110
Musengwa Katonda asuubiza kyabazinga we obughanguzi
1Musengwa Katonda yakoba musengwa wange ati:
“Tyama ghano ku luuyi lw’omukono gwange omusaadha,
okutuusa lwe ndita abazigu bo ghansi gh’ebigere byo.”110:1: Mat 22:44; 26:64; Mar 12:36; 14:62; 16:19; Luk 20:42-43; 22:69; Bik 2:34; 1 Kor 15:25; Efe 1:20; Kol 3:1; Heb 1:13; 8:1; 10:12-13; 12:2
2Musengwa Katonda era abunisa obufuzi bwo woonawoona ng’aviira mu Sioni.
Fuga abazigu bo abakwezungulwire.
3Ku lunaku lw’olija n’eigye lyo okulwana,
abantu bo baja kweghaayo kyeyendere aghazira kukakibwa.
Abavubuka bo baja kwidha y’oli ku nsozi entukuvu
ng’oti musulo gwa nkyo.
4110:4: Heb 5:6; 6:20; 7:17, 21 Musengwa Katonda yalayira era talyeidhusa:
“Iwe oli Kabona ebyanda n’ebyanda
ng’oti ni Melekizedeki bwe yali.”
5Iwe kyabazinga, Musengwa Katonda ali agho ku mukono gwo omusaadha,
aidha kufafaagania bakyabazinga abandi, ku lunaku olw’ekiruyi kye.
6Aidha kusalira ensi dhoonadhoona omusango,
adhiidhuze emirambo
era afafaaganie bakyabazinga mu nsi yoonayoona.
7Kyabazinga alinhwa amaadhi ag’omu kaiga akali ku ngira,
olwo yaatambula n’obughanguzi nga mugumu.