97
Katonda ni Kyabazinga afuga ebintu byonabyona
1Musengwa Katonda ni Kyabazinga, ensi yoonayoona k’esagambe,
n’ebiketezo eby’oku nhandha eby’okumpi n’eghala bisangaale.
2Ali ghagati mu bire n’enzikiiza eri bedimudimu,
afuga mu butuufu ng’akolera ku mazima.
3Akulembezaamu omuliro,
gwaja nga gwokyayokya abazigu be abamwezungulwire.
4Olukuba lwe lumyansa lwamulisa ensi;
ensi yaalubona yaatengeeta.
5Ensozi dhisaanuuka ng’oti muzigo aghaba Musengwa Katonda,
oyo Musengwa Katonda afuga ensi yoonayoona.
6Eby’omu igulu birangirira nga bw’ali omutuufu,
abantu b’ensi dhoonadhoona baabona ekitiisa kye.
7Abo boonaboona abasinza ebitali Katonda,
ni beesaaka olw’okwesiga ebifaananie obufaananie ebyo
ebiziramu na muganhulo, baswazibwa;
kuba ebyo byonabyona bimukubira amakiryaivu.97:7: Heb 1:6
8Ab’e Sioni bawulira era baasangaala,
n’ab’omu bibuga bya Buyudaaya basagamba
olw’ensala yo iwe Musengwa Katonda.
9Wo Musengwa Katonda, niiwe oli ghaigulu yeene, ofuga ebintu byonabyona eby’oku nsi;
oli mukologho okusinga bakatonda ab’amaghanga agandi boonaboona.
10Musengwa Katonda agonza abo abakyagha ebibi; 97:10 oba: Mwenamwena abagonza Musengwa Katonda mukyaghe ebibi.
yaakuuma abantu be abamutya;
era yaabatoola mu buyinza obw’ababi, yaabawonia.
11Obutangaavu bwakira abatuufu,
n’eisanhu lyaidhira abo abagondera ebiragiro bya Katonda.
12Imwe abatuufu, musagambe olw’ebyo Musengwa Katonda by’akola
era mumusiimenga.