myufu. Eyali ali kugivuga, ng’agheereibwa okuleeta entalo ku nsi, abantu baitagane. Era baamugha empiima endeeyiriri.6:4: Zek 1:8; 6:2
5Entaama Ento bwe yakakampula akamanhiso akokusatu, naawulira ekitonde ekiramu ekyokusatu nga kikoba kiti: “Idha!” Naja okulinga nti, nga mbona embalaasi endhirugavu. Eyali ali kugivuga ng’ali ni minzaani mu ngalo.6:5: Zek 6:2, 6 6Naawulira agaali ng’oti mamiro nga gava ghagati gh’ebitonde ebiramu ebina (4), nga gakoba gati: “Akaibo akatono ak’engaano kanaagula dinari namba, n’obwibo obusatu obwa sayiri bwona bugule dinari namba. Omuzigo n’omwenge ogw’emizabbibu otabyonoona.”
7Entaama Ento bwe yakakampula akamanhiso akokuna, naawulira ekitonde ekiramu ekyokuna nga kikoba kiti: “Idha!” 8Naja okulinga nti, nga mbona embalaasi empaaluufu. Eyali ali kugivuga ng’ayetebwa Kufa, era Magombe ng’ali kumunonereza. Bano baagheebwa obukumu ku kitundu kirala kirala ku buli bitundu ebina ebiri ku nsi, beeyambise empiima, n’endhala, n’endwaire ya kawumpuli, n’ensolo edh’oku nsi, mu kwita.6:8: Ezek 14:21
9Entaama Ento bwe yakakampula akamanhiso akokutaanu, naabona ghansi gh’alutaari emyoyo gy’abo abaitibwa olw’okwikiriza ekibono kya Katonda n’olw’okukidhulira. 10Baayasiikana bati: “Wo Musengwa Aghanga Ebintu Byonabyona, omutukuvu era ow’amazima, olisalira li abantu ab’oku nsi omusango okubasinga, n’obeesasuulizaaku olw’okutwita?” 11Agho kiisi mulala yaagheebwa ekivaalo ekyeru, era baabakoba okuteegaku akaseera katono, okutuusa omughendo gw’abagheereza banaibwe, era baganda baibwe ab’okwitibwa nga beene, lwe gulighera.
12Entaama Ento bwe yakakampula akamanhiso akomukaaga, naja okulinga nti nga mbona musisi ow’amaani, n’endhuba ng’eirugala ng’oti kisiriiza, n’omwezi gwonagwona nga gumyuka ng’oti musaayi.6:12: Kwol 11:13; 16:18; Isa 13:10; Yoe 2:10, 31; 3:15; Mat 24:29; Mar 13:24-25; Luk 21:25 13N’emuunienie dhaava ku igulu dhaamagala ku nsi ng’oti n’ebibala ebikaali kwenga eby’omuti omutiini bwe bimagala ghansi, nga kiwunga ow’amaani agutengeesiisa.6:13-14: Isa 34:4 14Eigulu lyazingibwaku ng’enzingo ey’ekitabo bwezingibwaku, lyavaagho kiisi lusozi na kiisi kizinga byatoolebwa mu bifo byabyo.6:14: Kwol 16:20 15Olwo bakyabazinga ab’oku nsi, n’abafuzi, n’abakulu b’abaisirukale, n’abakombe, n’ab’amaani, n’abantu boonaboona, abairu n’ab’eidembe, beegisa mu mpuku ni mu gabaale ag’oku nsozi.6:15: Isa 2:19, 21 16Baakoba ensozi n’agabaale bati: “Mutugweku mutugise, oyo atyaime ku kityamo eky’obwakyabazinga alobe kutubona. Mutuwonie obusungu obw’Entaama Ento,6:16: Hos 10:8; Luk 23:30 17kuba olunaku olw’obusungu bwayo lutuuse, naani asobola okuwona?”6:17: Yoe 2:11; Mal 3:2