113
Okusaaka Musengwa Katonda olw’obulungi bwe
1Mwenamwena musaake Musengwa Katonda!
Imwe abagheereza ba Musengwa Katonda mumusaake,
musaake eriina lye.
2Musaake eriina lya Musengwa Katonda
okuva ni buti, ni ye bwidha eyo ebyanda n’ebyanda.
3Eriina lya Musengwa Katonda lisaakibwe
okuva endhuba y’eva okutuuka y’egwa.
4Musengwa Katonda n’afuga amaghanga goonagoona,
n’ekitiisa kye kisinga n’eigulu.
5Naani ali ng’oti ni Musengwa Katonda waife,
oyo aba eyo ghaigulu yeene,
6n’alinga ghansi
ku biri mu igulu ni ku nsi?
7Abbeeda abanaku yaabatoola mu nkungu;
yaatoola abaavu aghabi,
8yaabafuula bakologho
yaabatuusa ku bitiibwa eby’abalangira.
9Aleetera omukazi omugumba okusangaala mu maka;
yaamugha okuzaala abaana.
Mwenamwena musaake Musengwa Katonda.
All rights reserved – The Bible Society of Uganda