111
Musengwa Katonda asaakibwenga
1Mwenamwena musaake Musengwa Katonda.
Ndidha kusiimanga Musengwa Katonda n’omwoyo gwange gwonagwona,
nga ndi mu bantu abeesoloiza okumusinza.
2Ebintu Musengwa Katonda by’akola bikologho ate bikulu,
abo boonaboona ababyenda babyetegereza.
3Ebyo by’akola biidhwire ekitiisa n’obufuzi,
era mutuufu ebyanda n’ebyanda.
4Musengwa Katonda by’akola byewuunhisa, tabiganha kwerabirwa;
wa kivunika era musaasizi.
5Abo abamutya abafunira eky’okulya,
era tiyeerabira ndagaano ye.
6Yayoleka abantu be nga bw’ali ow’obukumu mu by’akola,
yaabafuula beene nsi, mu nsi edhitaali dhaibwe.
7Mu byonabyona by’akola yesigika era wa mazima;
ebiragiro bye biziramu buguya,
8tibikyukamu naire ebyanda n’ebyanda,
byakolebwa mu bwesigwa ni mu butuufu.
9Yanunula abantu be,
yaakola nabo endagaano etavaagho ebyanda n’ebyanda.
Eriina lye itukuvu era litiibwa.
10Mu kutya Musengwa Katonda n’omusookera amagezi;111:10: Yob 28:28; Nsa 1:7; 9:10
abo abagondera ebiragiro bye abagha okutegeera.
Musengwa Katonda asaakibwenga ebyanda n’ebyanda.