53
Musengwa Katonda ye neesiga
(Zab 14)
1Abasiru bakoba mu myoyo gyaibwe bati:
“Katonda azirayo.”
Baidhwire obukupya, era bakola ebyenhinhasa;
boonaboona bakola bikyamu byereere.53:1-3: Rom 3:10-12
2Katonda aba mu igulu yaalingirira ghansi,
okubona oba nga mu bantu mulimu
alimu amagezi,
asinza Katonda.
3Aye boonaboona baaghaba;
boonaboona baagayaga obubi.
Ghazira akola kituufu,
ghazira naire omulala ati.
4Aye abakozi b’ebibi bano,
abalya abantu bange ng’oti balya mere,
kiki kyene kye bataidhi,
ekibalobera okusinza Katonda?
5Aye ni, baidha kuba mu kutya okubitirivu,
okutya kwe batabangamuuku mu bulamu bwaibwe.
Katonda aidha kusuulasuula eyo atyo
amagumba g’abazigu b’abantu be,
abafuudhe ere, baswale.
6Katonda agwananga yaaleetagho
alizaawula Isiraeli ng’ava mu Sioni!
Katonda oyo bw’aliiriza abantu be obukombe,
aba Yakobo balisagamba, aba Isiraeli baasangaala.