22
1Agho malaika yandholeka omwiga ogw’amaadhi ag’obulamu agabitamu amaiso, oguva mu kityamo kya Katonda n’eky’Entaama Ento.22:1: Ezek 47:1; Zek 14:8 2Gwakulukutira ghagati gh’oluguudo lw’ekibuga ekyo. Eruuyi n’eruuyi ew’omwiga ogwo ghaaligho omuti ogw’obulamu, ogwama ebibala emikuzi ikumi n’ebiri omwaka, nga gwama buli mwezi. Amakaba gaagwo nga ga kuwonia amaghanga goonagoona.22:2: Mainh 2:9; Ezek 47:12 3Teribaayo kabiri kikolimo. Ekityamo eky’obwakyabazinga ekya Katonda era eky’Entaama Ento, n’ekinaabanga mu kibuga omwo era abagheereza ba Katonda banaamusinzanga.22:3: Zek 14:11 4Banaabonanga amaiso ge, era eriina lye lirighandiikibwa mu byeni byaibwe. 5Obwire tibuliiramu kuziba, era tibalyetaaga butangaavu bwa ntaala oba obw’endhuba. Kuba Musengwa Katonda n’anaabanga obutangaavu bwaibwe, era balifuga ebyanda n’ebyanda.22:5: Isa 60:19; Dan 7:18
6Era malaika yankoba ati: “Ebibono bino bituufu era bya mazima. Musengwa Katonda oyo agha abalanzi Mwoyo we, atumye malaika we okulaga abagheereza be ebyo ebiri n’okubaagho amangu.”
7“Bona, ndi kwidha mangu! Wa nkabi oyo agema ebibono eby’obulanzi ebiri mu kitabo kino.”
8Nze Yoanne, ninze eyawulira era ni mbona bino. Bwe namala okubiwulira n’okubibona, neeyala gha bigere bya malaika eyabindaga, naamusinza. 9Aye yankoba ati: “Leka otageza kukola ekyo! Zeena ndi mugheereza mwino, ni baganda bo abalanzi era n’abo abagema ebibono ebiri mu kitabo kino. Katonda y’obe osinze.”
10Era yankoba ati: “Ebibono by’obulanzi ebiri mu kitabo kino tobigisa mu kyama, kuba ekiseera kiri kumpi ebintu bino bibeegho. 11Omwonooni ayongere okwonoona, omudankaanu asigale nga mudankaanu, omutuufu ayongere okuba omutuufu, omutuukirivu ayongere okuba omutuukirivu.22:11: Dan 12:10
12“Bona, ndi kwidha mangu. Ndidha n’empeera nsasule buli muntu, nga njiira ku bye yakola.22:12: Isa 40:10; 62:11; Zab 28:4; Yer 17:10 13Ninze Alufa ni Omega, entoolo n’enkomerero, ainhama era asembayo.”22:13: Kwol 1:8, 17; 2:8; Isa 44:6; 48:12
14Ba nkabi abo abaamula ebivaalo byaibwe. Baligheebwa obukumu okulya ebibala eby’omuti ogw’obulamu, era n’okwingira mu kibuga nga babita mu miryango.22:14: Mainh 2:9; 3:22 15Aye embwa, n’abalogo, n’abenzi, n’abatemo n’abasinza ebyo ebitali Katonda, n’abaguya, baliba kuliya.
16“Nze Yesu, ntumye malaika wange okubakobera ebintu bino mu bikunsu eby’abandhikiriza. Ndi wa ku luzi lwa Daudi era nsimuka mu oyo. Ninze emuunienie ey’oku nkyo eyaka einho.”22:16: Isa 11:1, 10
17Mwoyo n’Omugole bakoba bati: “Idha!” N’oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.22:17: Isa 55:1
Okufundikira
18Ndabula kiisi awulira bibono bya bulanzi ebiri mu kitabo kino: oyo alibyongeraku, Katonda alimwongeraku ebibamba ebighandiikiibwaku mu kitabo kino.22:18-19: Ma 4:2; 12:32 19Ate alikendeeza ku bibono eby’obulanzi ebiri mu kitabo kino, Katonda alimutoolaku omugabo gwe ogw’oku muti ogw’obulamu, n’ogw’omu kibuga ekitukuvu ebighandiikiibwaku mu kitabo kino.
20Akakasa bino, akoba ati: “Bwenebwene, ndi kwidha mangu.” Amiina. Idha Musengwa Yesu.
21Enkabi dha Musengwa Yesu dhibenga n’abatuukirivu boonaboona. Amiina.