EKITABO KYA
ZABBULI
Enhandhula
Zabbuli kitabo kya nhembo era kya kusaba ekyagaanibwa mu Baibuli. Enhembo dhino n’okusaba kuno byayiiyizibwa abantu abatali ba nsambo ndala okumala ekiseera ekireeyi, byasolozebwa era byakozesebwanga Abaisiraeli mu kusinza kwaibwe.
Zabbuli dhino dhaaghandiikibwa mu nsambo ya ndheso era dha bika kamaala: mulimu edh’okusaaka n’okusinza Katonda; edh’okusaba Katonda okubeera, okukuuma, n’okulokola abantu be; edh’okusiima ebirungi ebiva ye Katonda n’enkabi dh’agha abantu; edh’okusaba ekisonigho eri Katonda; era n’edh’okusaba Katonda abonereze abazigu. Mu Zabbuli dhino mulimu edhigema ku muntu omulala yenka, era n’edhigema ku ighanga lyonalyona. Edhindi dhooleka ebyetaago n’ebirowoozo omuntu by’aba nabyo mu mwoyo gwe yenka, ate edhindi dhaayoleka ebyetaago n’ebirowoozo eby’abantu ba Katonda boonaboona okutwalira aghalala.
Zabbuli dhino dhaakozesebwanga ni Yesu mwene, era n’abaghandiisi ab’Endagaano Empyaka boona baadhighandiikaku. Ekitabo kya Zabbuli kyafuuka kya mughendo mu kusinza okw’Ekikunsu eky’Abaikiriza mu Kurisito, okuviira irala ku matoolera gaakyo.
Ebirimu nga bwe biiraganwaku
Ekitabo 1: Zabbuli 1—41
Ekitabo 2: Zabbuli 42—72
Ekitabo 3: Zabbuli 73—89
Ekitabo 4: Zabbuli 90—106
Ekitabo 5: Zabbuli 107—150