5
Enzingo y’ekitabo n’Entaama ento
1Naabona enzingo y’ekitabo mu mukono omusaadha ogw’oyo atyaime ku kityamo eky’obwakyabazinga, ng’eghandiikiibwa munda ni ku ngulu era ng’esibiibwaku n’obumanhiso musanvu.5:1: Ezek 2:9-10; Isa 29:11 2Era naabona malaika ow’amaani, yaabuuza n’amamiro ag’amaani ati: “Naani agwaine okukakampula obumanhiso obusibye enzingo y’ekitabo n’okugizingulula?” 3Aye ghaabula naire omulala mu igulu oba ku nsi, waire ghansi mu bafu, asobola okuzingulula enzingo ey’ekitabo, waire okugisomamu.
4Nze naalira inho amaziga okubona nga ghabuzeegho omuntu naire omulala ati, agwaine okuzingulula enzingo ey’ekitabo n’okugisomamu.
5Agho owundi ku bakulembeze yankoba ati: “Otalira. Bona, oyo ayetebwa Empologoma, ow’omu ighanga lya Yuda, mwidhukulu wa Daudi yaghangula, era asobola okukakampula obumanhiso omusanvu, n’okuzingulula enzingo ey’ekitabo.”5:5: Mainh 49:9; Isa 11:1, 10
6Agho naabona Entaama Ento ng’eyemereire ghagati aghali ekityamo eky’obwakyabazinga, ng’eboneka ng’eyaitibwaku. Ebitonde ebiramu ebina (4) byali bigyezungulwire aghalala n’abakulembeze. Yali n’amayiga musanvu n’amaiso musanvu, nga n’egyo emyoyo omusanvu egya Katonda egitumibwa mu nsi yoonayoona.5:6: Isa 53:7; Zek 4:10 7Yaaja, yaatoola enzingo ey’ekitabo mu mukono omusaadha ogw’oyo atyaime ku kityamo eky’obwakyabazinga. 8Bwe yakola ekyo, ebitonde ebiramu ebina (4) n’abakulembeze amakumi abiri n’abana (24), beeyala mu maiso ag’Entaama Ento. Buli mulala yali n’entongooli, n’ebibya ebya zaabu ebiidhwire obubbaani ng’okwo n’okusaba okw’abatuukirivu.5:8: Zab 141:2 9Baayemba olwembo oluyaaka, bati:5:9: Zab 33:3; 98:1; Isa 42:10
“Ogwaine okutoola enzingo ey’ekitabo
n’okukakampula obumanhiso obugisibye,
kuba waitibwa era waanunulira Katonda abantu,
aba kiisi kika, kiisi lulimi, kiisi luse, na kiisi ighanga.
10Wabafuula obwakyabazinga5:10: Kuv 19:6; Kwol 1:6
era waabafuula bakabona ba Katonda waife ab’okufuga ku nsi.”
11Agho naabona era naawulira amamiro ga bamalaika, enkumi n’enkumi, obukaire n’obukaire, nga beezungulwire ekityamo eky’obwakyabazinga n’ebitonde ebiramu, n’abakulembeze.5:11: Dan 7:10 12Baayogera n’amamiro ag’amaani bati:
“Entaama Ento eyaitibwa egwaine okuba
n’obukumu, n’obukombe, n’amagezi, n’amaani.
Era egwaine okusaakibwa, okugheebwa ekitiisa, n’okusinzibwa!”
13Era naawulira buli kitonde mu igulu, ni ku nsi, ni ghansi mu bafu, ni mu nhandha, byonabyona nga bikoba biti:
“Oyo atyaime ku kityamo eky’obwakyabazinga era n’Entaama Ento,
asaakibwe, agheebwe ekitiisa, asinzibwe, era abenga wa maani
ebyanda n’ebyanda!”
14Ebitonde ebiramu ebina (4) byakoba biti: “Amiina.” Era abakulembeze beeyala baasinza.