18
Okuzikirira kwa Babiloni
1Ebyo bwe byawa, naabona malaika owundi ng’aika ng’ava mu igulu, ng’ali n’obuyinza obutaloodheka. Ekitiisa kye kyamulisa ensi yoonayoona. 2Yaayogera n’eiroboozi ery’amaani ati:18:2: Isa 13:21; 21:9; Yer 50:39; 51:8; Kwol 14:8
“Agwire, agwire Babiloni omukologho!
Afuuse kifo omwesololeza emizimu emibi egya buli nsambo,
na kiisi nhonhi mbi etali nongoofu.
3Kuba amaghanga goonagoona gaatamiira18:3: Isa 23:17; Yer 51:7 omwenge ogw’obwenzi bwe.
Bakyabazinga ab’oku nsi baayenda naye,
n’abasuubuzi ab’oku nsi bakombaghalira ku kwedhalabya kwe okungi.”
4Era naawulira amamiro agandi agava mu igulu nga gakoba gati:18:4: Isa 48:20; Yer 50:8; 51:6, 45
“Bantu bange, mumuveemu,
mulobe kweyimba mu bibi bye,
na kugabana ku bibamba bye;
5kuba emungo ey’ebibi bye etuukira irala ku igulu,18:5: Mainh 18:20-21; Yer 51:9
ni Katonda aidhi ebyonoono bye.
6Mumukole nga mwene bwe yabakola,18:6: Zab 137:8; Yer 50:29
ate ku bikolwa bye mumwesasuuzeemu emikuzi ebiri.
Ekikopo kye yabatabulira imwe,
mukimutabuliremu obuka bwa mikuzi ebiri.
7Ye yakomya okwesaaka n’okwedhalabya,18:7-8: Isa 47:7-9
mwena ye mube mukomye okumudaaza n’okumuliza enaku;
kuba yeesuuta mu mwoyo ati:
‘Ninze kyabazinga omukazi,
tiri namwandu,
era tirimanha bughafu naire.’
8Ebibamba bye kye biriva bimwidhira ku lunaku olulala,
endwaire ya kawumpuli, obughafu, n’endhala.
Era alyokebwa omuliro,
kuba Musengwa Katonda ali kumusalira omusango okumusinga wa maani.”
9Bakyabazinga ab’ensi abaayendanga naye era ni beedhalabyanga bwe balibona omwosi ng’ali kuya, balimulirira era baagegenga.18:9-10: Ezek 26:16-17 10Balyemerera ghalaku olw’okutya okudaagadaaga kwe, baakoba bati:
“Okagwireku, okagwireku iwe Babiloni ekibuga ekikologho!
Iwe ekibuga eky’amaani!
Ozikiriziibwa mu saawa busaawa eti!”
11Abasuubuzi b’ebintu ab’oku nsi balirira era baagegenga kuba ghaliba nga ghazira agula bintu byaibwe.18:11: Ezek 27:31, 36
14Balimukoba bati: “Ebirungi byonabyona bye weegombanga okufuna bizikiriire. Eby’obukombe byonabyona n’eby’ekitiisa bikuwoireku, era tokairayo kubibonaku kabiri!”
15Abasuubuzi b’ebintu ebyo be yakombaghaza, balyemerera ghala olw’okutya okudaagadaaga kwe, baalira era baagegenga,18:15: Ezek 27:31, 36 16nga bakoba bati:
“Okagwireku! Okagwireku iwe ekibuga ekikologho,
eyavaalanga ebivaalo ebighegheevu eby’ebitiibwa ebya nakasooma n’ebya kasaayisaayi;
ng’otoonha zaabu n’ebinhere, n’ebikomo eby’amabaale ag’omughendo.
17Mu saawa busaawa eti ofiiriirwa eby’obukombe ebyo byonabyona!”18:17: Isa 23:14; Ezek 27:26-30
N’abakulu ab’amaato, n’abakozi ab’oku maato, n’abantu be bawungula, n’abo boonaboona abakola ku nhandha, balyemerera ghala. 18Bwe balibona omwosi ng’ali kuya baliwowoigana bati: “Ghaali ghabaireghooku ekibuga ekikologho ng’oti ni kino.”18:18: Ezek 27:32 19Era balyeyugha enkungu mu mitwe, baalira era baagegenga nga bakoba bati:
“Okagwireku! Okagwireku, iwe ekibuga ekikologho,
ekyakombaghaliramu abo boonaboona abaali n’amaato ku nhandha!
Mu saawa busaawa eti kizikiriire!18:19: Ezek 27:30-34
20Imwe mwenamwena abali mu igulu musagambe, kuba azikiriziibwa!
N’imwe abatuukirivu, n’abatume, n’abalanzi musagambe!
Kuba Katonda amusaliire omusango gwamusinga olw’ebyo bye yabakola.”18:20: Ma 32:43; Yer 51:48
21Agho naabona malaika ow’amaani, yaaginga eibaale eriri ng’oti lubengo lukologho, yalisuula mu nhandha ng’akoba ati:18:21: Yer 51:63-64; Ezek 26:21
“Babiloni ekibuga ekikologho
kityo bwe kirisuulibwa ghansi n’amaani amangi, ni kitairayo kuboneka kabiri.
22Enhembo edh’abakubi b’entongooli, n’edh’abembi, n’edh’abafuuyi b’endere,
n’ab’endeka,
tidhiriirayo kuwulirwa mu iwe.
Mu iwe timulyagaanibwamu kabiri
mukozi mukugu wa mulimo gwonagwona,
waire okusa kw’olubengo
okwirayo okuwulikika.18:22: Ezek 26:13; Isa 24:818:22-23: Yer 7:34; 25:10
23Okumulika okw’entaala tikuliirayo
kabiri kuboneka mu iwe,
waire amamiro ag’oyo abayiiza omugole oba ag’omugole mwene,
okwirayo okuwulirwa mu iwe.
Abaasuubuliranga mu iwe abaali abakologho ku nsi wabaguya,
n’amaghanga goonagoona wagaguyanga n’obulogo bwo.”
24Mu oyo n’omwayagaanibwa omusaayi ogw’abalanzi, n’ogw’abatuukirivu, n’ogwa abantu boonaboona abaitibwa ku nsi.18:24: Yer 51:49